Otsailaren 3tik 27ra, Euskal Herriko Unibertsitateko (EHU) Carlos Santamaría Zentroko Txillardegi aretoan, Donostian, ‘PosicionArte’ argazki-erakusketa ikusgai egongo da. Erakusketa Munduko Medikuak elkarteak antolatu du, EHUkultura Gipuzkoaren laguntzarekin.

Sarrera librea da. 

Munduko Medikuak elkartetik diote: “erakusketak sexu-esplotaziorako emakumeen eta neskatoen prostituzioa eta salerosketa genero-indarkeria direla eta egoera horretan dauden pertsonentzat ondorio fisiko, psikologiko eta sozial larriak dituztela agerian utzi nahi du. Munduko Medikuak erakundeak honela definitzen du prostituzioa: genero-desberdintasuneko harreman bat, emakumeen sexu-mendetasunaren rol tradizionalean eta botere handiagoa dutenek ahulagoak direnen esplotazioan oinarritua, non pertsona bat, arrazoi ekonomikoak, legalak, sozialak edo kulturalak direla medio, beste pertsona batzuei sexu-zerbitzuak ematera behartua dagoen diruaren edo bestelako kontraprestazioen truke. ‘PosicionArte’ Gaztela-Mantxan prostituzio-egoeran dauden edo egon diren eta Munduko Medikuak erakundearen laguntza jaso duten hamar emakumek protagonizatutako ahalduntze-prozesu baten ondoren sortu zen. Haien testigantzek eta sinbolismoz betetako argazkiek lagundu egiten digute bizi duten errealitateaz jabetzen eta genero-indarkeria mota horren normalizazioaren aurkako jarrera hartzen”.