Programa espezifikoa: European Research Council Proof of Concept Grant
UPV/EHU: Koordinatzailea
UPV/EHU IP: Thomas Schäfer
Proiektuaren hasiera: 2016/10/01
Proiektuaren amaiera: 2018/03/31

Deskribapen laburra: ONU-Aguak duela gutxi ohartarazi duenez, hamar urteren buruan, 2025ean, ur eskasiak 1.800 milioi pertsonari eragingo dio, eta munduko populazioaren bi heren estres hidrikoan biziko dira. Beraz, edateko uraren baliabideak zorrotz kudeatzeko premia handia dago. Mintzak dituen ura tratatzeko sistemen bidez edateko ura ekoiztea nahiko merkea eta onbera da. Gaur egun 80 milioi m3 edateko ur ekoizten da mintzak erabiliz. Hala ere, mintzak erabiliz ura tratatzeko prozesuen eraginkortasuna larriki oztopa dezake mintzak zikintzea izenez ezagutzen den fenomeno batek. Horrela, tratatu beharreko uretan dagoen materia organikoa mintz porotsuen iragazkien gainazalean adsorbatzen da, eta, horren ondorioz, azaleko geruza bat metatzen da, mintzaren poroak gero eta gehiago ixten dituena, eta, beraz, edateko uraren ekoizpena izugarri murrizten duena. Fase goiztiar batean detektatuz gero, zikinkeria hori prozesuaren funtzionamendu-baldintza egokien bidez indargabetu daiteke. Hala ere, zikinkeria-geruza zurrun bat eratzen denean, kimikoki erasokorrak diren mintzak garbitzeko prozedurak erabili behar dira, dagokion ingurumen-inpaktu negatiboarekin. ESSENSek monitorizazio-gailu bat proposatzen du, zikinkeria detektatzeko dauden teknikak gainditzen dituena eta zikinkeriaren prebentzioa nahiz mintzen garbiketa-zikloak optimizatzea ahalbidetzen duena. Emaitza mintzak dituen uraren tratamendu-prozesu bat da, askoz eraginkorragoa eta iraunkorragoa, eta horrek edateko uraren ekoizpenaren kudeaketa oso hobetua ahalbidetzen du.