ANECAk unibertsitateko katedradun gisa akreditutako Luis Bujanda Fernández de Piérola Donostiako Sail Ataleko irakasleak parte hartzen duen ikerketa batek lehengo aldiz deskribatzen du kartzinoide gastrikoak dituzten pazienteetan urdaileko minbizia eragiten duen mutazio genetikoa

Informazio zabalagoa ondoko esteka honetan.

BioCrucesek, Gurutzetako Unibertsitate Ospitalean dituen instalazioak, Carlos III.a Institutuak ematen duen Ikerketa Sanitarioko Institutu akreditazio ofiziala lortu du.

http://www.hospitalcruces.com/alDiaNoticiasDetalle.asp?lng=eu&id=1114

Sonia Gaztambide Sáez doktorea, Sail honetako irakaslea eta Gurutzetako Unibertsitate Ospitaleko Endokrinologia eta Nutrizio Zerbitzuburua, UPV/EHUko Medikuntza eta Odontologia Fakultateko Arlo Klinikoko Dekanordea izendatu dute.

Luis Bujanda Fdez. de Piérola irakasleak,  Unibertsitate publikoko irakasle titular izateko akreditazioa lortu du, Kalitatea Ebaluatu eta Egiaztatzeko Estatuko Agentziaren (ANECA) eskutik.  Luis Bujanda jauna irakaslea da Donostiako gure Saileko Sail Atalean, eta digestibo arloko espezialista Donostiako Unibertsitate Ospitalean.

Gabriel Mª Inclán irakaslea Barne Medikuntzako Batzorde Nazionaleko presidenteordea aukeratua izan da, Estatuko Osasun Sistemako Giza Baliabideen Batzordearen proposamenez.

Ekainaren 19an zendu zen Manuel Moretó Canela gure lankidea (goien bego), sail honetako irakasle Gurutzetako irakasgunean eta Gurutzetako unibertsitate ospitaleko digestio aparatuaren zerbitzuburua.

Ekainaren 15ean, gure lagun Antonio Izaguirre Boneta (goian bego), utzi gintuen. Saila honetako irakasle Donostiako irakasgunean eta Donostiako unibertsitate  ospitaleko  Mediku nefrologoa  izan da.

Guillermo Ruíz Irastorza irakaslea eta Gurutzetako irakasgune eta Biocruceseko ikerketa ekipoak aztertzen ari dira zeintzuk diren glukokortikoideen zeharkako ondorioak gutxitzeko tratamenduak. Informazio zabalagoa ondoko esteka honetan.

Behazun epitelioko tumoreen sorreran eta hesteetako gaixotasun inflamatorioen garapenean besikula extrazelularren garrantzia:

Kanposomak tamaina txikiko (30-120nm) besikulak dira. Hainbat zelula motek isuri egiten dituzte eta bere barnean mARN, microARNs eta proteinak ditu. Mikrobesikula hauek hainbat urin biologikoetan daude, odolean, gernuan, listuan, likido aszitikoan edo  behazun urinean. Azken urte hauetan,  microbesikula hauen interesa areagotu egin da, hein handi batean,  bere  garrantzia frogatu delako , ondoko prozesu fisiologiko eta patologikoen garapenean: zelularen ugalketan, apoptosian, angiogenesian, metastasietan, jasankortasun inmunean, hanturan, etab.etan.  Horrez gain, kanposomek gaixotasun batzuen berariazko biomarkatzaileak bere barnean daramatzatela uste da, eta hauek, era berean, sendabide izan daitezkeela. Orain dela gutxi, kanposomak behazun urinetan aurkitu dira. Kanposoma hauek, hein batean, behazun epitelioak isurtzen ditu (adib. Kolangiozitoak), kanposomen ugalketa era autokrino/ parakrinoan erregulaturik.
Behazun epitelioko gaixotasunak kolangiopatiak deitzen dira. Etiologiarik nabarmenenak hauexek dira: genetika, autoimunea, kutsakorra eta tumorala (adib.kolangiokartzinoma, CCA). CCAk oso minbizi hilkorrak dira, aldi goiztiarretan sintomarik gabekoak  direlako  eta kimioterapiari  erresistentzia handia diotela. Era berean,  CCA duten gaixo batzuek hesteetako gaixotasun inflamatorioa dute. Gure ikerketa proiektuaren helburua  giza kolangiozito arrunteko eta tumoraleko  kanposomen garapena eta ugalketaren azterketan datza, eta baita ere, hesteetako gaixotasun inflamatorioarekin  lotura aztertuko du. Bestalde, CCAren diagnosian kanposomen garrantzia aztertu nahi dugu.

