GAITASUNAK

ESPEZIFIKOAK

Kontabilitate ereduaren funtzionamenduaren ikuspegi globala izatea eta enpresa munduan hartzen diren erabakiak hartzeko oinarri den informazio finantzarioaren ereduen egitura eta edukia ulertzea.

Egoera finantzarioetan agertzen den informazioaren analisirako tresna garrantzitsuenak erabiltzen jakitea.

Kontabilitate eragiketei buruzko ezagutzak sakondu, baita eragiketa hauek enpresaren diru-fluxuetan duten eragina ere.

Enpresaren egoera ekonomiko-finantzarioari buruzko diagnostikoak egitea eta enpresak lortutako errentagarritasuna aztertzea.

ZEHARKAKOAK

Lortutako datuetan oinarrituz iritzi arrazoituak emateko gaitasuna

Pentsamendu analitikoa eta hausnarketa kritikoa

Enpresen administrazio eta zuzendaritzarekin zerikusia duen edozein alorretan egin beharreko zereginetan bere ezagutzak aplikatzeko gaitasuna.

Ikasleak gai izatea idatziz erreztasunez komunikatzeko.

Autonomia maila handia lortu ahal izateko ikasteko gaitasunak garatzea.

Talde lana egiteko gaitasuna, erantzukizunez, errespetuz, iniziatibaz eta lidergoa garatuz.



EMAITZAK

Egoera finantzarioetan jasotako edukiak ulertzen ditu eta euren artean erlazionatzen ditu.

Enpresaren zikloetako finantzaketa-beharrak identifikatzen ditu, baita ustiapenekoak besteetatik bereizi ere. Aldi berean, hauek estaltzeko erabilitako finantza-iturriak identifikatzen ditu.

Enpresak erabilgarria sortzeko duen gaitasunaren diagnostikoa egitea lortzen du, horretarako, Diru-Fluxuen Egoerak barneratzen dituen doikuntza desberdinen izaera identifikatuz.

Enpresak soberakinak sortzeko duen gaitasuna analizatzen du, bai ikuspegi ekonomikotik, baita finantzariotik ere.

1. Gaia: Kontabilitate Analisiaren Helburuak.

1.1. Kontabilitate prozesua eta kontabilitate analisia

1.2. Kontabilitate Analisiaren Helburuak

1.3. Kontabilitate Analisian garrantzi gehien duten arloak.

1.4. Kontabilitate informazioa analisiaren oinarri bezala

1.5. Kontabilitate ereduaren mugak



2. Gaia: Analisirako teknikak.

2.1. Kontabilitate Analisiaren Metodologia

2.2. Kontabilitate Analisiaren Tresnak



3. Gaia: Emaitzaren eta bere bilakaeraren Analisia

3.1. Emaitzaren osagaien analisia.

3.2. Gastuen kudeaketari buruzko enpresaren politiken analisia.



4. Gaia: Errentagarritasun ekonomikoaren analisia

4.1. Errentagarritasun ekonomikoaren definizioa. Analisirako tresnak.

4.2. Errentagarritasun ekonomikoaren ratioaren osagaiak.





5. Gaia: Balantzearen egitura eta Enpresa-zikloak: Errotazio Fondoaren kontzeptua.

5.1. Enpresa-egitura eta Enpresa-zikloak

5.2. Errotazio Fondoa: Kontzeptua eta kalkulua.

5.3. Errotazio Fondoaren analisia.

5.3.1. Errotazio Fondoaren osagaiak.

5.3.2. Errotazio Fondoaren osagaien analisia.

5.4. Errotazio Fondoaren aldaketen analisia.



6. Gaia: Kaudimenaren azterketa.

6.1. Epe laburrerako kaudimenaren analisia.

6.2. Epe luzerako kaudimenaren analisia.



7. Gaia: Diru-fluxuen Egoera osatzea.

7.1. Eskudiruaren kontzeptua.

7.2. Ustiapeneko eragiketen diru-fluxua.

7.3. Inbertsio eragiketen diru-fluxua.

7.4. Finantzaketa eragiketen diru-fluxua.



8. Gaia: Ustiapeneko, Inbertsioko eta Finantzaketako diru-fluxuen analisia.

8.1. Sarrera.

8.2. Ustiapeneko fluxuen analisia: errentagarritasuna-likidezia erlazioa.

8.3. Inbertsio eta Finantzaketa politiken analisia.

8.3.1. Arrisku finantzarioaren analisia.

8.3.2. Zorra itzultzeko gaitasuna neurtzeko ratioak.



9. Gaia: Errentagarritasun finantzarioaren analisia.

9.1. Errentagarritasun finantzarioaren definizioa. Analisirako tresnak.

9.2. Errentagarritasun finantzarioa eta apalankamendu finantzarioaren kontzeptua.

9.3. Errentagarritasun ekonomikoaren eta finantzarioaren arteko erlazioa.

IKD eremuan, partaidetza sustatzen duen azalpen magistraletan oinarritutako dinamika aplikatuko da. Ikasleekin feed-back a ere landuko da ariketen ebazpenean, bertan talde-lana sustatuz.

