Gaitasunak:

1.- Finantza merkatuen ingurunea kontuan hartuz, finantz erakunde ezberdinen funtzioak, ezaugarriak eta erantzukizunak identifikatzea.

2.- Bankuen eragiketak eta finantza-egoerak sakon aztertu, beren kudeaketa optimizatzeko.

3.- Bankuen arriskuak aztertu beren eragina minimizatzeko modua ezagutzeko asmoz.

4.- Finantza erakundeen erabaki estrategikoak aztertzea.

5.- Talde lanaren bidez komunikazio eta koordinaziorako gaitasunak garatzea, banku-sektorearen errealitatea aztertzeko informaziorako teknologien erabilpenaren bidez.



Irakasgaiaren gaitasun espezifikoen eta moduluaren gaitasunen arteko erlazioa ondorengoa da: CM01, CM02, CM03, CM04, CM05, CM06, CM08, CM09, CM10, CM11, CM12 y CM13. (Titulazioaren egiaztatutako memoria begiratu).



Ikaskuntzaren emaitzak:

- Banku kudeaketaren oinarrizko kontzeptuen ulermena eta kudeaketa.

- Banku praktikaren ezagupenak eta trebetasuna lortzea.

- Aurreko puntuekin erlazionatutako kasu praktikoen ebazpena.

Helburu orokorra ikasleak banku eragiketak ezagutzea da, baina ez finantza erakunde baten bezero moduan, baizik eta entitatearen kudeaketaren aldetik, finantza merkatuen errealitatea kontutan izanda.

Abiapuntua, finantza erakunde ezberdinen definizioa eta aritzen diren ingurunearen deskribapena izango da. Ondoren, erakunde hauen kudeaketa jarduerak aztertuko ditugu, batez ere, ondorengo jarduerekin erlazionatuta daudenak: finantza iturriak, inbertsioak, finantza merkatuen eragiketak, bereganatutako arriskuen kudeaketa. Azkenik, ikuspegi orokorra ematen saiatzen da, kreditu erakundeek jarraitutako lerro estrategiko ezberdinak ikusiz.

Helburu honekin ikasgaia ondorengo ataletan banatzen da:



I. ATALA.- BANKA SISTEMA ETA BERE INGURUNEA

1. Gaia: Finantza erakundeak egungo ingurunean.

II. ATALA.- BANKU ERAGIKETAK

2. Gaia: Pasiboko eragiketak

3. Gaia: Aktiboko eragiketak

4. Gaia: Kreditu erakundeen ez-ohizkoak diren eragiketak

III. ATALA.- ERRENTAGARRITASUNA ETA ARRISKUA

5. Gaia: Kutxa eta bankuen finantza egoeren analisia

6. Gaia: Arriskua finantza erakundeetan

IV. ATALA.- BANKU MARKETINA

7. Gaia: Finantza erakundeen merkataritza funtzioa

- Klase magistralak:lortu beharreko jakintza helburuetarako, oinarrizko kontzeptuak, tresnak eta teknikak aurkeztuko dira.

- Klase praktikoak. Ikasleek, planteatutako gai bakoitzean, irakasleak klasean ebatziko dituen ariketak izango dituzte.

EBALUAZIO SISTEMA:

Ebaluaketa idatzizko froga batean oinarritzen da. Azterketa honetan ikasgaian zehar landutako ezagupenen aplikazioan oinarritzen diren kasu praktikoen ebazpena barneratuko da.



1.- Ebaluaketa jarraia egin dutenentzat

Azterketa, azken notaren %70 izango da. Gainontzeko %30 ebaluazio jarraiaren bidez izango da, zeina ariketa eta lan baten bidez eskuratu daitekeen: ekintza hauek ez dira beharrezkoak, baina egiten ez dituzten ikasleek bakoitzari dagokion notaren zatia galduko lukete. Ebaluazio jarraiaren kalifikazioa ikasturteko bi deialdietan gordetzen da. Ikasle batek ikasgaia ez badu gainditzen, edo ez bada aurkezten, hurrengo ikasturterako ez zaio kalifikazioa gordeko.



Ikasleak ez balitz azterketara aurkeztuko, bere kalifikazioa Ez Aurkeztua izango litzateke. Horretarako ikasleak ez du inolako dokumenturik entregatu behar, hots, nahikoa da bere burua azterketara ez aurkeztearekin.





2.- Ebaluaketa jarraia egin ez dutenentzat

Bai lehenengo zein bigarren deialdian notaren %100a eskuratu ahal izango da, honela banaturik: %80a idatzizko frogaren bidez, %10a borondatezko ahozko froga baten bidez eta gainontzeko %10a idatzizko lan baten aurkezpenarekin. Froga hauek ez dira nahitaezkoak, baina egiten ez dituzten ikasleek bakoitzari dagokion notaren zatia galduko lukete. Bi froga hauen kalifikazioa ikasturteko bi deialdietan gordetzen da. Azterketa gaindituko ez balu, hurrengo ikasturtean borondatezko froga hauek errepikatu beharko lituzke.



Ikasleak ez balitz azterketara aurkeztuko, bere kalifikazioa Ez Aurkeztua izango litzateke.



Ebaluazio jarraiari uko egin nahi dioten ikasleek (ebaluazio jarraian jadanik parte hartu izanda edo ez) lauhilekoa hasten denetik 9 asteko epea dute irakasleari idatziz jakinarazteko, horretarako dagoen idazkia betez. Hala, momentu hori arte egindako ebaluazio jarraiari dagozkion ariketa guztien nota galduko luke, eta ebaluazio ez jarraiari dagokion sistemaren bidez balioztatua izango litzateke.

eGelan erabilgarri irakasgairako beharrezko materiala

Oinarrizko bibliografia

BLANCO MENDIALDUA, ANA. (Coord.) (2015): Gestión de Entidades Financieras. Ed. ESIC, Madrid.

Gehiago sakontzeko bibliografia

ALKORTA ANDONEGI, X. (2015): Crisis y nueva dirección bancaria. Ed. Deusto, Bilbao
FUNCAS (2011): El futuro del sector bancario, Revista Papeles De Economía Española, nº130.
FUNCAS (2011): Basilea y los nuevos retos de la regulación de la solvencia. Perspectivas del Sistema Financiero, nº102,2011.
GUIA DEL SISTEMA FINANCIERO ESPAÑOL (2015). AFI, Escuela de Finanzas Aplicadas, Madrid.
IGUAL, DAVID (2008): Conocer los productos y servicios bancarios. Ed. Profit, Barcelona.
LÓPEZ PASCUAL, J. y SEBASTIÁN GONZÁLEZ, ALTINA (2007): Gestión Bancaria. Los nuevos retos en un entorno global. Mc Graw-Hill, Madrid.
MARTÍN MARÍN, J.L. Y TRUJILLO PONCE, A. (2004): Manual de Mercados Financieros. Ed. Thomson, Madrid.
MAUDOS VILARROYA, J. y FERNÁNDEZ DE GUEVARA RADOSELOVICS, J. (2008): El sector bancario español en el contexto internacional: evolución reciente y retos futuros. Fundación BBVA, Bilbao.
PAREJO, J.A., RODRÍGUEZ, L.,CALVO, A. y CUERVO, A. (2011): Manual del sistema financiero español. Ed. Ariel,Barcelona.
PARTAL UREÑA, A. y GÓMEZ FERNÁNDEZ-AGUADO (Coords.) (2011): Gestión de riesgos financieros en la banca internacional. Ed. Pirámide, Madrid.

Aldizkariak

Estrategia Financiera
Agenda Bancaria