Mikel Martínez Ortiz de Zárate irakasleak, Basurtuko Unibertsitate Ospitaleko Larrialdi Zerbitzuko buruak, erantsi dugun lan bat (gaztelaniaz, pdf 235 KB) zuzendu du, eta jatorrizko argitalpena 2013ko ARTIKULU ONENA aukeratu dute EMERGENCIAS aldizkarian. Aldizkari horrek 2012an 2,578ko eragin faktorea izan du eta 1. kuartilan dago (24tik 3) Emergency Medicine delakoan.

Apirilaren 30ean, gure lagun Patxi Arroita Zalbidek (goian bego), utzi gintuen. Saila honetako irakasle eta Basurtoko Ospitale mediku izan da. Berari ,erantsitako heriotza-oharra  biotz-biotzez, eskaintzen diogu (gaztelaniaz, .pdf 60,7KB).

Zerua eta guztion maitasuna, Patxi, irabazi duzu. Goian bego.

Patxi, te has ganado el cielo y el cariño de todos. Descansa en paz.

Iñaki Arriaga Lariz irakaslea, Basurtuko Unibertsitate ospitaleko Neumologia Zerbitzuburua kargurako izendatu dute.

Gabriel Maria Inclán Iribar irakaslea, Gurutzetako Unibertsitate ospitaleko Barne Medikuntza Atalburua kargurako izendatu dute.

Luis Bujanda Fernandez de Pierola Donostiako irakasguneko irakasle titularra egindako lanei esker azterketari buruzko zenbait zalantza argitu dira; lanak EAEn koloneko minbiziaren inguruko baheketa programaren koordinatzaile Isabel Portillorekin batera egin ditu.

https://www.ehu.eus/p200-content/eu/contenidos/noticia/20140206_luis_bujanda/eu_bujanda/20140206_luis_bujanda.html

Donostiako irakasguneko irakasle titularra den Luis Bujanda Fernández de Piérolak, zuzentzen duen ikerketa-taldearekin batera, Carlos III Osasun Institutuaren diru-laguntza lortu du, 3 urteko aldirako (2014-16). Izenburu hau daukan ikerketa-proiektua egingo du: "Detección de Helicobacter pylori  en biopsia, hilo de Enterotest y heces. Estudio comparativo empleando métodos moleculares, cultivo o inmuno cromatografía y ELISA".

H. pylori bidezko infekzioaren kultibo- eta detekzio-metodo ezberdinak konparatzeko xedea dauka.  Horrez gain, antibiograma egiteko hobea zein den aurkitu nahi du, eta tratamendurik egokiena hautatu.  Gaur egun, H. pylori-rekiko erresistentziak oso handiak dira; klaritromizina eta lebofloxazinorekikoa % 20 inguruan daude, eta metronidazolekikoa % 30etik gora. Tratamendu klasiko enpirikoak ez du % 80 gainditzen: omeprazol, klaritromizina eta amoxizilina 7 - 14 egun bitartean.

Zorionak eman nahi dizkiogu Basurtuko Sail Ataleko Fernando Marco De Lucas irakasleari. Izan ere, Basurtuko Unibertsitate Ospitaleko Hematologia Zerbitzuko burutza lortu du.

