Unibertsitatea enpresa

UPV/EHU-k eta Informatika Fakultateak hainbat lan-modulo dituzte enpresa-munduarekin erlazionatzeko. Gure inguruko enpresa askok parte hartzen dute erlazio hauetan: hasita ezagunagoak diren enpresa eta zentro teknologiko handiagoetatik, eta bukatuz Fakultatetik sortu diren spin-off enpresa gazteetara. Gutxi batzuk aipatzeagatik (eskerrak ere aipatuak izan ez direnei) hor ditugu CAF Signalling, CEIT, Europhelp Consulting, Iberdrola, Ibermática, Indar, Orona, Tecnalia, Vicomtech...

Hurrengo lerroetan zerrendatu ditugu enpresek Fakultatearekin eta gure ikaslegoarekin erlazionatzeko dituzten erak:

Gainera, hainbat enpresa-gela lankidetza akordio sinatuak ditu Fakultateak:

 

Enpresa-gela: EUROHELP

Eurohelp-ekin sinatutako enpresa-gela hitzamenari esker ikasleak bere ibilbide profesionala hasi dezake informatika ingeniaritzako ikasketekin jarraitzen duen bitartean. Ibilbide horretan ikasleak formakuntza espezifikoa jaso, praktikak egin eta gradu amaierako lana burutu ditzake enpresan. Proiektu berritzailetan parte hartu nahi baduzu, Java, Blockchain, ikasketa autonomoko teknikak, etab ikasiz, jar zaitez gurekin harremanetan: rrhh@euro-help.es

 

Enpresa-gela: Bcam

Basque Center for Applied Mathematics – BCAM erakundearekin sinatutako hitzarmenari esker, UPV/EHUko Informatika Fakultateko ikasleek zuzenean ezagut dezakete nazioarteko bikaintasuneko ikerketa-zentro baten lana, eta ikerketa-mundu zirraragarrian hasi, kultura eta diziplina anitzeko ingurunean, beren graduko edo masterreko ikasketekin bateragarri eginez. BCAM Euskal Herriko bikaintasun ikerguneko (BERC) kide da, eta Severo Ochoa bikaintasun-zentro gisa aitortuta dago estatuan. Akreditazio horrek mundu mailan onenetakoa dela aitortzen du. BCAMek 100 ikertzaile baino gehiago ditu, eta nazioarteko harreman sare zabala, baita prestakuntza eskaintza zabala ere. Ikasleek fakultateko ikasgelan praktikak egiteko aukera dute, eta gradu/master amaierako lana Data Science eta Inteligentzia Artifizialean aditu diren ikertzaileekin batera egin dezakete, baita beste arlo batzuetan ere; izan ere, BCAMek diziplina anitzeko ikertzaile-talde bat du beste arlo batzuetan, hala nola, Biomedikuntzan Aplikatutako Matematika, Neurozientziak, Materialen Zientziak, Fluidodinamika...

Machine Learning, Estatistika Aplikatua eta Optimizazio Heuristikoa alorretan lan egiten dugu, hainbat sektoretan dauden arazoei aplikatuta, hala nola finantzetan, osasunean (diagnostikoa eta pronostikoa), energian eta fabrikazio aurreratuan, besteak beste. Ikaslea bazara eta BCAMeko praktika-programan parte hartu nahi baduzu, jar zaitez gurekin harremanetan (recruitment@bcamath.org) edo kontsultatu webgunea:  http://www.bcamath.org/en/research/internships  

Enpresa-gela: Innovae

Innovaerekin sinatu dugun enpresa-gela hitzarmenari esker, ikasleek errealitate areagotuaren eta birtualaren sektorera bideratu ahalko dute beraien karrera profesionala, eremu berri eta liluragarri horretan curriculumetik kanpoko praktikak edota gradu amaierako lana eginda.

Innovae enpresa liderra da ingurune industrialerako errealitate areagotuko eta birtualeko soluzioen garapenean, eta 16 urte baino gehiagoko esperientzia dauka hainbat sektoretan teknologia horiek dituzten proiektuak ezartzen. Bere sistemak erakundeetako eremu kritikoetan eraginkortasuna hobetzeko eginak daude; besteak beste, prestakuntza, mantentze lanak eta prozesuen kontrola. Bere errealitate areagotuko eta birtualeko soluzioak prozesu gidatuetan, Digital Twin teknologian, telelaguntzan eta murgiltze esperientzietan oinarritzen dira, eta, horiei esker, enpresek euren lan indarra sendotu, profesionalen trebakuntza optimizatu eta fabrikazio prozesuen eraginkortasuna areagotu dezakete.

