Datorren urtean, 2024n, Gipuzkoako Artisten Elkartearen 75. urteurrena ospatuko da. Horren harira eta aurrerapen bezala, ‘Artearekin bat 1949tik’ izenburuarekin, bazkideen erakusketa kolektibo bat prestatu dute. Erakusketan olio-margoak, akrilikoak, urmargoak, teknika mistakoak eta grabatuak daude; 45 autorenak, gehiengoa, 35, Gipuzkoako Artisten Elkartearen bazkideak dira eta beste 10 Goierriko bi taldekoarenak: 5 BEAR taldearenak eta beste 5 Nahasi Artistikoa taldearenak.

Erakusketa EHUkultura Gipuzkoa programaren barruan antolatu da eta maiatzaren 4tik 31era bitartean egongo da zabalik, UPV/EHUko Carlos Santamaria Zentroko Txillardegi aretoan, Donostian.

Sarrera librea da.

Carlos Santamaria zentroko Txillardegi aretoa sorkuntzarako gune nagusietako bat dugu Gipuzkoako Campusean. Ikasturtean zehar margolaritza, ilustrazioa, eskultura, diseinu grafikoa, argazkilaritza eta arte plastikoen erakusketak biltzen ditu, gehienez hilabete bateko iraupenezkoak eta asmo komertzialik gabekoak direnak. Unibertsitate ekoizpenak eta ehualumni-koak hobesten dira, baita bertako artista eta erakundeekiko elkarlanak ere. 

Neguko ordutegia: astelehenetik ostiralera 8:00-20:30.  

Eguberri eta Aste Santuko ordutegia: astelehenetik ostiralera 8:00-20:30 (abenduak 24, 25, 31 eta urtarrilak 1 eta 6 izan ezik). 

Udako ordutegia (uztailaren 9tik irailaren 9a arte): astelehenetik ostiralera 8:00-14:30.