Aukera Berdintasuna eta desgaitasuna dute pertsoneiburuzko maiatzaren 15eko 2/2013 Legeak (2013ko ekainaren 6ko BOE, 135. zk.) honako hau ezartzen du 25. artikuluan:

“Unibertsitateek desgaitasuna duten pertsonei unibertsitate-ikasketetan sartzeko, sustatzeko eta unibertsitate-bizitzan erabat parte hartzeko beharrezko baldintzak bermatuko dizkiete. Parte-hartze hori unibertsitateko espazio, esparru eta instantzia guztietan bermatuko da, gainerako ikasleen baldintza berberetan

Era berean, unibertsitateek ziurtatuko dute ikasle hauek beharrezkoak diren egokitzapenak, baliabideak, gailuak eta laguntzak izango dituztela, kasu bakoitzean egokiak eta arrazoizkoak diren egokitzapenak eginez.”

Graduko unibertsitate ikasketa ofizialetara sartzeko baldintzak, sarbide-probaren oinarrizko ezaugarriak eta onarpen prozeduren oinarrizko araudia arautzen dituen ekainaren 11ko 534/2024 Errege Dekretuaren 3.2 artikuluak (2024ko ekainaren 12ko BOE, 142. zk.) honela dio:

"Graduko unibertsitate ikasketa ofizialetan sartzeko eta onartzeko prozedura guztietan aukera berdintasuna, hezkuntza laguntzako premia espezifikoak dituzten ikasleak ez diskriminatzea eta irisgarritasun unibertsala bermatzeko beharrezko neurriak zehaztuko dituzte hezkuntza administrazioek.

Prozedura horiek proba bat egitea eskatzen badute, neurri hauek hartu ahal izango dira: denborak egokitzea, azterketa eredu bereziak egitea eta ikasleen eskura jartzea kasuan kasuko ebaluazioak eta probak egiteko behar dituzten baliabide materialak eta giza baliabideak, asistentziak eta laguntza-produktuak, bai eta prozeduren informazioa eta komunikazioa eta prozedurak garatzen diren esparru edo espazio fisikoaren irisgarritasuna bermatzea ere. Neurri horiek, hala badagokio, hezkuntza laguntzako neurrien edo ikasleari aurreko hezkuntza etapan aplikatu zitzaizkion egokitzapenen arabera zehaztuko dira, eta hezkuntza administrazioek eta ikastetxeek laguntza eman beharko dute horiek ezagutzeko.

Aintzat hartutako neurrietako bat ere ezin izango da kontuan hartu lortutako kalifikazioak murrizteko ".

Aipatutako Errege Dekretuaren 21.1 artikuluak honako hau zehazten du: "Batzorde antolatzaileek, hezkuntza administrazioek beren kudeaketa eremuan ezartzen duten sarbide probaren erregulazio espezifikoaren arabera, behar diren neurriak hartuko dituzte aukera berdintasuna, hezkuntza laguntzako premia espezifikoak dituzten ikasleak ez diskriminatzea eta aurkezten diren desgaitasunen bat duten pertsonen irisgarritasun unibertsala bermatzeko, 3. artikuluan xedatutakoa kontuan hartuta."

Eta proba osatzen duten ariketen oinarrizko ezaugarriei dagokienez, 13.10 artikuluak honako hau jasotzen du:

"Ariketa guztietan, zuzentzeko eta kalifikatzeko irizpideei buruzko informazioa emango zaie ikasleei. Irizpide horiek, besteak beste, honako alderdi hauek baloratzea ahalbidetuko duten parametroak jasoko dituzte:

a) enuntziatuan eskatutakora egokitzea,

b) sortutako testuen koherentzia, kohesioa, zuzentasun gramatikala, lexikoa eta ortografikoa, bai eta horien aurkezpena ere.

Proposatutako galderek edo atazek ikasleek testuak sortzea eskatzen duten ariketetan, b) idatz-zatian jasotako alderdiei dagokien balorazioa ezin izango da galdera edo atazaren kalifikazioaren ehuneko 10 baino txikiagoa izan. Hala ere, parametro horien aplikazioa malgutu ahal izango da hezkuntza laguntzako premia espezifikoak dituzten ikasleen kasuan ".

