Informazio ekonomiko eta eredu kontablearen analisia. Kontabilitate Plan Orokorra eta ekitaldi batean sortutako fondoen fluxu eta enpresaren emaitzen eta egoerari buruzko teknika kontablea. Urteko kontuak prestatu eta azaldu.



IRAKASGAIAREN BEREZKO GAITASUNAK:

- Informazio kontablearen erregistro-tresna garrantzitsuenak erabili.

- Finantza egoera-orriak lortzeko helburuarekin prozesu kontablea antolatu.

- Nazio eta nazioarteko normalizazio kontableen prozesuak eta bere emaitzak ezagutu.

- Enpresa mota ezberdinei aplikagarri zaien araudi esparru ezagutu.

- Enpresa jardueraren epe laburreko oinarrizko eragiketak baloratu eta kontabilizatu.



M01-OINARRIZKO GAIAK MODULUAREN GAITASUNAK ETA ZEHARKAKOAK

- Ikasleak gai izatea lortutako datuetan oinarriturik iritzi arrazoituak emateko.

- Autonomia maila handia lortu ahal izateko ikasteko gaitasunak garatzea.

- Ikasleak gai izatea talde-lanean aritzeko, arduraz eta errespetuz, iniziatiba eta lidergoa erakutsiz.

- Ikasleek gaitasuna izatea pentsamendu analitikorako eta hausnarketa kritikorako.

- Ikasleak gai izatea idatziz eta ahoz erraztasunez komunikatzeko.

- Lortutako jakintzak enpresen administrazio eta zuzendaritzarekin zerikusirik duen edozein lan arlotan aplikatzea.



IRAKASKUNTZA EMAITZAK:

-Kontabilitateko oinarrizko kontzeptuak eta tresnak ezagutu eta erabiltzen ditu.

-Kontabilitatearen erabiltzaileak aipatu eta definitzen ditu.

-Kontabilitate printzipioak eta erregistro arauak interpretatzen ditu eta eragiketa ekonomikoen erregistro eta balorazioan aplikatzen ditu.

-Kontabilitate zikloaren faseak deskribatzen ditu.

-Enpresaren jardueraren epe laburreko oinarrizko eragiketak baloratu eta kontabilizatzen ditu.

-Informazio ekonomiko-finantzarioa laburtzen duten finantza egoera-orriak aurkezten ditu.

A) EREDU KONTABLEAREN FUNTZIONAMENDUA.

1. gaia: Jarduera ekonomikoa, enpresa eta kontabilitatea.

2. gaia: Balantzea.

3. gaia: Galdu Irabazi kontua.

4. gaia: Eredu kontablea: kontuak eta kontu-sail bikoitza.

5. gaia: Ziklo kontablea.



B) ERREGULAZIO KONTABLEA.

6. gaia: Normalizazio kontablea eta euskarri kontableak.



C) ZIKLO LABURRAREN ANALISI KONTABLEA.

7. gaia: Giza baliabideak.

8. gaia: Zeharkako zergen tratamendu kontablea.

9. gaia: Zerbitzuetako enpresen eragiketak.

10. gaia: Merkataritza enpresen eragiketak.

11. gaia: Enpresa Industrialen eragiketak.

12. gaia: Merkataritza kreditua eta kobrantza-kudeaketa.

13. gaia: Periodifikazio kontablea.

Irakasgai honetan hainbat metodo erabiltzen dira, baina batez ere eskola magistraletan irakasleak azalpen laburrak emango ditu, eta ikasgelako denbora gehiena hainbat jardueratan erabiliko da, normalean talde lanean, eta batzuetan, bakarkakoan. Ikasleen parte hartzea eskatuko da, sondeoak eginez, galdetegiak erantzunez eta eztabaida sortuz.

Astero zeregin bat entregatzea eskatuko da, gehienetan enpresetan ematen diren eragiketen erregistroan oinarrituta. Horrela, ezagutza teorikoa eta praktikoa uztartuko dira.

Lan autonomoa sustatuko da, ikasleei gaiaren alde desberdinak ulertzen lagunduko dieten baliabide informatiko eta bibliografikoen bidez, eta enpresetan sortzen den hainbat dokumentazio eredu erakutsiz, eGelan zintzilikatuko dena.

Lehenetsitako ebaluazio sistema jarraitua izango da:

1.Eskola egutegian burutuko diren probek azken notaren %50 balioko dute.

2.Azken proba ikastetxearen azterketa egutegian burutuko da eta azken notaren %50 da.



