Posterrak prestatzeko arauak

  • Komunikazioa bidali duen doktoregaiak aurkeztu behar du posterra nahitaez.
  • Jaialdietarako onartu eta aurkeztutako laburpen guztiak akten liburuan argitaratuko dira. Liburua jardunaldiak amaitutakoan argitaratuko da eta UPV/EHUren webgunean egongo da eskuragarri.
  • Ez dira argitaratuko jardunaldietara joan ez diren doktoregaien komunikazioak.
  • Hizkuntza: Posterra gaztelaniaz, euskaraz edo ingelesez prestatu ahalko da, alde batera utzita laburpena zer hizkuntzatan aurkeztu den.
  • Tamaina: Posterrak gehieneko dimentsio hauek kontuan hartuta egingo dira, formatu bertikalean: DIN A0: 841 mm zabal x 1189 mm garai.
  • Kokapena. Doktoregai bakoitzak bere posterra esaten zaion panelean jarriko du, kasuan kasuko saioa hasi baino erdi ordu lehenago. Erakusketa aretoetan izango da posterrak zerekin itsatsi.
  • Posterrak kendu: Posterrak defendatzen dituen doktoregaiak kendu beharko ditu saioa amaitutakoan.
  • Formatua: Posterraren edukia librea da. Doktoregai bakoitzak erabakiko du islatu nahi dituen edukiak egokien nola aurkeztu.
  • Bete beharreko gutxieneko baldintzak (I), logoa:  Master eta Doktorego Eskolako logoa agertu beharko da.

        Logotipoa- 1
        Logotipoa- 2
        Logotipoa- 3

            Edo bestela, gutxienez, posterrak UPV/EHUren logoa jaso beharko du, egungo indarreko arautegia errespetatuta: https://www.ehu.eus/eu/web/gizartea/upv-ehuren-logo-orokorrak.

  • Bete beharreko gutxieneko baldintzak, filiazioa: UPV/EHU egokiro aipatu behar da, gomendio hauei jarraituta: gomendioak.
  • Haien posterraren bertsio bat PDFn webgunean egon dadin nahi dutenek kopia bat bidali behar dute PDFn uztailaren 1a baino lehen helbide honetara: mde@ehu.eus.