2025eko maiatzaren 5etik 9ra bitartean, irakaskuntza-bisita bat egin zuen Jana Přílučíková irakasle laguntzaileak, Tomas Bata Unibertsitateko (Zlín) Ikasketetarako Dekanordeak eta Praga Financial Institute-ko analistak. Bisita hau Erasmus+ Irakasleen Mugikortasun Programaren baitan burutu zen.

Egonaldiaren barruan, bi ikastaro eman ziren formatu interaktiboan. Lehenengoan, finantza-teoria tradizionala jorratu zen, batez ere denbora-faktorearen eta arriskuaren analisiaren inplikazio praktikoetan sakonduz. Azpimarra berezia jarri zitzaion deskontu-tasaren kontzeptuari eta horren aplikazioari inbertsio-erabakiak hartzerakoan.

Bigarren zatian, ikasleek finantza portaeraren oinarriak ezagutu zituzten. Hainbat gai jorratu ziren, besteak beste: arrazoimen mugatua, prozesu bikoitzeko teoria, heuristikak eta alborapen kognitiboak, markoaren efektuak, prospektiba teoria eta damua ekiditeko joera.

Saioek benetako kasu praktikoak, talde-lan egituratuak eta erabaki-dilemak jorratu zituzten. Adibidez, ikasleek beren portaera finantzarioan duten inplultsibotasunaz hausnartu zuten, aukeren formulazioari erantzun eta damua eta "disposition effect" izeneko efektua azaltzen duten egoerak aztertu zituzten. Azpimarra berezia jarri zen ikasleen autokontzientzia finantzarioa hobetzean eta ikuspegi psikologikoak eguneroko erabaki ekonomikoekin lotzean.

Truke akademiko honen helburua izan da irakaskuntza-metodo berritzaileen sustapenean laguntzea eta nazioarteko lankidetza sendotzea finantzen eta ekonomiaren arloan