Hori guztia ikusita, EHUk erabaki du egokitzapenak eskatzeko jarduera prozedura hau erabiltzea, bai eta Unibertsitatera Sarbide Proban (USaP) hezkuntza laguntzako premia espezifikoak (HLPE) dituzten ikasleak zuzentzeko irizpide hauek erabiltzea ere.

Protokolo honen xedea da EHUko unibertsitateko sarbide proben (UsaP) hezkuntza laguntzako premia espezifikoak (HLPE) dituzten ikasleentzako prozedura,  bai eta arrazoizko egokitzapenak eta egokitzapen neurriak ere arautzea.

EHUn sarbide probetan egokitzapenak egiteko eskaria egin dezakete honako baldintza hauek betetzen dituzten pertsonek:

a) Sarrera-probetara honako egoera hauetakoren batetik aurkezten direnean:

• Batxilergoko edo Lanbide Heziketako ikasleak 2027
• 25 eta 45 urtetik gorako ikasleak 2027
• 2026-2027 ikasturte honetan ikasketa horiek egin ez dituen Batxilergoko eta Lanbide Heziketako ikasleak

b) Hezkuntza laguntzako premia espezifikoak izatea, indarrean dagoen protokoloaren eta araudiaren arabera behar bezala egiaztatuak.

4.1 Aurreko paragrafoan aipatutako ikasleek eskubidea izango dute, gainerako ikasleen aukera berdintasunean UsaP-a egiteko beharrezkoak diren arrazoizko egokitzapenak eta gainerako laguntza neurriak jasotzeko, protokolo honetan aurreikusitako baldintzetan (ikus I. eranskina).

4.2 Protokolo honen ondorioetarako, arrazoizko egokitzapentzat hartuko dira hezkuntza laguntzako premia espezifikoak dituzten ikasleek aukera berdintasuna izango dutela bermatzen duten beharrezko aldaketak eta egokitzapenak, betiere neurri horiek irakasgaien konpetentziak, edukiak eta ikaskuntza-emaitzak eskuratzearekin bateragarriak badira.

4.3 Eskatzen diren sarbide egokitzapenek bat etorri beharko dute ikasleak aurreko hezkuntza etapan erabilitako laguntza neurriekin eta egokitzapenekin.

USaP-n  egokitzapenak hezkuntza laguntzako premia espezifikoak (HLPE) dituzten ikasleek eskatu ahal izango dituzte, honako egoera hauetakoren bati lotuta:

a) Entzumen desgaitasuna.

b) Ikusmen desgaitasuna.

c) Desgaitasun fisikoa, motore urritasuna eta gaixotasun organikoak barne.

d) Ikasteko zailtasun espezifikoak.

e) Arreta-defizitaren eta hiperaktibitatearen nahasmendua (ADHN).

f) Autismoaren Espektroko Nahasmendua (AEN).

g) Buruko osasunaren nahasmenduak.

h) Gaixotasun kroniko edota osasun baldintza pertsonalak eta proba egin bitartean baliabide teknikoak, laguntza produktuak, medikazioa, gailuak edo beste edozein egokitzapen neurri behar dituztenak.

6.1  Ezusteko egoeratzat hartuko dira ikasleek proba aukera-berdintasunez egiteko eragozpenak sortzen dituzten eta eskaerak aurkezteko epea itxi ondoren gertatzen diren aurreikusi gabeko eta salbuespenezko egoerak edo istripuak.

6.2 Ikastetxeak gertatutako ezustekoaren berri eman beharko dio EHUri, gehienez ere gertatu eta hurrengo 48 orduko epean.

6.3 Berariaz baztertzen dira kasu honetatik hezkuntza laguntzako premia espezifikoekin (HLPE) lotutako egoerak,V. atalean adierazitakoak.

