Euskal Herriko Unibertsitateak Baionako Bernat Etxepare Lizeoko ikasleak hartu ditu egun batez
Lehenengo argitaratze data: 2022/04/13
Baionako Bernat Etxepare Lizeoan batxilergo 1. mailan dauden ikasleak izan dira Gipuzkoako Campusean joan den ostegunean, apirilak 7.
Guztira 112 ikasle eta 5 irakasle izan ditugu Campus horretako ikastegiak bisitatzen. Aldez aurretik galde zitzaien ikasleei zein ikastegitan zuten interesa, eta horren arabera banatu dira ikasleak Campusean:
- 20 Ingeniaritza Eskolan
- 15 Arkitekturako Goi Eskolan
- 30 Psikologian
- 15 Enpresa eta Ekonomia Fakultatean
- 10 Zuzenbide Fakultatean
- 12 Hezkuntza, Filosofia eta Antropologia Fakultatean
- 10 Kimika Fakultatean
Ikastegi hauek guztiek egin zieten harrera ikasleei, eta bertan ikasteko dituzten aukeren berri eman zieten.
Ikasleak oso ondo hartu zuten jasotako informazio guztia, eta izandako begirunea.