Ebaluazio sistema



Lau hilabetea bukatzean %80ko asistentzia (bai teoria eta bai praktika)betetzen duten ikasleak ebaluazio jarraian barneratu daitezke. Baldintza hau betetzen ez duten ikasleek Azken ebaluazio sistemara bideratuko dira, hau da, ebaluazioaren %100 azterketa data ofizialean izango dute.



Ez da beharrezkoa ebaluazio jarraituari espresuki uko egia.





Ebaluazio jarraitua



Lau hilabetean zehar autoebaluaziorako froga desberdinak egingo dira (test eran) ikasleak bere ezagutzen bilakaera ezagutu dezan. Froga hauek era jarraitu batean ikasgaiaren oinarrizko ezagutzak jasoko dituzte (era honetara, ikasgaiaren ulermena ebaluatuko da, gaien arteko erlazioa egiteko gai diren aztertuz) une bakoitzean ordura arteko edukiak sartzen joango direlarik. Froga hauek gaindituz gero, lau hilabete bukaeran notaren %30a lortu ahal izango da bide honetatik.



Ikasleak ebaluazio jarraituan egindako froga hau gaindituko ez balu, azken frogan (azterketaren data ofizialean) beste aukera bat izango luke ikasgaiko oinarrizko ezagutzak gainditzeko (hau ere test eran).



Notaren gainerako %70a ebaluatzeko azterketaren data ofizialean ikasleari enpresa erreal baten urteko kontuetako informazio batzuk emango zaizkio. Hauen gain ikasleak, ikasgaian garatutako tresnak aplikatu ondoren, planteatuko zaizkion zenbait galderei buruzko komentario batzuk egin beharko ditu.



Edozein kasutan, ezinbestekoa izango da deialdi bakoitzean bai oinarrizko ezagutzak baita ariketa praktikoa gainditzea ikasgaia bere osotasunean gainditzeko.



Azken ebaluazioa



Ebaluazio osoa (%100) azterketaren data ofizialean egingo da. Ebaluazio honek bi zati izango ditu: Lehen zatian test eran galdetutako oinarrizko ezagutzak ebaluatuko dira (era honetara, ikasgaiaren ulermena ebaluatuko da, gaien arteko erlazioa egiteko gai diren aztertuz), notaren %30arengain. Bigarren zatian, ikasleari enpresa erreal baten urteko kontuetako informazio batzuk emango zaizkio. Hauen gain ikasleak, ikasgaian garatutako tresnak aplikatu ondoren, planteatuko zaizkion zenbait galderei buruzko komentario batzuk egin beharko ditu. Bigarren zati honek ebaluazioaren %70 balio du.



Edozein kasutan, ezinbestekoa izango da deialdi bakoitzean bai oinarrizko ezagutzak baita ariketa praktikoa gainditzea ikasgaia bere osotasunean gainditzeko.



Edozein kasutan, deialdiari uko egiteko nahikoa izango da bukaerako frogara ez aurkeztea.

Irakaslearen transparentzien kopia.

Egela plataforman enpresa errealen urteko kontuak eskuragarri egongo dira ikasgaian zehar erabiliko direlarik. Baita, adibide gisa, eurek egiteko gai izan behar duten enpresa baten analisiaren adibide bat bere osotasunean ere.

Oinarrizko bibliografia

BERNSTEIN, L. (1995): Análisis de Estados Financieros. Teoría, Aplicación e Interpretación. Ed. IRWIN

GONZALEZ PASCUAL, J. (2008): Análisis de la empresa a través de su información económico-financiera. Ed. Pirámide, Madrid.

MUÑOZ MERCHANTE, ÁNGEL (2009): Análisis de Estados Financieros: Teoría y Práctica. Ediciones Académicas. 2ª Edición.

MUÑOZ MERCHANTE, ÁNGEL (2009): Análisis de Estados Financieros: Ejercicios y Test. Ediciones Académicas. 2ª Edición.

Gehiago sakontzeko bibliografia

BERNAL GARCÍA, J.J.; GARCÍA, D.: (2009) “Análisis económico-financiero a partir del nuevo PGC. Ratios financieros”. Estrategia Financiera, nº 261, mayo 2009, págs.28-37.

CASTILLO, D; CASTILLO R. (2009): “Una propuesta metodológica para la elaboración del Estado de Flujos de Efectivo”. Técnica Contable, nº 719, mayo 2009, págs.26-39.

ZUBIAURRE, M.A.; ALDAZABAL, M.E.; ZUBELZU, E. (2009): “Reflexiones en torno a los flujos de efectivo de las actividades de explotación en el NPGC”. Técnica Contable, nº 716, febrero 2009, págs.62-75.

Aldizkariak

REVISTA CONTABLE: http://revistacontable.wke.es/ Liburutegian eskuragarri dagoen aldizkaria