7.1. Batxilergoko edo Lanbide Heziketako 2027ko  ikasleen eskaera

7.1.1 Arduradunak izendatzeko fasea

Bigarren hezkuntzako ikastetxeek egokitzapen eskaerak kudeatzeko eta horien jarraipena egiteko arduradun bat izendatu behar dute 2027ko urtarrilaren 11tik 29ra bitartean.

Ikastetxeak formulario bat beteko du Hezkuntza Inklusiborako Zerbitzuaren webgunean, arduradunaren datu hauekin: izen-abizenak, NAN, jaioteguna, helbide elektronikoa (kontu partekatua ez), ikastetxearen izena, kodea eta telefonoa.

Otsailaren 5ean, Zerbitzuak sarbide-gakoak eta egokitzapen eskaera egiteko jarraibideak bidaliko dizkio arduradunari. Gako horiek espezifikoak dira USaP-aren egokitzapenak izapidetzeko.

7.1.2 Egokitzapenak eskatzeko fasea:

A. Aurkezpena: Batxilergoko edota Goi Mailako Heziketa Zikloetako ikasketak egiten diren ikastetxe bakoitzeko arduradunak egokitzapen eskaerak aurkeztuko ditu.

B. Epea: eskaera 2027ko otsailaren 8tik 26ra aurkeztu beharko da, epe bakar batean, ikaslea aurkeztuko den deialdia (arrunta edo ezohikoa) edozein dela ere. Epea ezin izango da luzatu.

C. Egiaztagiriak eta eskaera-irizpideak:

Eskabidea izapidetzeko, agiri hauek aurkeztu beharko dira:  

a) Diagnostiko-txostena: desgaitasun mailaren bidez egiaztatuko da, halakorik badu; bestela, honako hauek jaso beharko dituen mediku-txosten batean edo txosten psikopedagogikoa baten bidez egiaztatuko da, honako hauek jasoko dituena: ikaslearen izen-abizenak, diagnostiko argia eta esplizitua, profesionalaren datuak eta sinadura (elkargokide-zenbakia barne); txostena eman deneko data osoa 2027ko otsailaren 26a baino lehenagokoa izan beharko da.

Dokumentu horiek gehienez 2 urteko antzinatasuna izan beharko dute, Ikaskuntza-Zailtasun Espezifikoak (IZE) dituzten ikasleen txostenak izan ezik; azken horiek ikasleak 10 urte bete ondoren emanak izan beharko dute.

IZEaren kasuan, diagnostiko-txostenak honako baldintza hauek bete beharko ditu:

• Banaka aplikatzeko proba estandarizatuak egin izana, zehaztasun handiagotzat jotzen direnak: PROLEC, PROLEC-SE, PROLEC-SE-R, PROESC, etab.
• Diagnostikoek DSM-5 eta CIE-10 eskuliburuetan adierazitako erreferentzia-epigrafeak zehaztu beharko dituzte.

b) Egokitzapenen txostena: web atarian eskuragarri dagoen formularioa bete behar da, batxilergoko edo LHko ikasketetan ikasleak izan dituen egokitzapen edota baliabideekin, bai eta ikastetxean egokitzapen horiek zein datatik onartu diren ere. Gainera, informazio hori dagokion Jarduera Plan Pertsonalizatuaren bidez egiaztatu ahal izango da. Txosten hauen data 2027ko otsailaren 26a baino lehenagokoa izan beharko du.

c) Ikaslearen berariazko baimena, egokitzapen-eskaera izapidetzeko, bai eta bere datu pertsonalak eta osasunari, desgaitasunari edota nahasmenduei buruzko datuak tratatzeko berariazko adostasuna ere. web atarian eskuragarri dagoen formularioa bete behar da.

Egokitzapenak eskatzen direnean:

• berariaz behar dituenak eta aurreko hezkuntza-etapan ezarri dituenak bakarrik aukeratu behar dira, I. eranskineko katalogoaren barruan daudenak eta egiaztatutako diagnostikoarekin bat datozeBHIak.
• egokitzapen horiek ikaslearekin adostu beharko dira, eta ikasleak egokitzapen eskaeraren kopia bat jasoko du BHI-aren eskutik.

