Eskaera GAUR aplikazio informatikoan egin beharko da, Euskara, Kultura eta Nazioartekotzearen arloko Errektoreordetzak (Leioa) ezarritako epeetan.

Mugikortasun programetan parte hartzeko eskaera betetzerakoan, honako alderdi garrantzitsu hauek kontuan hartu beharko dira:

• GAUR-en nazioarteko mugikortasun programetarako (Erasmus, Latinoamerika eta Beste Norakoak) ESKAERA BAKARRA egingo da eta gehienez helmugako 8 unibertsitate aukeratu ahal izango dira, ikaslearen lehentasunen arabera ordenatuta.
• Unibertsitateak lehentasunen arabera ordenatzea garrantzitsua eta loteslea da, izan ere, plaza bat esleitutakoan, ezingo zaio uko egin hurrenkeran beherago dagoen bat aukeratzeko.
• “BESTE AUKERA BATZUETAN INTERESATUTA” aukera berez markatuta egongo da. Hau da, lehenetsitako 8 unibertsitateez gain, aurreko faseetan helmugako unibertsitaterik lortu ez duen ikasleari bere interesekoak izan daitezkeen hutsik geratutako plazak eskaini ahal izango zaizkio. Nolanahi ere, aukera horretan interesik ez duen ikasleak lauki hori desaktibatu dezake eskaera egiten duenean.
• Latinoamerikako eta Singapur/Kazajistango unibertsitateetarako, ikasleek lauhileko bakarreko (5 hilabete) mugikortasuna baino ezin dute aukeratu eta ez dute egonaldia luzatzeko aukerarik izango.

Ekonomia eta Enpresa Fakultateak kudeatutako helmugak espediente akademikoaren batezbesteko notaren arabera esleitzen dira, eta horri Buddy eta/edo Cicerone programetako lankidetza aktiboari dagokion balorazioa gehitzen zaio.

Gainera, atzerriko hizkuntza maila egiaztatzeko ziurtagiri ofiziala edukitzea nahitaezkoa izango da halakorik eskatzen duten helmugako unibertsitateetan.

Beste Norakoak programako kupo orokorreko helmugak Euskara, Kultura eta Nazioartekotzearen arloko Errektoreordetzak (Leioa) esleituko ditu.

Kontuan hartu behar da mugikortasun programak esleitzeko hiru fase daudela:

Lehenengo fasea

• Helmugako unibertsitateak esleituko dira, Gaur aplikazioan eskatutako 8 helmugen arabera bakarrik, eta adierazitako lehentasun ordenan.

Bigarren fasea

• 1. fasean plazarik lortu ez duten ikasleak. Eskabide-orrian adierazitako 8 unibertsitateetatik libre geratu diren unibertsitateetan esleituko dira plazak.
• 1. fasean plaza lortu duten ikasleak. Esleitutakoa baino lehentasun handiagoko unibertsitateren bat erabilgarri badago, eskaini egingo zaio esleitutakoaren edo hobetzeko aukeraren artean hauta dezan.

​​​Hirugarren fasea

• Hirugarren fase honetan parte hartu ahalko dute: lehenengo bi faseetan plazarik lortu ez duten ikasleak. “Beste aukera batzuetako interesduna” laukia markatuta duten ikasleak (lehenespenez, aukera hau markatuta dago).
• Ez dago hobetzeko aukerarik. Hau da, 1. edo 2. fasean plaza lortu duten ikasleek ez dute esleipen fase honetan parte hartuko.
• Fase hau amaitzean plaza librerik geratzen bada, lehenago nazioarteko mugikortasun programa batean parte hartu duten ikasleei esleituko zaizkie plazak.

