Ikasgai hau Arkitekturaren Oinarrietako Graduaren 3. mailan kokatzen da.

Arkitektura graduko oinarrietan ezarritako gaitasunen arabera, ikaslearentzat hirigintza ikasturte hau hirigintza araudi arloarekiko sarrera izango da. Ikasleak hiri proiektuaren eskalan hirigintza legediak aurreikusten dituen baliabideetara hurbiltzea izango da helburua.

Ikasleak, Plan Partzialaren eskala xehakatuan planeamendua prestatzeko eta hiria antolatzeko tresna legal eta tekniken ezagutza aurreratua ematea eta hauek egoki erabilaraztea da ikasgaiko helburu nagusia.

Horrela, ikasgaia honek hurrengoen ezagutza egokia ezarriko du: egungo hirigintza prozesuen azterketa eta plangintza xehekatuaren metodologien aplikazioa ezagutzea; egungo hazkunde eta hiri garapen prozesuen ezagutza eta hausnarketa; hiri proiektuen tekniken erabiltzearen ezagutza eta hiri paisaia eta sistemaren pertzeptzio era (kontzeptuala, egiturazkoa, bisuala, zenbakizkoena),; egungo hiriak proposatzen dituen erronken hausnarketa.

Ikasgaiaren helburua jarraian aipatzen diran gaitasunak garatzea da:

- Hirigintza, plangintza eta plagintza prozesuan aplikatzen diren tekniken ezaguzta egokia.

- Zibil, hirigintza eta administratibo legediaren ezagutza.

- b.19. hirigintza metodologien ulermena

- b.28. legediaren oinarriak

- Eskala xehakatuko eta xehetasun eskalako metodologiak aplikatzeko gaitasuna

- Hiri proiektu baten aisigune eta hiri paisaia hirigintza plan bezala garatzeko behar diren tekniken garapena lortu.

Lauhilabete honen zehar kontzeptu hauek esplikatzeko hurrengo klase teorikoak zehaztu daitezke, jarraiean proposatzen diren tituluekin:



1. Irakasgaiaren sarrera eta Lurzoruaren legea. Eskubideak eta betebeharrak.

2. Planeamendu irudiak eskalaren arabera. Hierarkia. Lurralde antolaketa.

3. Hirigintza antolamenduaren eboluzioa.

4. Hiri-plangintza EAE-n eta Nafarroan: plan egituratzaileak eta garapen-planak

5. Antolamendu xehatua eta hiri proiektuarekin duen zerikusia

6 Lurzoruaren jabaria eta erabilerak plangintza xehatuan

7. Plan partziala, hiri lurzoru berrien garapen tresna.

8. Forma partzelatuak eta eraikin tipoak. bizitegi-tipologiak

9. Forma partzelatuak eta eraikin tipoak. industria- eta merkataritza-espazioak. jarduera ekonomikoa hirian.

10. Hirigintza-parametroak eta antolamendu xehatua



Oinarrizko klase teoriko guztien ezagutza ariketa praktikoekin osatuko dira.

Ikasgaiko gaitasunak lortzeko klase teorikoak emango dira non oinarrizko ezagutza kontzeptuak esplikatzen diren.

Klase teorikoetan esplikatutako kontzeptuak praktikan jarriko dira ariketa mota ezberdinen bitartez: klaseko praktikak eta hirigintza lantegiko praktikak.

-hirigintza lantegiko praktika, hirigintza klasean proposatuko den praktika izango da eta irakasleekin batera lantegiko orduetan landuko dena izango da.

-klaseko praktika, klase teoriko gaien inguruan proposatuko diren ariketa zehatzak eta motzak izango dira

Praktika batzuk banakakoak izango dira eta beste batzuk taldeka egingo dira.

Zenbait ariketa klasean aurkeztu beharko dira, jendeaurrean adierazteko gaitasuna landu ahal izateko.

Zalantzak argitzeko klasean zein tutoretza orduetan aukera izango da.

Klase teorikoak, lantegiko praktikak edo klaseko praktikak presentzialak edo ez-presentzialak izan daitezke. Tutoretzak ere aurrez aurrekoak edo aurrez aurrekoak izan daitezke. Eskolak eta tutoretza ez-presentzialak online garatuko dira, irakasleek egokitzat jotzen dituzten tresnen bidez.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 25
  • Praktikak egitea (ariketak, kasuak edo buruketak) (%): 25
  • alde lanak (arazoen ebazpenak, proiektuen diseinuak) (%): 50

Azterketa finala notaren %25-a balioko du.

Nahitaezkoa izango da gutxienez 5 ateratzea azterketan praktikekin batez bestekoa egiteko.

Ez da azterketa partzialik egingo.

Praktika guztiek notaren %75-a balioko dute. Praktika mota ezberdinek hurrengo balioa izango dute:

-hirigintza lantegiko praktikak %50

-klaseko praktika, %25

Nahitaezkoa izango da praktika talde bakoitza gainditzea praktiketan batez bestekoa egin ahal izateko.

Praktiken entrega egunak argi adieraziko dira kurtsoko egutegian eta baita praktiken enuntziatuan ere.

Entrega egunak errespetatu egin behar dira. Atzerapenarekin ematen diren praktikak penalizazioa izango dute (penalizazioa %25 izango da).