Web atarian eskuragarri izango dira formularioak, USaP-n hezkuntza laguntzako premia espezifikoak dituzten ikasleen egokitzapenen txostena egiteko, eta egiaztatutako diagnostikoari dagokion eranskina soilik bete beharko da.

• Berritzeguneetako hezkuntza laguntzako premia espezifikoen zerrendan erregistratutako ikasleak: Berritzegunearen, IBT edo Gorren Koordinazioko egokitzapenen txostena aurkeztu beharko da eta txosten hori, ikastetxera bidaliko da.

Formularioa: Berritzeguneko egokitzapenen txostena

• Berritzeguneetako hezkuntza laguntzako premia espezifikoen zerrendan erregistratu gabeko ikasleak: ikastetxearen egokitzapenen txostena aurkeztu beharko dute.

Formularioa: Ikastetxearen egokitzapenen txostena

Txostena osatu ondoren, inprimatu, sinatu eta zigilatu egin behar da, GAUReko eskabidean kargatu ahal izateko.

D. Formatua  eta  baldintzak

Eskaerak honako forma eta izapidetze baldintza hauek bete beharko dituzte:

• Eskaerak, GAUR, EHUko Idazkaritza Birtualaren bidez izapidetu beharko dira.
• Arduradunak eskatutako dokumentazioa eduki beharko du, pdf formatuan eskaneatuta, eskaera formalizatu ahal izateko.
• Eskaera egin ahal izateko, ikasleak USaP-aren aurrematrikula eginda izan behar du.

E. Zuzenketa: aurkeztutako eskaerak eskatutako baldintzak betetzen ez baditu, ikastetxeari posta elektronikoz eskatuko zaio 10 egun balioduneko epean akatsa zuzentzeko edo nahitaezko agiriak aurkezteko, eta adieraziko zaio, hala egin ezean, eskaeran atzera egin duela ulertuko dela, 39/2015 Legean aurreikusitakoaren arabera.

7.1.3 Instrukzio eta ebazpen fasea

Akatsak zuzentzeko epea amaitu ondoren, EHUk eskatutako egokitzapenak baloratuko ditu, diagnostikoa, egiaztatutako beharrak eta aurreko hezkuntza-etapan aplikatutako egokitzapenak kontuan hartuta. Eskaeren balorazioa egin ondoren, EHUn eskumena duen organoak arrazoitutako ebazpena emango du, eskatutako egokitzapenak emanez edo ukatuz.

7.1.4 Jakinarazpen fasea

Ikastegiko arduradunak mezu elektroniko bat jasoko du apirilaren 30a baino lehen, ebazpena GAUR plataforman eskuragarri dagoela jakinarazteko.

7.1.5 Eskaera izapidetzeko berrespena

Ikastetxeko arduradunak posta elektronikoz jakinarazi beharko dio Hezkuntza Inklusiborako Zerbitzuari, 2027ko maiatzaren 10etik 19ra, ikasleek ikasketak gainditu dituzten ala ez, egokitzapen-eskaera zein deialditan kudeatu behar den zehazteko.

Era berean, ezohiko deialdirako, ikasketxeko arduradunak posta elektronikoz jakinarazi beharko dio Hezkuntza Inklusiborako Zerbitzuari, 2027ko ekainaren 9tik 18ra, ikasleek ikasketak gainditu dituzten ala ez, deialdi horretan egokitzapen-eskaera kudeatu behar den erabakitzeko.

7.1.6 Epaimahaien jarraibideen jakinarazpena

Hezkuntza Inklusiborako Zerbitzuak posta elektronikoz jakinaraziko dizkio ikastetxeko arduradunari deialdi bakoitzari dagozkion epaimahaiaren jarraibideak, USaP hasi aurreko egunetan.

7.2. 25 eta  45 urtetik gorako ikasleen eskaera

7.2.1 Egokitzapenak eskatzeko fasea:

A. Aurkezpena: ikasleak zerbitzura bidaliko dituzte eskatutako dokumentazioa eta eskatu nahi dituen egokitzapenen zehaztapena, formulario baten bidez.

