EGOkITU UDA CAMPUSA

EKONOMIA ETA ENPRESA FAKULTATEA

Irudia

Uda ikastaro hauetan partaideek ekonomia, gizarte erantzukizuna, enpresa antolakuntza, ekintzailetza eta marketina bezalako jakintzak, gaitasunak eta trebetasunak jorratuko dituzte kasu analisi eta jokoaren bitartez.

HIZKUNTZA 

Saioak euskaraz izango dira nagusiki.

JARDUERAK

1. SAIOA: EKONOMIA TAILERRA

Ekonomia zirkularra, ekonomia sozial eta solidarioa, kontsumo arduratsua, eta bidezko merkataritza bezalako espiritu kritikoa pizten duten kontzeptu ekonomikoen inguruan hausnartuko dugu. Horretarako, tailer praktikoak burutuko ditugu, galdera-jokoak, role-playing eta antzeko dinamikak burutuz.

Ekonomia eredu desberdinei buruzko pelikula edota dokumental bat ikusteko aukera ere jasotzen da, ondorengo hausnarketa-eztabaida saio batekin.

2. SAIOA: ENPRESA EDO ERAKUNDE BATEAN BARNERATU

REAS EUSKADI sareko enpresa edo erakunde batera bisita: Ekonomia bere alderdi guztietan (ekoizpena, finantzaketa, merkataritza eta kontsumoa) bizitzaren iraunkortasunaren zerbitzura dagoen bitarteko gisa -eta ez amaiera gisa – aldarrikatzen duen enpresa baten ikuspegi eta praktikaren lanketa.

3. SAIOA: ENPRESA EKINTZAILETZA

BIC GIPUZKOAren enpresa habietara bisita eta enpresa berritzaileen sorrera prozesua ezagutu.

4. SAIOA: ENPRESA PROIEKTUAREN LANKETA

IGELDOKO PARKEra bisita eta enpresa proiektu berritzaile baten lanketa, CANVAS BUSINESS MODEL erabiliz.

5. SAIOA: EKONOMIA ETA ENPRESA FAKULTATEA, CAMPUSA ETA UNIBERTSITATEA EZAGUTU

Fakultatearen bisita eta bertan eskaintzen diren ikasketei buruzko tailerra ikuspegi ludiko batetik.

Campusaren eta Unibertsitatearen aurkezpena, gainerako EGOkITU taldeetako ikasleekin batera.