Deskribapena

Nazioarteko Liburuaren Eguna (apirilak 23) aitzakia hartuta Arabako, Bizkaiko eta Gipuzkoako campusetan, apirilaren 20tik 24ra liburu-trukeak izango dira, TRUKARTUZ lemapean. Ekimena gure unibertsitateko Argitalpen Zerbitzuak eramango du aurrera, eta haiek argitaratutako 66 izenburu ezberdinetako 475 liburu oparituko ditu.  

Liburuak trukatuz edo hartuz ezagutza zabaltzeko jardueraren izena da Trukartuz, eta ekimenaren irudia izartxo bat da, norabide guztietan geziak osatu eta trukea sinbolizatzen duen liburu sorta. 

Campusetako biblioteka-atarietan EHUko Argitalpen Zerbitzuak kaleratutako zenbait liburu izango dira trukerako mahaian, eta bertara datorren edonork liburuak hartu eta utzi ahal izango ditu 10:00etatik 15:00etara bitartean. Trukerako mahaiak honako leku hauetan izango dira:  

04/20, astelehena 
Bilboko Ingeniaritza Eskola 

04/21, asteartea 
Gipuzkoako campusa, Carlos Santamaria zentroaren sarrera 

04/22, asteazkena 
Arabako campusa, Las Nieves ikasgelategia 

Bizkaia Aretoko Arriaga gelan: Euskal liburugintzari eta irakurzaletasunari buruz hausnarketa: 

18:30-19:30. Hitzaldiak Mari Jose Olaziregi, Gemma Lluch eta Miren Ibarluzearen eskutik 

19:30-20:00. Solasaldia gonbidatuekin 

04/23, osteguna 
Bizkaiko campusa, Leioa, Liburutegi Nagusiaren ataria 

04/20tik 04/24ra 
Bizkaiko campusa, Bilbo, Bizkaia Aretoa