EGOkITU UDAKO CAMPUSA

GIPUZKOAKO INGENIARITZA ESKOLA

Irudia

Ingeniariek arazoak ebaztu eta irtenbideak bilatzen dituzte.  Arloaren arabera teknologia desberdinetan espezializatzen dira eta honen ondorioz ingeniaritzak adar anitz dauzka.

NORI ZUZENDUTA?

Gure bizitza hobetzeko ideiak erakartzen bazaitu, konponbide teknologiko eraginkorrak eta iraunkorrak garatuz eta aplikatuz, ikastaro honekin probatu beharko zenuke. Jan zure jakin-mina!

HIZKUNTZA

Ikastaroa elebiduna (euskeraz/gaztelaniaz) izango da. 

JARDUERAK:

  1. Bioplastikoak sukaldatzen. Jasangarritasunaren errezeta.
    Iraunkortasunak hondakin gutxi sortzea eta, gainera, berrerabili ahal izatea eskatzen du. Jarduera honetan, adibide praktiko baten bidez ikusiko dugu nola sor daitezkeen, hainbat hondakin erabiliz, elikagaiak ontziratzeko edo biomedikuntzan erabil daitezkeen film bioplastikoak. Jakingo dugu zer propietate izan behar dituzten eta nola amaitzen duten beren bizi-zikloa. Gainera, ProteinMat enpresak hainbat hondakin nola erabiltzen dituzten eta 3D inprimaketarako biotintak nola egiten dituzten azalduko digu.
  2. Street Scape
    Escape Room-ak gustuko dituzue? Hiri bat zeharkatzeko gai izango zinateke mapak eta sinboloak interpretatuz? Erantzuna baiezkoa bada, lurraldeak esploratzea eta taldean lan egitea proposatzen dizuegu, pistak aurkituz eta enigmak ebatziz.
  3. Elektrizitatea: etorkizuneko motorra.
    Argindarra nola sortzen den eta mugikortasun elektrikoan duen aplikazioa ezagutuko duzu. Eguzki-instalazio fotovoltaiko bat muntatuko dugu eta baita ere ibilgailu elektrikoetan erabiltzen diren makinen prototipoak.
  4. Uraren indarra
    Ura, planetako energia berriztagarrien iturri zaharrenetakoa da, ba al dakizu zergatik? Nola funtzionatzen du? Urarekin jolastuko dugu eta entsaioak egingo ditugu non guzti hau eta gehiago ikasiko duzun. Busti beldurrik gabe!!
  5. Automatikak egunero laguntzen digu
    Eguneroko bizitza Automatikaren aplikazioez beteta dago. Etxetik irten eta igogailu batean sartzen gara, makina batean freskagarri bat erosten dugu edo bakarrik aparkatzen duen auto bat ikusten dugu. Hori guztia Automatika da. Benetako adibideak automatizatzen ikasiko dugu, ordenagailu edo mugikor batetik funtzionatzen ikusi eta haiekin jolasten. Gainera, Michelineko langileen prestakuntzan errealitate birtuala/areagotua erabiltzeko lantzen ari garen proiektua bertatik bertara ezagutuko dugu.

 

Lekuak agortuta!!