Eskaerak aurkezteko epea ekainaren 15etik uztailaren 15era artekoa izango da. Eskaera ikastegiko idazkaritzan aurkeztu beharko da, edo posta elektronikoz bidali helbide honetara: sec-centro.fee-elkano@ehu.eus.

“Enpresa Zientzietan diplomatua” ikasketetako batez besteko notaren arabera aukeratuko dira ikasleak.

Diplomatura Bilboko Merkataritza Ganbaran edo UPV/EHU ez den beste unibertsitate batean egin duten ikasleek espedientearen ziurtagiria aurkeztu beharko dute, non adierazita egon beharko den batez besteko nota.

Eskatzaileari abuztuan jakinaraziko zaio onartua izan den ala ez. Onartua izanez gero, deia egingo zaio irailerako, Negozioen Kudeaketako Gradua eskuratu ahal izateko egin behar dituen hautazko 21 kredituak eta GRALa aukeratu ditzan.

Informazio gehiago behar baduzu, Fakultateko Idazkaritzan eska dezakezu.