Egokitzapenen artean, berariaz behar dituenak soilik aukeratu beharko ditu, eta egokitzapen horiek I. eranskineko katalogoan jasota egon eta egiaztatutako diagnostikoarekin bat etorri beharko dute.

B. Epea:eskaera 2027ko otsailaren 8tik 26ra aurkeztu beharko da. Epea ezin izango da luzatu.

C. Egiaztagiriak eta eskaera-irizpideak:

Eskaera izapidetzeko, agiri hauek aurkeztu beharko dira:

a) Diagnostiko-txostena: desgaitasun mailaren bidez egiaztatuko da, halakorik badu; bestela, honako hauek jaso beharko dituen mediku-txosten batean edo txosten psikopedagogikoa baten bidez egiaztatuko da, honako hauek jasoko dituena: ikaslearen izen-abizenak, diagnostiko argia eta esplizitua, profesionalaren datuak eta sinadura (elkargokide-zenbakia barne); txostena eman deneko data osoa 2027ko otsailaren 26a baino lehenagokoa izan beharko da.

Dokumentu horiek gehienez 2 urteko antzinatasuna izan beharko dute, Ikaskuntza-Zailtasun Espezifikoak (IZE) dituzten ikasleen txostenak izan ezik; azken horiek ikasleak 10 urte bete ondoren emanak izan beharko dute.

IZEaren kasuan, diagnostiko-txostenak honako baldintza hauek bete beharko ditu:

• Banaka aplikatzeko proba estandarizatuak egin izana, zehaztasun handiagotzat jotzen direnak: PROLEC, PROLEC-SE, PROLEC-SE-R, PROESC, etab.
• Diagnostikoek DSM-5 eta CIE-10 eskuliburuetan adierazitako erreferentzia-epigrafeak zehaztu beharko dituzte.

b) Ikaslearen berariazko baimena, egokitzapen-eskaera izapidetzeko, bai eta bere datu pertsonalak eta osasunari, desgaitasunari edota nahasmenduei buruzko datuak tratatzeko berariazko adostasuna ere. Web atarian eskuragarri dagoen formularioa bete behar da.

D. Formatua  eta  baldintzak

Eskaerak honako forma eta izapidetze baldintza hauek bete beharko dituzte:

• Eskaerak web formulario baten bidez izapidetu beharko dira.
• Eskatutako dokumentazioa pdf formatuan eskaneatuta bidaliko da, eskabideak formalizatu ahal izateko.
• Eskaera egin ahal izateko, ikasleak 25 edo 45 urtetik gorakoentzako sarrera probaren matrikula eginda izan behar du.

E. Zuzenketa aurkeztutako eskaerak eskatutako baldintzak betetzen ez baditu, ikasleari posta elektronikoz eskatuko zaio 10 egun balioduneko epean akatsa zuzentzeko edo nahitaezko agiriak aurkezteko, eta adieraziko zaio, hala egin ezean, eskaeran atzera egin duela ulertuko dela, 39/2015 Legean aurreikusitakoaren arabera.

7.2.2 Instrukzio eta ebazpen fasea

Akatsak zuzentzeko epea amaitu ondoren, EHUk eskatutako egokitzapenak baloratuko ditu, diagnostikoa, egiaztatutako beharrak eta aurreko hezkuntza-etapan aplikatutako egokitzapenak kontuan hartuta. Eskaeren balorazioa egin ondoren, EHUn eskumena duen organoak arrazoitutako ebazpena emango du, eskatutako egokitzapenak emanez edo ukatuz.

7.2.3 Jakinarazpen fasea

Eskatzaileak mezu elektroniko bat jasoko du ebazpenaren berri emateko 2027ko martxoaren 31 baino lehen.

7.2.4 Epaimahaien jarraibideen jakinarazpena

Hezkuntza Inklusiborako Zerbitzuak posta elektronikoz jakinaraziko dizkio ikasleari epaimahaiaren jarraibideak probak hasi aurreko egunetan.