Vitoria-Gasteizko Irakasguneko irakaslea eta Arabako Unibertsitate Ospitaleko Kardiologia Zerbitzuko burua den Luis Fernando Arós Borau da PREDIMED azterlanaren Vitoria-Gasteizko lantaldeko burua. Azterlan horretan 16 ikerketa-taldek parte hartu dute, estatu osoko unibertsitate, ospitale eta zentro ezberdinetakoak.   

Altimetric erakundearen arabera, 2013. urtean sare sozialen bitartez mundu osoan zabalkunde eta gizarte-eraginik handiena izan dituzten lanen artean bigarrena da lan hau.

Dieta mediterraneoak bihotz-hodietako arriskuaren prebentzioan daukan eragina frogatzen duten PREDIMED azterlanaren ondorioak otsailean argitaratu ziren New England Journal of Medicine aldizkarian: "Primary Prevention of Cardiovascular Disease with a Mediterranean Diet".  

Zabalkunderik handiena izan duen artikulua, 2013ko lehenengo 100 artikuluen artean dagoena, Japoniako ekialdeko uretan arrainek daukaten kutsadurari buruzko izan da, Fukushimako istripu nuklearraren ondorioz.

Ramon Querejeta Iraola  irakasleak,  Unibertsitate publikoko irakasle titular izateko akreditazioa lortu du, Kalitatea Ebaluatu eta Egiaztatzeko Estatuko Agentziaren (ANECA) eskutik.  Ramon Querejeta Iraola jauna irakaslea da Donostiako gure Saileko Sail Atalean, eta kardiologia arloko espezialista Donostiako Unibertsitate Ospitalean.

MEREZITAKO AINTZATESPENA EGINDAKO LAN ONARI!

Fernando Marco De Lucas, Jose Antonio Márquez Navarro eta Miren Itziar Pujana Zaldegi irakasleek, Basurtuko sail ataleko kide, ospitale horretako Hematologia Zerbitzuko buru klinikoaren kargurako izendapena jaso dute.

Gure laguntza eta sostengu osoa hiruroi eta desiorik onenak beren eginkizun horretan!

Euskal Unibertsitate Sistemaren Kalitatea Ebaluatzeko eta Egiaztatzeko Agentziak (Unibasq) irakasle agregatuaren akreditazioa eman dio Jesús Arzubiaga Bilbao irakasleari. Jesús Arzubiaga Bilbao jauna irakaslea da Basurtuko gure Saileko Sail Atalean, eta kardiologia arloko espezialista Basurtuko Unibertsitate Ospitalean. 

MEREZITAKO AINTZATESPENA EGINDAKO LAN ONARI!

Organizado por la asociación "Producciones Solidarias Lizarralde y Compañía Sociedad ilimitada" (presidida por nuestro compañero y profesor Ricardo Franco). Ver AMIARTE". Esta ONG está desarrollando una importantísima labor con gente "sin techo", promocionando a través del arte, en todas sus modalidades plásticas, su reinserción social. Los recortes derivados de la crisis les ha dejado sin fondos para subsistir.

Las entradas  (a 12 euros) están ya a venta en los cajeros (TELEKA) de la BBK, o en la taquilla del teatro basauritarra.

Juan Bautista Gáldiz Iturri irakasleak, Gurutzetako gure sailean sail ataleko koordinatzailea denak, Unibertsitate publikoko irakasle titular izateko akreditazioa lortu du apirilean, Kalitatea Ebaluatu eta Egiaztatzeko Estatuko Agentziaren (ANECA) eskutik.

ZORIONAK LORPENAGATIK, MEREZI DUZU-ETA!

2013ko apirilaren 10ean, asteazkena, Inmaculada Larragán Abad andreari omenaldia egin genion, berrogei urte eman baititu sail honetako idazkari lanetan.

