Euskarazko kultura digitala sustatu eta ezagutaraztea da XARE proiektuaren helburu nagusia. Atzo, zazpi zentrotako  (Easo Politeknikoa LHI, Nazaret Zentroa, IES Zubiri-Manteo eta Zubiri-Mateo Zikloa, Elizaran ikastetxea, Ekintza ikastola eta Antigua-Luberri BHI) batxilergoko lehenengo mailako 487 ikaslek bisitatu zuten Informatika Fakultatea. Zortzi lan praktiko eskaini zitzaizkien laborategi desberdinetan:

• Musika sortu, nahastu eta zabaltzeko aplikazioak.
• Bideomappinga: errealitatea areagotu objektuen proiekzioak geometriara doituz.
• AppInventor: Android mugikorretarako aplikazioak sortzeko zerbitzua.
• Errealitate birtualera hurbildu.
• Harremanak 3.0: emaidazu ‘like’ bat.
• Arduino: elektronika interaktiboaren munduan hasteko.
• 3D inprimagailuak: objektuak diseinatu eta modelatu.
• Raspberry Pi: plaka-ordenagailu txiki eta merkeak.

Gainera, fakultateko irakasle eta ikertzaile den Olatz Arbelaitzek "e-makumeak: ezinbestekoak teknologia bidezkoa izan dadin" hitzaldia eman zuen.

Informazio gehiago: DV, Hirutxulo, Hamaika Tb