Atzerriko unibertsitateetan eta goi-mailako zentroetan euskara irakasteko prestakuntza ikastaroa

Donostian, 2017ko urriaren 6tik azaroaren 25era

UPV/EHU-Etxepare

Euskal Herriko Unibertsitateak (Euskararen eta Etengabeko Prestakuntzaren arloko Errektoreordetzak), Etxepare Euskal Institutuarekin lankidetzan, atzerriko goi-mailako zentroetan euskara irakasteko irakurleei bideratutako prestakuntza ikastaroa eskainiko du.

Hasiera-hasieratik, euskara atzerriko hizkuntza gisa irakasten duten irakasle edo irakurleen prestakuntza osatzea izan dugu helburuetako bat. Prestakuntza irakurleek lekuan bertan dituzten berariazko premiak kontuan izanik diseinatu dugu eta atzerriko unibertsitateetan eta goi-mailako zentroetan, Etxepare Euskal Institutuarekin dituzten lankidetzen bidetik, gisa horretako lanpostuak bete nahi dituzten lizentziatuei edo graduatuei zuzendutakoa da.

Bi erakundeon artean sinatu dugu lankidetza-hitzarmenari esker prestakuntza hori proposamen zehatzen bidez gauzatu ahal izango dugu. Prestakuntza ikastaroa hainbat gairen ingurukoa izango da, hizkuntza, didaktika, metodologia, kultura nahiz zibilizazioa ardatz hartuta.

Ikastaroaren antolaketa eta zuzendaritza

Ikastaroa elkarrekin antolatu dute Euskal Herriko Unibertsitateko Euskararen eta Etengabeko Prestakuntzaren arloko Errektoreordetzak eta Etxepare Euskal Institutuak.

Zuzendaritza:

  • Mari Jose Olaziregi Alustiza (Euskal Herriko Unibertsitatea. Hizkuntzalaritza eta Euskal Ikasketak Saila).
  • Garbiñe Iztueta Goizueta (Etxepare Euskal Institutuko Euskara Sustatzeko eta Hedatzeko zuzendaria).

Helburuak

  • Lanerako estrategia eraginkorra proposatzea euskara atzerriko hizkuntza gisa ezagutu eta eskuratzearen inguruan.
  • Euskararen berezitasunak eta espezifikotasuna testuinguru elebakarretan edo/eta eleanitzetan.
  • Alderdi soziokulturaletan eta balioetan sakontzea, euskara bitarteko hartuta.
  • Atzerritarrei euskara irakasteko eta horiek euskara ikasteko prozesuetako trebetasunak eta gaitasunak optimizatzea IKTak eraginkortasunez erabiltzearen bidez.

Norentzat

Humanitateetako goi-mailako graduatuei eta lizentziatuei bideratutakoa izango da, betiere hizkuntza-eskakizunak betetzen badituzte (EGA edo legezko titulazio baliokidea izatea). Hala ere, lekurik bada, Giza Zientzietako 4. mailako ikasleak eta beste lizentzia edo graduetako graduatu eta lizentziatuak ere egin ahal izango dute ikastaroa.

Parte-hartzaileen gehieneko kopurua 40koa izango da. Gutxienekoa, berriz, 29 lagunekoa.

Ikastaroaren programa

Ikastaroaren lekua

Carlos Santamaría Zentroa: Irakaskuntza tailerra
Universidad del País Vasco / Euskal Herriko Unibertsitatea
Elhuyar Plaza, 2
20018 Donostia-San Sebastián

Iraupena eta Ordutegia

  • 2017ko urriaren 6tik azaroaren 25era.
  • Ostiraletan, 16:00etatik 20:20ra (20 minutuko atsedenarekin) eta Larunbatetan 9:00etatik 13:20ra (20 minutuko atsedenarekin)
  • Irakas-orduen kopurua: 56

Matrikularen zenbatekoa

Matrikularen zenbatekoa 350 eurokoa izango da eta gastu akademikoak eta material didaktikoa hartuko ditu barne.

Akreditazioa

Izen ematea ordainduta Etxepare Euskal Institutuak egindako bertaratze ziurtagiria eskuratu ahal izango da.

Gainera, ikastaro osagarrien ziurtagiria eskatu ahal izango zaio EHUri.

Bertaratzea ezinbestekoa izango da, eta ez bertaratzeen zenbatekoak ezingo du gainditu ikastaroaren iraupenaren % 15, ez bertaratzeko arrazoia edozein delarik ere.

Izen ematea

Matrikula on-line egin ahal izango da. Izena-emateko epea irekita mantenduko da irailaren 4tik urriaren 6ra arte (sartuta).

Ikastaroko parte-hartzaileak izen ematea (bankuko ordainagiri eta guzti) gauzatutako ordenari jarraiki hautatuko dira.

Matrikularen zenbatekoa ordaintzeko bankuko transferentzia egin beharko da ondorengo kontu korrontera:

  • KUTXABANK: ES41 2095 0292 9132 3900 1792
  • Kontzeptua: Izen-abizenak – EUSKARA IRAKASTEKO IKASTAROA.

Ikasturterako izen-ematea egiteko beharrezko dokumentazioa hurrengoa da:

  • Bankukot ransferentziaren ordainagiriaren kopia
  • NAN edo pasaportearen kopia
  • Unibertsitateko tituluaren kopia
  • EGA edo baliokidearen kopia

Dokumentazio guztia matrikula orriari erantsiko zaio pfd formatuan.

Matrikula egin ondoren ez da ordaindutako zenbaterik itzuliko, non eta plazak ez diren amaitu edo ikastaroa bertan behera geratu.

Informazio gehiago

UPV/EHU

ETXEPARE