7.3. 2026-2027 ikasturte honetan ikasketa horiek egin ez dituen Batxilergoko eta Lanbide Heziketako ikasleen eskaera

7.3.1 Egokitzapenak eskatzeko fasea:

A. Aurkezpena: ikasleak zerbitzura bidaliko dituzte eskatutako dokumentazioa eta eskatu nahi dituen egokitzapenen zehaztapena, formulario baten bidez.

Egokitzapenak berariaz behar dituenak bakarrik aukeratu behar dira, baldin eta I. eranskineko katalogoaren barruan badaude eta egiaztatutako diagnostikoarekin bat badatoz.

B.  Epea: eskaera 2027ko maiatzaren 17tik 21era aurkeztu beharko da. Epea ezin izango da luzatu.

C. Egiaztagiriak eta eskaera-irizpideak:

Para la tramitación de la solicitud deberá aportarse la siguiente documentación:

a) Diagnostiko-txostena: desgaitasun mailaren bidez egiaztatuko da, halakorik badu; bestela, honako hauek jaso beharko dituen mediku-txosten batean edo txosten psikopedagogikoa baten bidez egiaztatuko da, honako hauek jasoko dituena: ikaslearen izen-abizenak, diagnostiko argia eta esplizitua, profesionalaren datuak eta sinadura (elkargokide-zenbakia barne); txostena eman deneko data osoa 2027ko otsailaren 26a baino lehenagokoa izan beharko da.

Dokumentu horiek gehienez 2 urteko antzinatasuna izan beharko dute, Ikaskuntza-Zailtasun Espezifikoak (IZE) dituzten ikasleen txostenak izan ezik; azken horiek ikasleak 10 urte bete ondoren emanak izan beharko dute.

IZEaren kasuan, diagnostiko-txostenak honako baldintza hauek bete beharko ditu:

• Banaka aplikatzeko proba estandarizatuak egin izana, zehaztasun handiagotzat jotzen direnak: PROLEC, PROLEC-SE, PROLEC-SE-R, PROESC, etab.
• Diagnostikoek DSM-5 eta CIE-10 eskuliburuetan adierazitako erreferentzia-epigrafeak zehaztu beharko dituzte.

b) Aurreko ikasketen egokitzapenen txostena: Ikasleak bere jatorrizko ikastegiari eskatu beharko dio web atarian eskuragarri dagoen egokitzapenen txostena betetzeko.

c) Ikaslearen berariazko baimena, egokitzapen-eskaera izapidetzeko, bai eta bere datu pertsonalak eta osasunari, desgaitasunari edota nahasmenduei buruzko datuak tratatzeko berariazko adostasuna ere. Web atarian eskuragarri dagoen formularioa bete behar da.

D. Formatua  eta  baldintzak

Eskaerak honako forma eta izapidetze baldintza hauek bete beharko dituzte:

• Eskabierak web formulario baten bidez izapidetu beharko dira.
• Eskatutako dokumentazioa pdf formatuan eskaneatuta bidaliko da, eskaerak formalizatu ahal izateko.
• Eskaera egin ahal izateko, ikasleak USaP-eko matrikula eginda eduki behar du.

7.3.2 Jakinarazpen fasea

Diagnostikoaren eta eskatutako beharren arabera, eskatutako egokitzapenak baloratu ondoren, EHUko organo eskudunak ebazpen arrazoitua emango du eskatutako egokitzapenak emateko edo ukatzeko, eta eskatzaileari posta elektronikoz jakinaraziko zaizkio 2027ko maiatzaren 26a baino lehen.

7.3.3 Epaimahaien jarraibideen jakinarazpena

Hezkuntza Inklusiborako Zerbitzuak posta elektronikoz jakinaraziko dizkio ikasleari deialdi bakoitzari dagozkion epaimahaiaren jarraibideak, USaP hasi aurreko egunetan.

