EHUren "Nano bio Spectroscopy Group" taldearen ikerketa jarduerak bi ardatz ditu: bata, material aurreratu berrien, nanoegituren eta biomolekulen propietate elektronikoen teoria eta modelizazioaren eremua; bestea, tresna teoriko eta kode konputazional berriak garatzea, sistema horien kanpo eremu elektromagnetikoekiko erantzun elektronikoa ikertu eta kontrolatzeko (espektroskopia teorikoa; hau da, fisika, kimika, materialen zientzia eta medikuntzako karakterizazio teknika guztien oinarria).

Taldeak errekonozimendu zabala eta nabarmena bildu du nazioartean, eta horren erakusgarri dira nazioarteko lankidetzen kopurua, Europako hainbat sare eta azpiegituren programetan parte hartzea, alorreko biltzar garrantzitsuenetan gonbidatu gisa emandako hitzaldi kopurua eta aholkularitza batzordeetan parte hartzea, lehen printzipioko kodeen garapena eta bai estatuan bai nazioartean jasotako sariak. Laburbilduz, taldea mundu osoan erreferente da materialen, nanoegituren eta biomolekulen simulazioaren eta modelatuaren alorretan.

Taldekideak Amerikako, Europako eta Japoniako hainbat talderekin aritzen dira elkarlanean (kolaboratzaileen zerrenda dokumentu honetan eta http://nano-bio.ehu.es/collaborations web orrian ikus daiteke). Taldearen jardun zientifikoa Europako eta Estatuko zenbait proiekturen bidez finantzatzen da.

2018ko azarotik, European Theoretical Spectroscopy Facility ekimenaren presidenteordetza zientifikoa du taldeak (ETSF; hau da, sinkroton baten "baliokide teorikoa", Europan zehar banatutako hainbat lerro eta nodo dituena), baita ETSFren presidentetza ere, 2012ko azarotik.

1. "Simulación de Nanoestructuras, Biomoléculas y sistemas complejos de interés tecnológico: técnicas espectroscópicas. ETSF en España". EUSKO JAURLARITZA (IT-319-07). 2007/01/01/-2012/12/31
2. "Energy Materials: Fundamental developments in ab-initio computational Material Science". EUSKO JAURLARITZA (IT 578-13). 2013/01/01/-2018/12/31
3. Time dynamics and Control in nanostructures for magnetic recording and energy applications. CRONOS. EUROPAR BATASUNA. 2012/06/01-2015/05/31
4. ERC DYNamo (Advanced-grant): "Dynamical processes in open quantum systems: pushing the frontiers of theoretical spectroscopy". EUROPAR BATASUNA. 2011/04/21-2016/03/31
5. ERC (Advanced-grant): "Quantum Spectroscopy: exploring new states of matter out of equilibrium (QSpec-NewMat)". EUROPAR BATASUNA. 2016/11/01-2021/01/31
6. ERC DYNamo (Advanced-grant): "Dynamical processes in open quantum systems: pushing the frontiers of theoretical spectroscopy". EUROPAR BATASUNA. 2011/04/21-2016/03/31
7. Dynamical processes in complex quantum systems: from theoretical developments to energy harvesting and storage (DYNAPLEX). MINECO. 2011/01/01-2014/06/30