Deskribapena

Programa

• 17:30 Ongietorria:
  • Eva Ferreira. Euskal Herriko Unibertsitateko errektorea
• 17:40 Barbara Ruiz. UNRWA Palestinako Errefuxiatuentzako Nazio Batuen Agentziako Ordezkaria
• 17:50 Mahai ingurua:
  • María Dolores Bollo. UPV/EHUko Zuzenbide Publikoa eta Zientzia Historiko-Juridikoak eta Pentsamendu Politikoaren Historia Saileko irakasle titularra
  • Irantzu Mendia. UPV/EHUko Soziologia eta Gizarte Langintza Saileko irakasle agregatua
  • Moderatzailea: Noé Cornago. UPV/EHUko Zuzenbide Publikoa eta Zientzia Historiko-Juridikoak eta Pentsamendu Politikoaren Historia Saileko irakasle titularra
• 19:00 Ekitaldiaren amaiera

Testuingurua eta helburuak

"Badirudi ez dagoela mugarik — ez hitzik deskribatzeko — Gazan gure begien aurrean agerian geratzen ari diren izugarrikeriak. Urriaren hasieratik 100.000 pertsona baino gehiago hil edo zauritu dituzte. Utzidazue errepikatzen: 20 haur, emakume eta gizonetik bat, gutxi gorabehera, hilda edo zaurituta dago. Gutxienez 17.000 haur umezurtz geratu dira edo familietatik banandu dituzte; beste askok, berriz, trauma fisikoa eta emozionala uzten duten orbainak izango dituzte bizitza osoan. Gaur, 30.000 hildako baino gehiago izan dira. Eta hamarnaka mila pertsona desagertu dira, horietako asko beren etxeetako hondakinen azpian lurperatuta geratu direla uste da. Hau sarraskia da." Hitz horiekin, Volker Türk, Giza Eskubideen aldeko Nazio Batuen Goi Komisarioa, Gazako egungo egoeraz mintzatu da berriki. NBEko Nazioarteko Justizia Auzitegiak urtarrilean Israeli Gazan genozidioa saihesteko ahal zituen neurri guztiak hartzea agindu zion arren, egoerak okerrera baino ez du egin Mendebaldearen itxurazko pasibotasunaren aurrean.

Mahai inguru honetan, Gazako egungo egoera jorratuko da ikuspegi soziologiko, humanitario eta juridikotik. Krisi honek ezbaian jarri ditu giza eskubideen defentsaren munduko arkitekturaren oinarriak.

Izena ematea

Kontaktua

Noemi Ugalde

• Telefonoa: 94 601 2097
• Posta elektronikoa: noemi.ugalde@ehu.eus