Ekitaldian izan ziren, besteak beste, Medikuntza Fakultateko dekano Agustín Martínez Ibargüen irakasle jauna, Basurtuko Irakaskuntza Guneko koordinatzaile Javier Aristegui Fernández irakasle jauna, Medikuntza eta Kirurgia Espezialitateen Saileko zuzendari Isabel López-Abadía Rodrigo irakasle andrea eta Medikuntza Saileko irakasle ugari, baita Medikuntza Fakultateko Administrazio eta Zerbitzuetako langile asko ere, Leioa zein Basurtukoak.

Felipe Miguel de la Villa irakasleak hartu zuen hitza, sailean urte gehien daramatzan katedraduna den aldetik, eta Inmaculada Larragánen dohain handiak nabarmendu zituen.

Beatriz Esparza Echevarría irakasleak, berriz, hitz hunkigarriak eskaini zizkion saileko kide guztien izenean.

Ricardo Franco Vicario irakasleak, ostera, Inmaculadaren ibilbidea goratu zuen, atxikitako (gaztelaniaz pdf, 100KB) diskurtso hunkigarriarekin.

Egunaren oroigarri gisa, opari bat jaso zuen, baita saileko ia kide guztiek sinatutako postal kutun bat ere; bertan, lankideek berarekiko dituzten sentimenduak adierazi zizkioten.

Carlos Gardelen Volver tangoaren letrak dioen moduan, hogei urte ez da ezer, baina berrogei urtez ilusioarekin eta alaitasunarekin lan egitea, gure idazkari Inmaculadak egin duen moduan, erabakigarria izan da Medikuntza Sailaren lorpenetarako.

Eusko Jaurlaritzako Hezkuntza Sailak Luis Bujanda Fernández de Piérola irakasleak zuzendutako ikerketa taldeari (A taldean sailkatuta) diru-laguntza eman dio, 6 urtez ikerketa lanak egin ahal izateko, 2013tik 2018ra bitartean.

Ebazpena, eranskinean dagoena (pdf, 19 KB), apirilean argitaratu da.

Zorionak, Luis, lorpen honengatik, eta arrakasta handia opa dizugu ikerketetan.

2013ko martxoaren 15ean, ostiralean, omenaldia egin zitzaien 14 lankideri, zeinek, gure sailean urte askoan lan egin ondoren, aurrerantzean denbora gura duten gauzetan emateko askatasuna eskuratu duten.  Hauexek dira: Aguirre Errasti Ciraco, Alonso Alonso Juan José, Aramburu Albizuri Jose Miguel, Barrenetxea Benguria José Ignacio, Basterra Romo Gabriel, Beltrán de Heredia Oyarzabal Jose María, Cuadrado Del Barrio Emilio, Duque de las Heras Carmen, Fernández Obregón Juan Carlos, García Campos Francisco, Ituarte Arízaga Juan, Lampreabe Gaztelu Ildefonso, Marín González Julián eta Vidaur Otegui Fernando.

Ekitaldian parte hartu zuten saileko zuzendariak eta idazkariak , sail ataletako  koordinatzaileek, katedradunek eta irakaskuntzan egindako bide luze horretan omenduen lankide izan diren hainbat irakaslek.

Zuzendariak, Beatriz Esparza irakasleak, berba maitetsuak esan zizkien guztien izenean, sailean egindako lan bikaina eskertzeko.

Egun horren oroigarri, omenduei José Antonio Aróstegui mediku eta pintoreak egindako oparitxo bat eman zitzaien.

Ekitaldia amaitzeko, Carlos Hinojal irakasleak armonika kontzertua eman zuen, Mozarten doinuak eta Espainiako kantutegiko zenbait pieza eskainiz.

Basurtuko saileko ataleko Fernando Marco de Lucas irakasleari Hematologia Zerbitzuburuaren jarduneko plaza esleitu diote, 2013/04/18an, plaza ofizialki bete arte.

EUTSI HORRI! Eginkizun garrantzitsu horretan gure babesa izango duzu.

Agustín Martínez Berriochoa irakaslea, Gurutzeta-Departamentuaren Sailekoa, ospital horretako Zuzendariordea Medikoa izendatu dute, gaur martxoaren 18an.