Egokitzapena emateko edo ukatzeko ebazpenak ez dio amaiera ematen administrazio-bideari, eta, haren aurka, gora jotzeko errekurtsoa aurkeztu ahal izango zaio Antolaketa Batzordeari, egoitza elektronikoaren bidez, hilabeteko epean, ebazpena jakinarazi eta hurrengo egunetik aurrera.

Ebazteko eta jakinarazteko gehienezko epea amaitzen bada eta organo eskudunak ez badu berariazko ebazpenik eman, eskaera ezetsitzat joko da administrazio-isiltasunagatik. Ezespen horren ondorio bakarra da interesdunei aukera ematea egoki den administrazio edo administrazioarekiko auzi-errekurtsoa jartzeko, 39/2015 Legearen 24. artikuluan xedatutakoaren arabera.

EGOKITZAPEN MOTAK

Protokolo honetan aurreikusitako egokitzapenak hezkuntza laguntzako premia espezifikoen edo ikasleen osasun-baldintza pertsonalen arabera ezarriko dira, proba aukera-berdintasunez, irisgarritasunez eta diskriminaziorik gabe egin ahal izatea bermatzeko. Kasu bakoitzerako honako egokitzapen hauek adostu ahal izango dira:

1. Entzumen urritasuna duten ikasleentzako egokitzapenak:

• Denbora gehitzea (15 minutu gehiago).
• Eserlekuaren erreserba lehen ilaran.
• Argibide pertsonalizatuak.
• Audifonoen edota kokleako inplanteen erabileraren berri ematea.
• Zeinu Hizkuntzako Interpretea.
• Gorreriari buruzko jarraibideak zuzentzaileentzat.

2. Ikusmen urritasuna duten ikasleentzako egokitzapenak:

• Denbora gehitzea (15 minutu gehiago).
• Azterketaren testua arial 16 formatuan eta lerroartean 1,5. (formatu estandarra arial 12 da).
• Ordenagailua (zuzentzailerik gabekoa eta posible diren ikasgaietan) eta azkeneko ilaran jesarlekua erreserbatzea.
• Azterketak braillez eta/edo Word fitxategian (IBTk egokituak).
• Ekipamendu espezifikoa: IBTaren ordenagailua, programa espezifikoak, braille teklatua, lupa, etab.
• IBTko langileen laguntza.
• Aparteko gela, salbuespeneko egoeratan.

3. Desgaitasun fisikoa (motore-urritasuna eta gaixotasun organikoak) duten ikasleentzako egokitzapenak:

• Denbora gehitzea (15 minutu gehiago).
• Altzari egokitua.
• Eserlekua erreserbatzea.
• Espazio irisgarriak.
• Ordenagailua (zuzentzailerik gabekoa eta posible diren ikasgaietan) eta azkeneko ilaran eserlekua erreserbatzea.
• Transkripzioa.
• Hezkuntza laguntzarako espezialista.
• Komunera joateko edo gelatik ateratzeko baimena.
• Krisi-kasuetarako jarraibide espezifikoak.
• Elikagaiak hartzeko, medikazioa edo neurgailu eta aparatuak edukitzeko baimena.
• Aparteko gela, salbuespeneko egoeratan.

4. Ikasteko Zailtasun Espezifikoak dituzten ikasleentzako egokitzapenak (Dislexia, disortografia, disgrafia, diskalkulia eta Hizkuntzaren Nahaste Espezifikoa):

• Denbora gehitzea (15 minutu gehiago).
• Formatuaren egokitzapena; arial 12 eta lerroartea 1,5.
• Irakasleek azterketa ozen irakurtzea, ikasleak, soilik ikasleak azterketa egitean eskatzen badu bakarrik.
• Azterketaren amaieran idatzitakoa ulergarria dela egiaztatu, soilik ikasleak azterketa egitean eskatzen badu bakarrik.
• Azterketaren amaieran ozen irakurtzea ikasleak idatzitakoa berrikusteko, soilik ikasleak azterketa egitean eskatzen badu bakarrik.
• Ordenagailua (zuzentzailerik gabekoa eta posible diren ikasgaietan) eta azkeneko ilaran jesarlekua erreserbatzea.
• Ebaluazio-irizpideen egokitzapena:

Egokitzapen hau unibertsitatera sartu aurreko berehalako hezkuntza-etapa osoan egokitzapen hori izan duten ikasleei aplikatu ahal izango zaie (Batxilergoko 1. eta 2. mailan edo Lanbide Heziketako Goi Mailako Zikloan).

