Datorren otsailaren 20an, 12:30ean, Sarrikoko Gradu Aretoan, Estatuko Merkataritza Teknikarien eta Ekonomialarien Elkarteko ordezkariek emango duten hitzaldi bat izango da.

Saioan, Estatuko Merkataritza Teknikarien eta Ekonomialarien Goi Mailako Kidegoa zer den azalduko da, baita bertan sartzeko oposizio-sistema ere.

Bereziki interesgarria da Ekonomia, ADE edo Zuzenbideko ikasleentzat, sektore publikoko lan-aukera desberdinak ezagutzeko aukera ematen duelako.

Kidego honek Administrazio Publikoko hainbat esparrutan (ministerioetan eta beste erakunde publiko batzuetan) izaera ekonomikoko eginkizunak garatzeko aukera eskaintzen du, baita nazioarteko erakundeetan ere, hala nola Europako Batzordean, Nazioarteko Diru Funtsan edo OCDEn. Horrez gain, bere jardueraren zati garrantzitsu bat atzerriko Espainiako Bulego Ekonomiko eta Komertzialen Sarean garatzen da.

Hitzaldira etortzera animatzen zaituztegu, aukera profesional interesgarri hau gertutik ezagutzeko.

Informazio gehiago nahi izanez gero, elkartearen webgunea kontsulta dezakezue:
Estatuko Merkataritza Teknikarien eta Ekonomialarien Elkartea