IKASGAIAREN DESKRIBAPENA

Ikasgai honek Ekologiaren, jasangarritasunaren eta lurraldearen zein inguru naturalaren energia eta ingurugiro errekurtsoen kontserbaziorako eta beren eraldaketetarako jakintza egokia ezarriko du. Ikasleari sarbide emango zaio paisaien, ekosistemen eta hauetan eragindako eraldaketek ekarri dituzten ondorioen analisian.

Lurraldearen aldagai fisiko eta paisaiarekikoak aztertzen eta irudikatzen eta hauek osatzen dituzten ekosistemak eta beraietan lurralde eta hiri mailan eragindako alterazioak aztertzen eta irudikatzen ikasiko da.

Honetarako ondorengoak lortu beharko dira:

- Kartografia, argazkilaritza eta estatistika mailako tresnak interpretatzen jakitea.

- Lurralde eta hiri ingurua osatzen duten elementu egituratzaileak bereiztea.

- Ingurugiroan eta paisaian alterazioak emateko irizpideak ezartzea.

GAITASUNAK

Irakasgaia M03, Oinarrizko Proiektu-moduluari dagokio: Planaren Konposizioa, Proiektuak eta Hirigintza izenekoa, Arkitekturako Oinarrien Graduko Ikasketa Planekoa. Irakasgaiari lotutako modulu honen konpetentzia espezifikoa honako hau da:

CM04 - Mendebaldeko kulturaren arkitektura-, hirigintza- eta paisaia-tradizioen ezagutza egokia, bai eta horien oinarri tekniko, klimatiko, ekonomiko, sozial eta ideologikoena ere, bai eta hiriko soziologia, teoria, ekonomia eta historiarena ere;



IRAKASGAIAREN GAITASUN ESPEZIFIKOAK

Ingurune fisikoaren zientziak ulertzea

Ekologiaren eta IRAUNKORTASUNAREN ulermena

- Ekologiaren, iraunkortasunaren eta baliabideen eta ingurumenaren kontserbazioaren oinarrizko printzipioak Eraikuntzari, Hirigintzari eta Paisajismoari aplikatutakoak.

- Ingurune fisikoaren eta gizarte-ingurunearen arteko harremanak

Prozedurekin lotutako gaitasunei dagokienean, honako hauen trebatzea bultzatuko da:

- Datuak biltzeko eta aztertzeko oinarrizko metodoak erabiltzeko gaitasuna, plangintza- eta diseinu-prozesuaren alderdi guztien oinarri gisa.

- Irudikapen-teknika egokiak erabili ahal izateko trebetasun grafikoak garatzea, teknologia informatikoak barne, plangintza- eta diseinu-prozesuaren fase bakoitzean funtsezkoak diren elementu formalak transmititzeko.



IRAKASGAIA IKASTEAREN EMAITZAK

Irakasgai honek lurraldearen inguruko ezagutza eskuratzea bultzatuko du, lurraldea izaten hirigintzako jardueraren, lurralde-antolamenduaren, ekologiaren, iraunkortasunaren eta energia- eta ingurumen-baliabideak kontserbatzeko jardueren euskarri fisikoa.

Era berean, lurraldeko aldagai fisikoak eta paisaia-aldagaiak aztertzen eta irudikatzen ikasiko da, bai eta hura osatzen duten ekosistemak eta lurralde- eta hiri-aldaketek eragindako aldaketak ere.

Horretarako, honako trebetasunak jorratuko dira:

- Tresna kartografikoak, fotografikoak eta estatistikoak interpretatzen.

- Hiri-espazioaren eta lurraldearen egitura-elementuak bereizten.

- Ingurumenean- eta paisaian aldaketen irizpideak ezartzen.

EDUKIN TEORIKOAK



1. GAIA. Lurraldea eta hiria irudikatzeko eta aztertzeko tresnak. Iturri kartografikoak, Kartografia, Geografia Informazio Sistema (GIS)

2. GAIA. Gizakiaren paisaia: lurraldearen eraikitzea. Lurralde-antolamendua, arkitektura eta hirigintza

3. GAIA. Hiria eta hiritartze prozesua

4. GAIA. Marko fisikoa eta geografikoa hirien eraketa eta garapen prozesuetan Retocar el tema de morfología, emplazamiento etc.

5. GAIA. Hiritartzearen erronkak, arazoak, egin beharreko hausnarketak, Ekologia, jasangarritasuna



EDUKIN PRAKTIKOAK

Kurtsoan zehar hiru lan praktiko egingo dira, banakako eta taldeko partea izango dituztenak. Ikasitako edukinak eta lortutako gaitasunak eta tresnak aplikatuz, espazioarekiko hurbilketa analitikoa eta progresiboa (3 eskalatan, eskualde mailatik hiri mailara) burutuko dute. Emaitza grafiko, kartografiko eta txostenez bidez aztertutako esparruen analisien ondorioak erakutsiko dituzte.

Irakasgaia klase magistralak eta ikasgelako lan praktikoak konbinatuz garatzen da. Lehenengoak, gehienez ordubetekoak, proiekzioekin edo arbelean marraztutako eskemekin emango dira. Erabilitako irakaskuntza-materiala Egela-ko plataforman esekiko da eta ikasleek hartu beharreko gaien azalpenen apunteekin azterketarako ikasmateriala osatuko du.

