Onartua izateko irizpideak
Sarrera-profila
Hona Doktorego Programara sartzeko lehentasuna izango dutenak: hizkuntza klasiko edo modernoetako literaturekin, literaturaren teoriarekin edo literatura konparatuarekin lotutako masterra egin duten filologietako edo lizentziaturetako edo antzeko graduetako lizentziadunak edo gradudunak.
Literatura Konparatua eta Literatur Ikasketak masterra egin dutenak zuzenean sartu ahalko dira.
Horrez gain, programara sartu ahal izango dute beste master batzuetako izangaiek, bereziki, hizkuntzalaritzarekin, filologiarekin, itzulpengintza eta interpretazioarekin edo filosofiarekin lotura duten masterretakoek.
Doktorego programan onartua izateko ezinbestekoa izango da doktorego tesiaren zuzendari izan daitekeen programako irakasle baten abala izatea aldez aurretik. Abal hori sinatu beharko dute programan parte hartu nahi duen ikasleak eta tesiaren zuzendaria prest izateko dagoen irakasleak.
Literatura Konparatua eta Literatura Ikasketak doktorego programak ez du ezartzen heziketa osagarri espezifikorik.Hala ere, programa horretan graduko edo goragoko tituluei dagozkien graduatuak, ikerketako prestakuntza eduki espezifikoak ez zituzten ikasketetan gutxienez 300 ECTS kreditu dituztenak sar daitezkeenez, programako Batzorde Akademikoak erabakiko du onartutako ikasle bakoitzarentzat ikerketako prestakuntza hori lortu behar duen ala ez.Prestakuntza UPV/EHUk Literaturaren Teoriaren, Literatura klasiko edo modernoen, Filologiaren edo ikerketa gaitasunari dagokionez beste prestakuntza baliokideren baten arloan eskainitako irakasgaietan 6 ECTS kreditu arte eginik lortuko da, eta ikaslea horietan matrikulatuko da, bere tutore edo tesi zuzendariaren aholkuz, programan matrikulatutakoan.
Oro har, doktorego ikasketetan sartzeko eta onartua izateko, aplikatuko da doktorego ikasketa ofizialak arautzen dituen urtarrilaren 28ko 99/2011 Errege Dekretuko 6. eta 7. artikuluetan xedatutakoa, bai eta UPV/EHUko Gobernu Kontseiluak onartutako Doktorego Ikasketen Gestiorako Arautegian xedatutakoa ere. Horiez gain, Batzorde Akademikoak arreta bereziz aztertuko ditu ikasleen espedienteak, baloratzeko ea beharrezkoa den horiei prestakuntza osagarriren bat gomendatzea edo eskatzea, betiere ikasleek landu nahi dituzten ikerketa ildoen eta doktorego tesirako proiektuen arabera. Programan onartuak izan nahi duten ikasleek agiri hauek aurkeztu beharko dituzte kasu guztietan: A) Programan sartzeko bidea ematen duten ikasketen ziurtagiri akademikoa. B) Hizkuntzen jakite maila egiaztatzen duten agiri akademikoak. C) Curriculum Vitae a, non programan onartua izateko garrantzitsuak izan daitezkeen meritu akademikoak agertuko diren (bertaratutako biltzarrak, argitalpenak...). Agiri horiek honela baloratuko dira: Espediente akademikoa: % 75. Hizkuntza modernoen jakite maila: % 15. Hizkuntza klasikoen jakite maila: % 5. Beste meritu batzuk: % 5. Nazioarteko doktoregoa lortu nahi duten ikasleei gomendatzen zaie ingeleseko edo atzerriko beste hizkuntza bateko B2 maila edo horren baliokidea izatea. Gaztelania ama hizkuntzatzat ez duten ikasleei gomendatzen zaie gaztelaniako B2 maila edo horren baliokidea izatea.
Gaztelania
Euskara
Ingelesa
Doktorego tesien tutore edo zuzendari izango diren irakasleak esleitzeko prozedura
Doktorego programan onartua izateko prozedura ebatzi ondoren, Batzorde Akademikoak tutore eta gutxienez zuzendari bat esleituko dizkio doktoregai bakoitzari, doktorego programan parte hartzen duten UPV/EHUko irakasleen artetik.
Doktorego programak ikertzaile baten konpromisoa eskatzen duenean, zuzendaria konpromisoak dakarrena izango da eta ez da zuzendarien konpromisorik gabe datorren eskaririk onartuko.
Tutorea doktoregaiaren eta batzorde akademikoaren arteko bitartekaria izango da. Era berean, ziurtatuko du doktoregaiaren prestakuntza eta ikerketa lana bat datozela doktorego programaren eta Doktorego Eskolaren printzipioekin.
Tesi zuzendariaren ardura da doktoregaiaren ikerketa zereginak gidatzea, haren prestakuntza jarduerak koherenteak eta egokiak izatea, tesiaren gaiak bere arloan inpaktua eta berritasuna izatea, doktoregaiaren plangintza gidatzea eta bermatzea plangintza hori ondo egokitzen dela doktoregaiak egiten dituen gainerako proiektu eta jarduerekin. Matrikula egin ondorengo hiru hilabeteen barruan, Batzorde Akademikoak doktorego tesirako zuzendari bat esleituko dio, programako edozein irakasle izan ahalko dena, eta tutorea bera izan liteke edo ez. Zuzendari hori honakoetan izango da arduraduna: doktoregaiaren prestakuntza eta ikerketa lanak zuzentzen, jarduera horien koherentzian eta egokitasunean, tesiaren gaiaren arloan izango duen inpaktuan eta berritasunean, plangintza eramaten, eta, behar izanez gero, doktoregaiak izena ematen duen beste proiektu eta jardueretara egokitzen.
Informazio gehiago behar izanez gero, kontsultatu izapideak eta arautegia.