Nazioarteko Titulazio Bikoitza delakoa ikasketa programa espezifiko bat da, hainbat herrialdetako bi unibertsitateren artean ezarritakoa, ikasleari programa osatzean bi titulu ofizial lortzeko aukera ematen diona.

Nazioarteko titulazio bikoitza egin nahi duten ikasleek gutxienez graduko lehen 2 mailak egin beharko dituzte UPV/EHUn. Titulazio bikoitzak hirugarren urtea destinoko unibertsitatean egin beharko du.

Plaza hutsak geratzen badira, graduko azken ikasturtean nazioarteko titulazio bikoitza egin nahi duten ikasleei eskaini ahal izango zaizkie.

Titulazio bikoitzeko programetarako ikasleak ikasketen bigarren urtea egiten dutenen artean hautatzen dira.

Hautagaiek lehenengo bi mailetako 60 ECTS kreditu gutxienez gaindituta izan behar dituzte eskabidea aurkezten dutenean, eta batez besteko nota 6,5tik gorakoa izan behar dute.

Helmugako unibertsitatean sartu aurretik, ikasleak 120 kreditu gaindituta izan behar ditu.

Hautaketa prozesuaren aurretik, ikasleek egiaztatu egin behar dute atzerriko unibertsitateak eskatutako atzerriko hizkuntza maila dutela.

Eskaera GAUR aplikazio informatikoan egin beharko da, Euskara, Kultura eta Nazioartekotzearen arloko Errektoreordetzak (Leioa) Erasmus+ programarentzat ezarritako epeetan.

Plazak unibertsitate bakoitzean aurreikusitako hizkuntza eskakizunak betetzen dituzten ikasleen artean esleituko dira, eta ikasle bakoitzaren espediente akademiko (batez besteko nota eta kreditu kopurua) balioetsita.

Ekonomia eta Enpresa Fakultatearen eskaintzak nazioarteko titulazio bikoitz hauek hartzen ditu barne:

ENPRESEN ADMINISTRAZIO ETA ZUZENDARITZAKO GRADUA (EAZ) eta NEGOZIOEN KUDEAKETAKO GRADUA

• Berlin School of Economics and Law (Alemania) - Ingelesa B2 edota alemana B1
• OTH Hochschule Regensburg (Alemania) - Ingelesa B2 edo alemana B2. Ikasketen amaieran alemaneko B1/B2.

ZER IRAKASGAI IKASI BEHARKO DITUT?

Prestakuntza ibilbideak itxiak dira, hau da, helmugako unibertsitatean ikasi behar dituzun irakasgaien zerrenda bat emango zaizu. Horri esker, ikasketak gabeziarik gabe amaituko dituzu, eta bi erakundeek eskaintzen dizkizuten aukerak ahalik eta gehien aprobetxatuta.

ZEIN HIZKUNTZA MAILA MENDERATU BEHAR DUT?

Atzerriko unibertsitate bakoitzak eskatutakoaren araberakoa izango da. Hizkuntza eskakizun espezifikoak kontsulta ditzakezu titulazio bikoitz bakoitzaren informazio osagarrian.

ZER ESKAINTZEN DIZU NAZIOARTEKO TITULAZIO BIKOITZ BATEK?

Bi titulu ofizial, zure enplegagarritasuna sustatzea, zure ikasketak osatzea, atzerriko hizkuntza (edo batzuk) gehiago jakitea, zure ezagutzak eta kulturartekotasuna zabaltzea.

NAZIOARTEKO TITULAZIO BIKOITZEKO LANPOSTU BAT LORTU ONDOREN, ESKA DEZAKET NAZIOARTEKO MUGIKORTASUNEKO BESTE DESTINO BAT?

Ez. Fakultateak Nazioarteko Titulazio Bikoitzeko plaza gutxi ditu, eta horiek aukeratzen dituzten ikasleek benetan interesa izan behar dute.

Ondorioz, behin ikasle batek Nazioarteko Titulazio Bikoitzeko plaza bat lortu ondoren, ezin izango du beste mugikortasun destinorik lortu ikasturte berean.

ZER IKASKETA MAILATAN EGIN DEZAKET NAZIOARTEKO TITULAZIO BIKOITZA?

Nazioarteko Titulazio Bikoitza egin dezakezu zure graduko ikasketen hirugarren mailan.

Plaza libreak geratuz gero, laugarren maila egingo duten ikasleei eskainiko zaizkie.

ZEINTZUK DIRA NAZIOARTEKO TITULAZIO BIKOITZA (NTB) ESKATZEKO BALDINTZAK?

NTB bat eskatu ahal izateko, ikasketa espediente on bat izan behar duzu, baita programa bakoitzerako ezarritako hizkuntza eskakizunak ere.

NAZIOARTEKO TITULAZIO BIKOITZAK IKASKETAK LUZATZEA EKARRIKO AL DIT?

Gaur egun ez. 

Hala ere, etorkizunean denbora iraupen luzeagoa lekarketen hitzarmen berriak sina litezke. Programa batzuetan bai. Baina kontuan izan, ahalegin horren truke, Nazioarteko Titulazio Bikoitza lortuko duzula, lan munduan eta mundu akademikoan zure ukerak zabalduz, bai nazio mailan, bai nazioarte mailan.

NAZIOARTEKO TITULAZIO BIKOITZAK APARTEKO TASA AKADEMIKOA EKARRIKO AL DIT?

Nazioarteko titulazio bikoitzetan, tasa akademikoak UPV/EHUn ordaintzen dira; hau da, UPV/EHUko matrikula modu erregularrean ordainduko duzu, eta ez duzu matrikularik ordaindu beharko destinoko unibertsitatean.

Eta, hori bai, aparteko bat izango da atzerriko unibertsitatearen titulu ofiziala ordaindu beharko duzula destinoko unibertsitateko tasa akademikoen arabera.

ESKA AL DAITEKE LAGUNTZARIK MUGIKORTASUN ALDIRAKO?

Bai. Fakultateko nazioarteko titulazio bikoitzak Erasmus+ programaren barruan sartzen dira, eta, beraz, Erasmus+ programan parte hartzen duten ikasleen laguntza ekonomiko berberak jasoko ditu ikasleak, baina alde handiarekin, gainerako ikasleek ez baitute nazioarteko titulazio bikoitza lortuko.

GARRANTZITSUA. Europako funtsak dituzten laguntzek gehienez 7 hilabetekoari erantzuteko izango dira, nahiz eta zure erasmus egonaldia handiagoa izan. Erasmus plazak 12 hilabete iraungo du gehienez, baina bi ikasturtetan egin daitezke.