Ekonomia eta Enpresa Fakultatea

EKONOMIA ETA ENPRESA FAKULTATEA – DONOSTIA

HELBURUAK

Ekonomia eta Enpresa Fakultateko Gipuzkoako Atalak BideLan 2027 Lanbide Irteerei buruzko Jardunaldiak antolatu ditu, Enpresen Administrazio eta Zuzendaritzako (EAZ) ikasketekin lotutako garapen akademiko eta profesionalerako aukera nagusiak ikasleei ezagutarazteko. Jardunaldi hauen helburua da sektore pribatuko enpresetan, administrazio publikoan, ekintzailetzan, unibertsitatean eta unibertsitatearen eta enpresen arteko lankidetzan dauden aukerei buruzko ikuspegi zabala, eguneratua eta praktikoa eskaintzea.

Saio hauen bidez, ikasleek zuzenean ezagutu ahal izango dituzte lanbide-profilak, lan-merkatuan eskatzen diren gaitasunak, laneratzeko ibilbideak eta erreferentziazko pertsona zein erakundeen esperientzia errealak. Era berean, jardunaldien bidez, ikasleei unibertsitateko prestakuntza hainbat lanbide-ingurunerekin lotzen lagundu nahi zaie, beren ikasketa- eta lan-ibilbideari buruzko erabakiak informazio gehiagorekin har ditzaten.

EGITARAUA ETA IZEN-EMATEA

• Gipuzkoako Emakume Profesional eta Enpresarien Elkartea (ASPEGI):

2026ko azaroaren 5ean, 09:30etik 10:30era, Fakultateko Ekitaldi Aretoan, Donostian.

Ekitaldiari buruzko informazio gehiago eta izen-ematea:

Irteera profesionalen jardunaldia ASPEGIrekin

• Ekonomisten Euskal Elkargoa (Ekonomistak):

2026ko azaroaren 24an, 13:00etatik 14:00etara, Fakultateko Ekitaldi Aretoan, Donostian.

Ekitaldiari buruzko informazio gehiago eta izen-ematea:

Irteera profesionalen jardunaldia Ekonomistak elkargoarekin

• Gipuzkoako Foru Aldundia – Ekonomia Sustapeneko Departamentua:

Ekitaldiari buruzko informazio gehiago eta izen-ematea:

Irteera profesionalen jardunaldia Gipuzkoako Foru Aldundiarekin

HAUTAZKO KREDITUAK ETA PARTE HARTZEKO BALDINTZAK

EAZko ikasleek 1,5 ECTS kreditu aitortzeko aukera izango dute kultura-jardueren bidez, betiere Fakultateak ezarritako bertaratze- eta parte-hartze baldintzak betetzen badituzte.

Parte-hartzea ikuspegi akademikotik ahalik eta aberasgarriena izan dadin eta kreditu guztiak aitortu ahal izateko, nahitaezkoa izango da hiru saioetara joatea.

Horrez gain, dagokion ziurtagiria eskuratzeko, ezinbestekoa izango da jarduerak amaitu ondoren ikasleei bidaliko zaien gogobetetze-inkesta adierazitako epean betetzea.

OHARRA

Aurreikusitako egitarauan antolaketa-arrazoien ondoriozko egokitzapenak edo aldaketak egin ahal izango dira.