nireEHU Marketinaren xedea da erakundeen eta haien merkatuen arteko merkataritza harremana aztertu eta hainbat arloz arduratzea: salmenta, publizitatea, merkatuen ikerketa, prezioak, produktuen garapena eta bezeroekiko harremanak. Aurrerapen teknologikoek eta globalizazioak goitik behera aldatu dute esparru hau. Bezero eta kontsumitzaile aktibo eta boteredun bihurtu garenez, gero eta garrantzitsuagoa da enpresentzat eta erakundeentzat marketineko profesionalen laguntza, lehiakideengandik bereizteko eta lehiakorragoak izateko.
Marketineko Graduaren helburua da profesionalak trebatzea, gai izan daitezen marketinean eta merkatuen ikerketan aritzeko, egungo munduan ditugun erronka berri eta zirraragarriei aurre egiteko. Marketinaren diziplinartekotasunaz jabetzeko aukera izango duzu, hainbat alorretara zabaltzen dena: enpresa, ekonomia, soziologia, psikologia eta zuzenbidea.
Gainera, borondatezko kanpoko praktiken bidez, harreman zuzenak egingo dituzu etorkizunean zure lantoki izan ahalko diren enpresa eta antolakuntzekin.
Ezagutza arloa
Gizarte eta Lege Zientziak
Ikastegia
Ekonomia eta Enpresa Fakultatea
Campusa
Bizkaia
Harremanetarako
Iraupena
4 ikasturte
Kreditu kopurua
240 ECTS kreditu
Hizkuntzak
Euskara, Gaztelania, Ingelesa
Irakaskuntza mota
Ikasgelako gradua
Kredituaren prezioa 1. matrikulan
13,72 €
Gutxieneko nota
8,211 ohiko deialdian (2023/24)
Eskainitako plazak
60 plaza
4 arrazoi gradu hau aukeratzeko
- Negozioen ikuspegi orokorra izango duzu eta ikasiko duzu alor guztietako enpresetan estrategia eraginkorrak diseinatzen.
- Egungo premietara egokitutako edukiekin osatutako ikasketa plana beteko duzu: produktu eta prezio erabakiak, merkataritza komunikazioa, berrikuntza…
- Hasiera eman ahal izango diozu ibilbide profesionalari erakunde ezberdinetan kanpoko praktikak eginez, ikasitakoa bertan aplikatuta.
- Hezkuntza osatzeko aukera izango duzu Europa, Kanada, AEB, Asia eta besteko unibertsitateetan egonaldiak eginez.
Sarrera-profila
Pertsona sortzailea bazara, analisirako gaitasuna baduzu, komunikaziorako gizarte trebetasunak, teknologia berriak atsegin badituzu, eta taldean lan egitea eta atzerriko hizkuntzak interesatzen bazaizkizu, Marketineko Gradua da zure lekua.
Irteera profesionalak
Enpresen eta erakundeen marketin, komunikazio eta salmenta sailetan:
- Merkataritza kudeaketa
- Marketina eta publizitatea
- Merkatuen Ikerketa
- Banka
- Merkataritza banaketa eta salmentak
- Bezeroaren arreta
- Aholkularitza