Ebaluaziorako klaseetan ikasleen parte hartzea aintzat hartuko da zalantzak edo iradokizunak planteatuz.

Justikatutako arrazoi batengatik etengabeko ebaluazioa izaterik ez duen ikasleak azken ebaluaketa batetarako eskubidea izango du, non kurtsoan zehar eskatu diren lanak aurkezteaz gain, azken froga idatzi bat egingo duen. Horrelako egoerak kurtsoko lehenengo 9 asteetan zehar jakinarazi beharko zaizkie irakasleei idatziz.

Lanen bat egin arren "ez aurkeztu" gisa agertu nahi duen ikasleak idatziz jakinaraziko dio irakasleari, gutxienez azterketaren data ofiziala baino astebete lehenago.

Ikastaroa modu birtualean egin behar bada eta ikasleren batek irakaskuntza ez-presentziala jarraitzeko baliabide egokirik ez badu, ahalik eta lasterren jakinarazi beharko du, irakasleek lan-plana doitu ahal izan dezaten.

Ikasgaia, proposatutako programaren barruan, egin duten ikasleek eta hau gainditu ez dutenek irakasle arduradunarekin hitzegin beharko dute deialdi ez ohikoa nola gainditu jakiteko.

Ikasgaia, proposatutako programaren barruan, egin ez duten ikasleek ikasgaiko arduradunarekin hitzegin beharko dute ikaslea nola izango den ebaluatua eta zeintzuk diren eskatuko zaizkion lanak zehaztu ahal izateko.

Euskal Autonomi Erkidegoko plangintza eta hirigintza araudia
- 4/1990 Legea, maiatzaren 31koa, Euskal Herriko Lurralde Antolakuntzari buruzkoa, EHAA, 131, 5988-6006.
- EAEko Administrazioa (2006): "2/2006 LEGEA, ekainaren 30ekoa, lurzoruari eta hirigintzari buruzkoa", EHAA, 138, 15.396-15.570.
- EAEko Administrazioa (2008): "11/2008 LEGEA, azaroaren 28koa, Hirigintza-jarduerez sortutako gainbalioetan erkidegoak izan behar duen parte-hartzea aldatzekoa", EHAA, 238, 30.433-30.436.
- EAEko Administrazioa (2008): "105/2008 DEKRETUA, ekainaren 3koa, Lurzoruari eta Hirigintzari buruzko ekainaren 30eko 2/2006 Legea garatzen duten premiazko neurriei buruzkoa", EHAA, 118.
- EAEko Administrazioa (2012): "123/2012 DEKRETUA, uztailaren 3koa, hirigintzako estandarrei buruzkoa", EHAA, 143.

Estatuko lurzoru araudia
- Espainiako Administrazioa (2008): "2/2008 DEKRETUA, ekainaren 20koa, lurzoru-legearen testu bateginarena", BOE, 154.
- Espainiako Administrazioa (1978): "3288/1978 DEKRETUA, abuztuaren 25ekoa, Hirigintza Kudeaketaren Erregelamenduarena", BOE, 27, 2.451-2.464.

Oinarrizko bibliografia

- GATÓN PÉREZ DE ALBÉNIZ, Javier, Instrumentos de Planeamiento de la CAPV: apuntes genéricos, IVAP, Oñati, 2002

- ESTEBAN NOGUERA, J. (2011): La ordenación urbanística: conceptos, herramientas y prácticas, Edicions UPC, Bartzelona. [1. argit. UPC Postgrau bild. ISBN: 978-84-7653-585-1]

- GARCÍA MAZA, R.B; IZETA BERAETXE, J.I. (2011): Manual básico de derecho urbanístico vasco, IVAP, Oñati. [1. argit. ISBN: 978-84-7777-377-1]

- PIZARRO ASENJO, J.A. (2011): Hirigintza Zuzenbidea: hastapenak, EHU, Bilbo. [1. argit. ISBN: 978-84-9860-565-5]

- TEJERINA GONZÁLEZ, J.I. (2010): Manual de ejecución urbanística, IVAP, Oñati. [1. argit. ISBN: 978-84-7777-363-4]

Web helbideak

-Euskal Autonomi Erdidegoko, Ingurumen eta lurralde politika saila, http://www.ingurumena.ejgv.euskadi.net/r49-home/eu/
-Euskal HErriko Agintzaritzaren Aldizkari Ofiziala, http://www.lehendakaritza.ejgv.euskadi.net/r48-bopv2/eu/bopv2/datos/Azkena.shtml
-Gipuzkoako katastro ataria, http://www4.gipuzkoa.net/ogasuna/catastro/presenta.asp
-Gipuzkoako kartografi ataria, http://b5m.gipuzkoa.net/web5000/
-Gipuzkoako ingurumen ataria, http://www4.gipuzkoa.net/MedioAmbiente/gipuzkoaingurumena/eu/home.asp
-Gipuzkoako Aldizkari Ofiziala, https://ssl4.gipuzkoa.net/boletin/asp/index.asp
-Udalplan, Eusko Jaularitzak indarrean dagoen planeamendua ikusi daitekeen aplikazioa da, http://www.geo.euskadi.net/udalplan/visor/viewer.htm