Egokitzapen hori onartzen zaion ikasleari, gehienez, gainerako ikasleentzat, oro har ezarritako penalizazioaren erdia aplikatuko zaio, honela banatuta:

• Hizkuntzakoak ez diren irakasgaiei dagokienez: ez dira zigortuko hizkuntza-akats ortografikoak, gramatikalak edo lexikoen zuzentasunari dagozkionak, ezta hizkuntzakoak ez diren irakasgaietan ekoitzitako testuen aurkezpenari, koherentziari eta kohesioari lotutako akatsak ere.
• Hizkuntza-irakasgaiei dagokienez:
  • Ez dira kontuan hartuko ortografia naturaleko eta arbitrarioko akatsak.
  • Araututako ortografiari dagokionez, IZE duten ikasleei oro har ezarritako gehieneko zigorraren % 50aren baliokidea den gehieneko penalizazioa aplikatuko zaie.
  • Aurkezpenari, koherentziari, kohesioari, lexikoaren zuzentasunari edo zuzentasun gramatikalari lotutako akatsei dagokienez, kontzeptu horiengatik murrizketa bat aplikatu behar denean, IZE duten ikasleei, oro har ezarritakotik % 50eko gehieneko zigorra aplikatuko zaie.

5. Arreta Gabezia eta Hiperaktibitate Nahastea (AGN-H) dituzten ikasleentzako egokitzapenak:

• Denbora gehitzea (15 minutu gehiago).
• Eserlekuaren erreserba distrakzioak ekiditeko.
• Azterketaren egituraren berri eman eta argibideak modu pertsonalizatuan azpimarratu ikasleari, soilik ikasleak azterketa egitean eskatzen badu.
• Azterketaren amaieran idatzitakoa ulergarria dela egiaztatu, soilik ikasleak azterketa egitean eskatzen badu.
• Azterketaren amaieran galdera guztiak erantzun dituela egiaztatu.
• Aparteko denbora amaitzeko 30 minutu falta direnean abisatzea.
• Arreta-dei diskretuak, arreta galtzen bada.

6. Autismoaren Espektroko Nahasmenak (AEN) dituzten ikasleentzako egokitzapenak:

• Denbora gehitzea (15 minutu gehiago).
• Azterketaren egituraren berri eman eta argibideak modu pertsonalizatuan azpimarratu  ikasleari, soilik ikasleak azterketa egitean eskatzen badu.
• Ordenagailua (zuzentzailerik gabekoa eta posible diren ikasgaietan) eta azkeneko ilaran jesarlekua erreserbatzea.
• Erreserbatutako eserlekua edo aparteko gela.
• Komunera joateko edo gelatik ateratzeko baimena.
• Aparteko denbora amaitzeko 30 minutu falta direnean abisatzea.
• Azterketa egingo den instalazioa aldez aurretik bisitatu.
• Aparteko ikasgela, salbuespeneko egoeretan.

7. Nahaste psikikoak dituzten ikasleentzako egokitzapenak:

• Denbora gehitzea (15 minutu gehiago).
• Eserlekuaren erreserba.
• Ikasgelatik irteteko baimena antsietate-krisiak edo nahasmenduarekin lotutako beste egoera batzuk izanez gero.
• Krisi kasuetarako argibideak.
• Aparteko denbora amaitzeko 30 minutu falta direnean abisatzea.
• Aparteko ikasgela, salbuespeneko egoeretan.

Inola ere ez da onartuko erantzun-mota, edukia edo enuntziatuen idazkera aldatzea dakarren egokitzapenik, era berean, ezin izango da azterketa ahozko formatura egokitu.