Mujer a lo largo de los siglos: una mirada histórica a las diferentes fases de la vida femenina Nazioarteko Kongresu Interdisziplinarrak hainbat jakintza arlotako espezialistak bildu nahi ditu: Historia, Filologia, Artearen Historia, Kazetaritza, Psikologia eta Gizarte Zientziak, besteak beste. Helburua da emakumeen bizitzaren etapa desberdinak aztertzea historian zehar eta kultura ezberdinetan, haurtzarotik zahartzaroa arte. Kongresuak plataforma bakarra eskainiko du emakumeak nola irudikatu, interpretatu eta bizi izan diren eztabaidatzeko, bizitzako etapa bakoitzean zehar.

Gaiak eta helburuak

Kongresuak emakumearen adin desberdinen azterketa izango du ardatz, ikuspegi interkultural eta interdisziplinarretik. Parte-hartzaileek honako gai hauek jorratuko dituzten ikerketak, hausnarketak eta proposamenak aurkez ditzakete:

• Bizitzako etapa desberdinek emakumeengan duten eragina
• Genero berdintasuna, memoria historikoa eta emakumeen eskubideak
• Emakumea eta kulturartekotasuna historian zehar
• Soldata-arrakala eta baliabide ekonomikoetarako sarbidea
• Genero-indarkeria eta diskriminazioa
• Hezkuntza eta lidergoan trebakuntza
• Irudikapen sozial eta kulturala
• Parte-hartze politikoa eta erabakigunea

Jasotako proposamenak edukien arabera sailkatu eta egokituko dira, hiru ardatz tematiko nagusitan banatzeko. Ardatz horiek izango dira kongresuaren gida, lan-mahaiak eta eztabaida-eremuak antolatzeko:

1. ARDATZA: Emakumea literaturan, arteetan eta psikologian
2. ARDATZA: Emakumeen irudikapena historian zehar
3. ARDATZA: Emakumeen gizarte, politika eta kultura eginkizunak garai ezberdinetan

Kongresuak “bizitza-lerro” bat sortuko du, emakumeen esperientziei, lorpenei eta hausnarketei ikusgarritasuna emateko, eta haien idazkiak zein ekarpen historikoak nabarmentzeko. Harrera ona izanez gero, urtero edizio bat egitea aurreikusten da, etorkizuneko proiektu iraunkor eta hazkor bihurtzeko helburuarekin.

Hedapena

Kongresua EHU/UPVren kanal ofizialen bidez zabalduko da, hala nola unibertsitateko buletin digitalean eta sare sozialetan, parte-hartze zabala bermatzeko.

Antolakuntza Batzordea

Iraide Pérez Blanco – iraide.perez@ehu.eus 

Beatriz Onandia Ruiz – beatriz.onandia@ehu.eus 

Filologia eta Historia Saila, Frantses Filologiako arloa Letren Fakultatea, EHU/UPV