• Hitzarmen akademikoetan ezingo da Fakultatean gainditu gabe utzitako irakasgairik sartu, baina bai espediente akademikoan aurkeztu gabe gisa agertzen diren irakasgaiak.
• UPV/EHUko irakasgaiek, akordio akademikoetan sartutakoek, nazioarteko mugikortasuna egingo den bitartean ikastetxean ematen diren berberak izan beharko dute.
• Hautazko irakasgaien kasuan, mugikortasuna egiteko lauhilekoa ez den beste batekoa izan daiteke.
• Lauhileko bateko mugikortasunetarako (5 hilabete), hitzarmen akademikoek gutxienez 24 ECTS barne hartu behar dituzte.
• Bi lauhilekoko edo ikasturte osoko mugikortasunetarako (9 hilabete), hitzarmen akademikoek gutxienez 48 ECTS eta gehienez 60 ECTS barne hartu behar dituzte.
  • Negozioen Kudeaketako Gradua. Bigarren lauhilekoan, Akordio Akademikoaren hasierako proposamenean 36 kreditu sartu beharko dira.
• Konpromiso akademikoan sartutako irakasgaien ebaluazioa helmugako unibertsitateak egingo du, bai deialdi arruntean, bai ohiz kanpokoan.
• Hitzarmen akademikoan euskaraz matrikulatutako irakasgaiak sartuz gero, ez dira aitortuko euskarazko C1 titulua lortzeko behar den zenbatekoa osatzeari dagokionez.

• Erasmus+ programako ikasleek, lehenengo lauhilekoan mugitzen badira, egonaldia 9 hilabetera luzatzeko eskatu ahal izango dute (azaroaren 1etik 10era).
• Latinoamerikako eta Beste Norako Batzuetako programetan (Erresuma Batuan eta Suitzan izan ezik) ezin da mugikortasuna zabaltzeko eskatu
• Ezin dute eskatu mugikortasun handiagoa Ade+ Zuzenbide Gradu Bikoitzeko, Business & Economics-eko eta Marketin graduko ikasleek.

Enpresen Administrazioa eta Zuzendaritza

• 4. mailako lehen lauhilekoko edo 3. mailako bigarren lauhilekoko nahitaezko irakasgaiak. (*) Baita urteko mugikortasunetarako ere
• Hautazko irakasgaiak (gutxienez 2)

Ekonomia

• 4. mailako lehen lauhilekoko edo 3. mailako bigarren lauhilekoko nahitaezko irakasgaiak. (*) Baita urteko mugikortasunetarako ere
• Hautazko irakasgaiak (gutxienez 2)

Marketin

• 4. mailako lehen lauhilekoko edo 3. mailako bigarren lauhilekoko nahitaezko irakasgaiak. (*) Baita urteko mugikortasunetarako ere
• Hautazko irakasgaiak

Negozioen Kudeaketa

• 3. mailako edo 4. mailako nahitaezko irakasgaiak
• Hautazko irakasgaiak (gutxienez 2)
• Mugikortasunari dagokionez, Enpresa-ingelesa irakasgaiak hautazkotzat hartuko dira, baldin eta destinoan irakasgaiak ingelesez egiten badira. Frantses enpresariala berdin ulertuko da helmugan beste hizkuntza bat ikasten bada

Business & Economics (Sarriko). Nazioarteko mugikortasuna egin daitekeen lauhilekoak.

• 3. mailako bigarren lauhilekoa
• 4. mailako lehen edo bigarren lauhilekoa
• 5. mailako lehen lauhilekoa eta, gainera, 4. mailako 2 irakasgai, gainditu gabe utzi ez direnak

EAZ + Zuzenbidea (Sarriko). Nazioarteko mugikortasuna egin daitekeen lauhilekoak.

• 3. mailako lehen lauhilekoa
• 4. mailako bigarren lauhilekoa
• 5 mailako lehen edo bigarren lauhilekoa

EAZ + Kudeaketaren eta Informazio Sistemen Informatikaren Ingeniaritza (Vitoria-Gasteiz). Nazioarteko mugikortasuna egin daitekeen lauhilekoak.

•  3. mailako lehen edo bigarren lauhilekoa
•  4. mailako lehen edo bigarren lauhilekoa
•  5. mailako lehen lauhilekoa