Farmazia Praktiko Asistentziala

Gure inguruan, aurrerapen ekonomiko eta soziala bizi-itxaropenean islatzen da; luzaroago bizi gara eta, horrekin batera, handitu egin da osasun zerbitzu publikoen eskaria.  Farmazia Komunitarioaren eraldaketa soziala ekarri du horrek, eta aldatu egin da farmazialarien paradigma; sendagaietan zentratuta egotetik, pazienteen beharrizanei arreta jartzera igaro da, osasun farmaziarako bidea eginda.

Osasun farmazia gako izango da osasun laguntzan eta osasunaren kudeaketan. Hartara, osasuna zaintzera bideratutako zerbitzuek onura sozial, kliniko eta ekonomikoa eragin behar dute; farmazia zerbitzu profesionalak ezarriz, eta Farmazia Komunitarioan eredu asistentzial publikoa eta sendagaien erabilera arrazionala babestuz.

Titulu hau osasun farmazian espezializatzeko bide gisa aurkezten da, eta  arreta farmazeutikoko zerbitzuak era arduratsu eta eraginkorrean emateko ezagutzak, trebetasuna, motibazioa, konfiantza eta gaitasunak eskuratzeko aukera emango die farmazialariei. Eskuratutako gaitasunei esker, jendarteak sendagaien erabileran eta osasun laguntzan dituen beharrizan berrietara egokitu ahal izango dira ikasleak.