Gelan egiten diren ariketek lotura estua izango dute astero ikusten ari den teoriarekin. Gehienak taldeka eta ikasteko metodologia aktiboak erabiliz garatuko dira, lankidetzako lana eta ikasleen autonomia sustatzeko helburuarekin. Era berean, irakasgaian egiten diren jardueren etengabeko jarraipena egingo da.

Eskola-orduetatik kanpo egiten diren praktikak luzeagoak izango dira eta 2-3 ikasleko taldeetan egingo dira. Astero lanen jarraipena egingo da horretarako aurreikusitako tailerretan.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 30
  • Banakako lanak (%): 35
  • alde lanak (arazoen ebazpenak, proiektuen diseinuak) (%): 35

EBALUATZEKO TRESNAK: Ikaslearen ebaluazioa jarraitua da, bi proba motatan oinarrituta: azterketa idatzia eta lan praktikoak (bai banakakoak bai taldekakoak). Azterketa idatzi bat egongo da urtarrilean eta beste bat ekainean, eskolako zuzendaritzak zehaztutako egunetan. Azterketa lauzpabost galderakoa izango da. Halaber, hiru lan praktiko egongo dira, taldekakoak zein banakakoak. Horrela, ebaluazioa ez da soilik batutzailea: formatiboa ere bada, ariketa praktikoen emaitzen arabera moldatu edo indartu daitekeelako.



EBALUATZEKO IRIZPIDEAK: Azterketan ikasleen adierazpen-gaitasuna baloratuko da, baita ideien antolaketarako, analisirako eta sintesirako gaitasunak ere. Ariketa praktikoetan, gainera, sorkuntzarako gaitasuna ere baloratuko da. Ariketa praktikoei garrantzi handiagoa emango zaie azken batezbestekoan. Azterketa teorikoa egin ahal izateko, ariketa praktiko guztiak egitea ezinbestekoa da. Batezbestekoa egin ahal izateko, bai teoria bai praktika gainditu beharko da. Hala ere, gainditzen den zatiaren nota, zati teorikoarena zein praktikoarena, ikasturte bereko ekaineko deialdirako gordeko da. Ahal den heinean, bi irakasleek ebaluatuko dituzte ikasle guztiak, bereziki, zalantzazko kasuei dagokienean.



BALORAZIO EHUNEKOAK: Azterketa teorikoak nota osoaren % 30 balioko du, eta, ariketa praktikoek % 70.

IKASLEEK BA DUTE DEIALDIARI UKO EGITEKO ESKUBIDEA. Baina, horretarako, deialdiari uko egin nahi dioten ikasleek irakasgaiaren irakaskuntza aldia bukatu baino, gutxienez, hilabete lehenago egin beharko dute eskaria. Eskari hori idatziz aurkeztu beharko zaio irakasgaiaren ardura duen irakasleari.

Aparteko egoera gertatuko balitz eta, ondorioz, ebaluazio presentziala egiteko aukera egon ezean:

- Ebaluazio tresnak, irizpideak eta noten portzentaiak berdin mantenduko lirateke.

- Lan praktikoak jasoko lirateke plataforma edo baliabide informatikoen bidez. Haien ebaluazioak egiteko talde eta banakako bideokonferentziak ere erabiliko lirateke, ikasleei emateko lanak aurkezteko et defendatzeko aukera.

- Azterketa teorikoa egiteko ahozko froga burutuko litzateke, bidekonferentziaren bidez, Eskolak ezartzen dituen eguna errespetatuz.

Unibertsitateko erregelamendua betetzeko azken azterketa baten aukera egongo da, izaera teoriko praktikoa izango du eta kurtsoan zehar garatu diren lanen antzerakoa izango da.

Oinarrizko bibliografia

- FARIÑA, J. (2007), La ciudad y el medio natural, Akal, Madrid.

- FERNANDEZ DE BETOÑO U. (2010). Hirigintzaren oinarriak. UPV/EHU

Gehiago sakontzeko bibliografia

- CLEMENT G. (2007). Manifiesto del tercer paisaje. Barcelona: Gustavo Gili
- MUMFORD, L. La ciudad en la historia: sus orígenes, transformaciones y perspectivas. Logroño: Pepitas de calabaza.
- ORIOL BOHIGAS (2006) “Contra la incontinencia urbana” Editorial Gustavo Gili, S.A. Barcelona

Aldizkariak

- "Aldiri. Arkitektura eta abar". Udako Euskal Unibertsitatea, Bilbo. ISSN 1889-7185
- "El Ecologista". Ecologistas en Acción, Madril. ISSN 1575-2712
- "Lurralde. Investigación y espacio". INGEBA, Donostia. ISSN 0211-5891
- "Urban". Universidad Politécnica de Madrid, Madril. ISSN 1138-0810

Web helbideak

- El blog de fariña (https://elblogdefarina.blogspot.com/)
- Biblioteca CF+S, Ciudades para un futuro más sostenible (http://habitat.aq.upm.es/)
- Geoeuskadi (https://www.geo.euskadi.eus/inicio)