Innovaek ikasleei errealitate areagotuko eta birtualeko teknologiak hurbiltzeko eta 4.0 Industriaren testuinguruan talentu gazteen prestakuntzan era aktiboan laguntzeko duen konpromisoagatik izan da posible hitzarmena egitea. Prestakuntzaz gain, Eywa Space inkubagailuaren bitartez, Innovaek era aktiboan sustatzen du ekintzailetza, bai eta enpresa berriak sortzea ere. Eywa Spacek aukera ematen du errealitate areagotuarekin eta birtualarekin lotutako negozio ideiak enpresa arrakastatsu bihurtzeko. Horretarako, ekintzailetzak dakartzan arriskuak murrizteko diseinatutako metodologia aplikatzen du. Halaber, mentoringa ez ezik, negozio plana garatu ahal izateko laguntza teknologikoa eta finantza laguntza eskaintzen ditu Eywa Spacek.

Ikaslea bazara, 4.0 Industriako proiektu errealetan parte hartu nahi baduzu errealitate areagotuaren eta birtualaren sektoreko profesional onenekin eta zure karrera profesionala sektore berritzaile eta baliotsu batera bideratu nahi baduzu, jarri gurekin harremanetan helbide elektroniko honen bitartez: rrhh@innovae.eu

Enpresa-gela: Sherpa.ai

Sherpa.ai, Bilbon eta Silicon Valley egoitza duena, Adimen Artifizialeko zerbitzuen konpainia liderra da. UPV/EHUko Informatika Fakultatea eta Sherpa.ai-ren arteko hitzarmenari esker, espero dugu ikasleei erakutsi ahal izatea adimen artifizialak enpresetan duen potentziala eta benetako aplikazioa, eta berrikuntza funtsezko pieza dela teknologiaren garapenean. Sherpa.airen produktuen artean, erabiltzailearen testuingurutik ikasten duen eta eskatu aurretik bere beharrei aurrea hartzeko gai den elkarrizketarako Laguntzaile Digitala nabarmentzen da. Google, Amazon, Microsoft eta IBM enpresekin batera, adimen artifizialeko 10 enpresa garrantzitsuenetakotzat jo dute Sherpa.ai.

2019an Tom Gruber Siri-ko sortzailea eta teknologia buru ohia sartu zen taldean, eta 2020an Joanna Hoffman marketin exekutiboa gehitu zen, Applen Marketin zuzendaria izan zena. Sherpa.airen Adimen artifizialaren teknologia hainbat produktutan integratzeko diseinatuta dago, hala nola automobiletan, entzungailu adimendunetan, etxeko bozgorailuetan edo etxetresna elektrikoetan.

Sherpa.aik akordioak ditu Porsche eta Samsung konpainiekin, besteak beste. Sherpa.ai-k mugikorrak eta tabletetarako doako aplikazioak ere baditu. Sherpa.ai-n hazten ari gara eta talenturik onena bilatzen dugu gure taldearekin bat egiteko. Gurekin lan egin nahi baduzu, gure enpresari balioa eman diezaiokezula uste baduzu edo hemen deskribatutako profilen bat betetzen baduzu, pozik hartuko dugu zure curriculuma helbide honetan: jobs@sherpa.ai

Enpresa-gela: Multiverse Computing

Multiverse Computing Donostian egoitza duen enpresa da, eta Toronto filiala. Konputazio kuantikoa eta adimen artifiziala konbinatuz abantaila bat lortu nahi duten finantza-industriako enpresentzako software hipereraginkorra eskaintzen du. Nazioartean ospe handia duen aditu-talde batek osatua, problema finantzario eta makroekonomikoetarako ikuspegi berritzaileak dituena. Ikerketak eremu horretan duen garrantziaz jabetuta, Multiverse taldeak teknologia kuantikoei eta “quantum-Inspired” finantzei buruzko artikulu zientifiko ugari argitaratu ditu, gaur egun munduko irakurrienak eta erreferentziatuenak direnak. Multiverse Computing-ek bazkide teknologiko onenekin egiten du lan: IBM, MICROSOFT, FUJITSU, XANADU, D-Wave, NTT, Riguetti, Pasqal eta AMAZON AWS. Bere jardun-eremuak, konputazio kuantikoaren optikatik edo kuantikan inspiratuta, optimizazio, sailkapen, laginketa edo ikaskuntza automatikoko problema trataezinak barne hartzen ditu.