Zorionak Agustin, zuri laguntzeko prest gaude!.  Sorte on erronka berri honetan.

Fermin Labayen Beraza irakaslea, Gurutzeta-Departamentuaren Sailekoa, ospital horretako Zuzendari Medikoa izendatu dute, gaur martxoaren 11an.

Zorionak Fermin, laguntzeko prest gaituzu!.  Sorte on erronka berri honetan.

Gaur, 2013ko otsailaren 7an, Jose Medrano Laporte irakasleak,  Arabako Departamentuaren Sailekoa, Arabako Unibertsitate Ospitaleko zuzendariordea, izendatu dute.

Zorionak Jose!

UPV/EHUko Vitoria-Gasteizko Medikuntza Irakasguneko Miguel Gutiérrez Ospitale Birtualeko irakasleek azaroaren 5ean egin zuten lehen prestakuntza bilera.

Aurkezpenean HUAko gerente Jon Armentia, saileko zuzendari Beatriz Esparza eta medikuntza arloko koordinatzaile Joaquín Durán izan ziren.

Parte hartu zutenen artean daude, besteak beste, Elisa Espina andrea, UPV/EHUko Medikuntza Fakultateko Ospitale Birtualeko teknikaria, eta Carlos Egea eta José Medrano medikuak. Ospitale Birtualeko irakaskuntza taldean Medikuntza saileko arduradun bat, bi koordinatzaile eta 50 irakasle daude. Orotara, Arabako Unibertsitate Ospitaleko (HUA) 58 profesionalek hartu zuten parte ikasturtearen aurkezpenean, eta hil honetako bertako 12an ekingo diote urte berriari, Medikuntzako bosgarren mailako ikasleekin. Ospitale birtualeko prestakuntza egitasmo hau Egea eta Medrano medikuek koordinatzen dute.

Ospitale birtual honek simulazio klinikoko teknikak erabiltzen ditu Medikuntzako 4., 5. eta 6. mailako ikasleak prestatzeko diagnostiko eta tratamendu prozeduretan, taldean lan egiteko eta erabaki klinikoak hartzen ikasteko. Horrez gain, irakaskuntza metodologia berritzaileak bultzatzen ditu pazienteei eskaini beharreko arretan segurtasuna hobetzeko, eta hala, osasun zaintza eraginkorragoa izan dadin, Medikuntzako etorkizuneko profesionalen prestakuntzaren bitartez.

Informazio gehiago: http://hospitalvirtual.eu/

oan den urriaren 31n, sail honetako irakasle Juan Carlos Fernández Obregón jaunak bere azken eskola eman zuen Medikuntza eta Odontologiako gure fakultatean.Gela honetan bertan eman zuen, B1 gelan, eta, hain justu ere, hemen eskaini zuen Patologia Orokorra eta Propedeutika Klinikoari buruzko bere lehen eskola, duela 37 urte.

Eskola bukatutakoan, ikasleen txalo zaparrada jaso zuen; saileko lankideen ordezkaritza bat ere bertan izan zen. Irakasgaiaren arduradunak, Txomin Sagastagoitia irakasleak, hitz hunkigarriak eskaini dizkio, eta fakultateko buruek, lankideek eta lagunek sinatutako oroigarria entregatu dio.

Mila esker, Juan Carlos, urte hauetan guztietan eman dizkiguzun gauza on guztiengatik: jakintza, kidetasuna, laguntza, alaitasuna, adorea, baita zeure abestiak ere. Zure falta izugarri sumatuko dugu.

Onena opa dizugu zeure bizitza berrian, eta beti esan duzun moduan, badakigu zu aintzakotzat hartzen jarrai dezakegula. Ez ahaztu zuk ere jarrai dezakezula gu aintzakotzat hartzen, zure lankideak, lagunak, eta ZURE SAILA.

Gaur, urriaren 16a, Francisco Javier Gainza Rios irakasleak, lortu du Gurutzetako ospitaleko Nefrologia-zerbitzuburuaren plaza.