Material polimerikoen sintesiarekin eta karakterizazio fisiko-kimikoarekin lotutako hainbat alderdi lantzen dituen talde transdiziplinarra gara.

Sintesiaren ildoan, funtsean, itsasgarriak eta estaldurak lortzeko eta elektrospinning bidez lan egiten dugu. Eskarmentu handia dugu era askotako poliuretanoen sintesian.

Karakterizazio kimikoari dagokionez, esperientzia zabala dugu infragorriko espektroskopia (FTIR) eta erresonantzia magnetiko nuklear bidezko polimero karakterizazioan eta egitura eluzidazioan.

Mintzen ildoan, propietate hobetuak dituzten materialak bilatzeko lan egiten dugu, material biodegradagarrietan oinarritutakoak batez ere, paketatzearen sektorean erabili ahal izateko. Horregatik, adituak gara garraio propietateak aztertzen (disolbagarritasuna, difusioa eta iragazkortasuna), edo horietako batzuk, teknika esperimental bidez. Nolanahi ere, parte hartzen dugu beste aplikazio batzuetara bideratutako lanetan ere (adibidez, gasak harrapatu eta/edo biltegiratzekoetan), zeinetan garraio propietateek eginkizun garrantzitsua betetzen duten.

Gure taldeak, gaur egun, gure ikerketa lerroekin zerikusia duten oinarrizko eta aplikatutako hainbat proiektu finantzatutan parte har dezake, eta horietan duen eskarmentua eskain dezake. Gainera, Polymat Institutukoak gara taldekide guztiak, eta aktiboki parte hartzen dugu hainbat enpresarekin proiektuetan, bai arazo puntualak konpontzeko lan txikiagoak eginez (urtean 100 bat jarduera egiten ditugu ildo horretan) bai iraupen luzeagoko kontratuak garatuz.

1. Ikertalde finkatua eta errendimendu handikoa. Eusko Jaurlaritza. 2015eko urtarrila - 2018ko abendua.
2. Sustainable organocalatysis and Polymers H2020-MSCA-ITN14/02. Marie Curie Initial Training Networks (ITN). 2015eko urtarrila - 2018ko abendua.
3. Resinas epoxi reutilizables para aplicaciones avanzadas y sostenibles. (MAT2017-84116-R). MINECO. 2018ko urtarrila - 2020ko abendua.
4. Technical nanostructured gripping material for clamping complex workpieces. Fresmak enpresarekin kontratua Europako H2020 proiektu bat garatzeko. 2017ko otsaila - 2018ko ekaina.
5. Estudio y desarrollo de nuevos materiales compuestos biodegradables con bioactividad, radio-opacidad y propiedades mecánicas mejoradas. MINECO, 2017ko urtarrila - 2019ko abendua.