Ikasleen betebeharra da ikastea, eta bere prestakuntza osatzeko lagungarriak diren jarduera akademikoetan parte-hartzea eta irakaskuntza-ikaskuntzako prozesuan aktiboki parte-hartzea, ezarritako prozedurak eta epeak errespetatuz.



Etengabeko ebaluazioaren bitartez egindako proben notaren batazbestekoa gutxienez 2,5 puntukoa ez bada ikaslea azken probaren bitartez %100ean ebaluatua izango da.

Irakasgaia gainditzeko azken proba gainditu behar da, aipatutako zereginak egin behar dira, eta aurreikusitako ponderazioak aplikatuta gutxienez 5 atera behar da.



Ikasleek azken ebaluazioa aukeratu dezakete, %100ean ebaluatuak izango direlarik azterketa aldi ofizialean.



Ebaluazio jarraiko probetan zein azken proban ikasleak erabil dezakeen tresna bakarra kalkulagailu sinple bat da. Beste edozein material beharko balu irakasleak jarriko dio eskuragarri probaren momentuan. Ez da inolaz ere onartuko beste baliabide teknologikorik erabiltzea, telefono mugikor, tablet, ordulari inteligente edo antzekorik. Hori dela eta ikaslea probetara mota honetako gailurik gabe etorriko da, edo proba guztian zehar itzalita mantenduko ditu.



Ikasle guztiek aukera dute ohiko deialdiari uko egiteko, horretarako nahikoa izango da azterketa aldi ofizialean bukaerako probara ez joatea.

1514/2007 Errege Dekretua, azaroaren 16koa, Kontabilitate Plan Orokorra onartzen duena.
eGela bidez partekatu da hainbat material.

Oinarrizko bibliografia

Azkue, I.; Cerezo, A.; Erkizia, A.; Ibarloza, E. (2009): "Kontabilitatea: teoria eta praktika". Elhuyar edizioak. Eskuratzeko: https://www.elhuyar.eus/eu/denda/d/kontabilitatea-teoria-eta-praktika

Gehiago sakontzeko bibliografia

Albelda, E., & Sierra, L. (2017). Introducción a la contabilidad financiera: : ejercicios básicos. adaptado al real decreto 602/2016 (Ser. Economía y empresa). Pirámide.
Arquero Montaño, J. L., Jiménez Cardoso, S. M., & Ruiz Albert, I. (2019). Introducción a la contabilidad financiera (6ª edición, Ser. Economía y empresa). Editorial Piramide.
Cervera Oliver, M., González García, Á., Romano Aparicio, J., & Cervera Oliver, M. (2017). Contabilidad financiera (3ª, Ser. Contabilidad). Centro de Estudios Financieros.
Estradé Marín, J., Saladrigues Solé, R., & Peset González, M.J. (2017). Contabilidad financiera avanzada: un enfoque práctico (Ser. Economía y empresa). Editorial UOC. http://digital.casalini.it/9788491169246. Liburu elektronikoa du.
Francis Lefebvre (2020): Memento Practico Contable. Editor(es): Francis Lefebvre, S.A.
Montesinos Julve, V., & Montesinos Julve, V. (2017). Fundamentos de contabilidad financiera (3ª, Ser. Economía y empresa (pirámide). Pirámide.
Muñoz Mechante, A. (2018): Practicas de Introducción a la Contabilidad. Ediciones Académicas – UNED- ISBN (13): 9788494698675
Pacto Mundial Red Española; Consejo General de Economistas de España (CGE) eta Confederación Española de la Pequeña y Mediana Empresa (CEPYME) (2019): Guía para PYMES ante los objetivos de desarrollo sostenible.
https://www.pactomundial.org/biblioteca/guia-para-pymes-ante-los-objetivos-de-desarrollo-sostenible/
Ruiz de Palacios Villaverde, M., Yubero Hermosa, P., Boal Velasco, N., Losada González C., Martínez Martínez Laguna, L. (2020). Gps contabilidad financiera y costes. Guía profesional (5ª edición). Tirant lo Blanch. Liburu elektronikoa du.
Santos Jaen, J.M. (Coord) (2019). Manual de contabilidad financiera adaptado a personas con discapacidad intelectual (1.ed.). https://www.jstor.org/stable/10.2307/j.ctvr33crr. Liburu elektronikoa du.

Aldizkariak

Revista de Contabilidad:
https://revistas.um.es/rcsar
Revista de Contabilidad y Tributación:
https://www.ceflegal.com/revista-contabilidad-tributacion.htm
Revista Española de Financiación y Contabilidad (REFC):
https://www.aeca.es/old/pub/refc/refc.htm
Técnica Contable y Financiera:
https://www.wolterskluwer.es/productos/periodicos-y-revistas/tecnica-contable-y-financiera.html