SI1: Informazioaren eta komunikazioen teknologia eta enpresa prozesuetako soluzioak integratzeko gaitasuna erakundeen informazio premiak asetzeko, haien helburuak modu eraginkor eta efizientean betetzeko aukera emateko, eta horrela lehiatzeko abantailak eskaintzeko .



SI2: Antolakuntza baten informazio eta komunikazio sistemen eskakizunak zehazteko gaitasuna, kontuan izanik segurtasunaren eta indarrean diren araudiaren eta legeriaren betetze mailaren alderdiak.



SI3: Informazio eta komunikazio sistemak zehazten, diseinatzen, inplementatzen eta mantentzen modu aktiboan parte hartzeko gaitasuna.

1. GAIA - SARRERA

DB kudeaketaren erronka nagusiak eta DB administratzaile baten eginkizun nagusiak. DBKS bat instalatu eta konfiguratu.



2. GAIA - SEGURTASUNA

Erabiltzaile eta rolen arteko desberdintasunak. Sarrera-kontrol metodoak. Pribilegioen kudeaketa.



3. GAIA - AUDITORETZA

Auditoretza baten betebeharrak eta auditoretza motak. Auditoretza tresnak, adibidez, Log-ak eta Trigger-ak.



4. GAIA – BERRESKURATZE MEKANISMOAK

Berreskurapen egutegia eta bere erabilpena. Babes kopiak: motak eta haien erabilpena.



5. GAIA – KONKURRENTZIA KONTROLA

Konkurrentzia arazoak. Konkurrentzia kontrol protokoloak: erreserbetan edo denbora-marketan oinarritutakoak. Konkurrentzia kudeatzeko tresnak.



6. GAIA - OPTIMIZAZIOA

DB-ak optimizatzeko teknika orokorrak eta kontsulten prozesamendua. Indizeak. Kontsulten kosteak estimatzeko teknikak.



7. GAIA - SISTEMA BANATUAK ETA NOSQL

DBKS banatuen ezaugarriak. NoSQL-ren oinarriak. Dokumentuetan oinarritatuko NoSQL DBKS baten funtsezko kudeaketa.

Eskola magistraletan (M) eduki teorikoak landuko dira, ondoren ariketa praktikoak egiteko erabiliko direnak. Eduki teoriko horiek lantzeko, ariketak egingo dira adibide gisa.



Gelako praktikak (GA) eduki teorikoei buruzko zalantzak argitzeko eta ariketak egiteko erabiliko dira batez ere. Banaka edo talde txikietan egiteko moduko ariketak proposatu daitezke ere.



Ordenagailuko praktiketan (GO) eskola magistraletan (M) eta gelako praktiketan (GA) ikasi diren teknikak praktikan jarriko dira benetako sistemetan. Saio praktiko hauetan taldeka lan egingo da, defektuz, 2 ikaslez osatutako taldeetan. Saio hauek ezin dira banaka jorratu.

Ikasleek ebaluaketa sistema hautatu dezakete bi aukera hauen artean: ebaluazio jarraia edo finala, jarraia lehentsia delarik. Horrela, ebaluazio finala aukeratu nahi duten ikasleek irakasleei jakinaraziko diete, lauhilekoaren 10. astea baino lehen.



== Ebaluaketa Jarraia ==



3 azterketa partzial eta 6 laborategiko probaz osatuta dago ebaluaketa sistema hau.



Irakasgaiaren ebaluaketa 3 zatitan banatzen da (I.Zatia, II. Zatia eta III.Zatia) . Ondoren, zati bakoitzari irakasgaiko nota finalean dagokion pisua zehazten da:

- I.Zatia , irakasgaiko kalifikazioaren %30

- II. Zatia, irakasgaiko kalifikazioaren %35

III.Zatia, irakasgaiko kalifikazioaren %35



Zati bakoitza, azterketa partzial bat eta laborategiko 2 proben entregatzeekin dago osatuta. Bakoitzaren kalifikazioa 0 eta 10 puntu artekoa izango delarik.

- Azterketa partzialak, galdera teorikoz eta ariketaz egongo da osatuta. Klase Magistraleen (M) ordutegian egingo dira.

- Laborategiko proben entregatzea, data zehatzetan egingo da. Data gehigarri bat egongo da, non irakasleek, ikasle talde batzuei bertan garatutako ariketa praktikoak martxan erakustea eskatuko den. Zein taldek egingo duten erakusketa, modu aleatorioan erabakiko da.



Praktiken kalifikazioa emandako ariketen eta, bidezkoa bada, irakasleek GO klase batean egindako ebaluazioaren arabera egingo da. Lauhilekoaren hasieran azterketa partzialak, laborategietako entregatzeak eta praktiken ebaluketa datak iragarriko dira.



Irakasgaiaren zati bakoitzaren kalifikazioa kalkulatzeko, azterketa partzialaren kalifikazioaren (% 60) eta laborategiko praktiken kalifikazioaren (% 40) arteko batez besteko ponderatua eginez kalkulatuko da.



Modalitate honetan ikasgaia gainditu ahal izateko nahitaezkoa da 10etik gutxienez 3,5 puntu izatea azterketa partzial guztietan eta entrega praktikoetako batez besteko nota ponderatua, 10etik 5 puntuko izatea. Gutxieneko nota horiek ez badira lortzen, irakasgaiaren gehieneko kalifikazioa 4 puntukoa izango da.



== Ebaluaketa Finala ==



Ebaluazio mota hau idatzizko azterketa teoriko baten eta azterketa praktiko baten bidez sustatuko da. Eskolak finkatutako egun eta ordu ofizialetan egingo da. Lehenbizi idatzizko azken azterketa eta, ondoren, azken azterketa praktikoa. Bi azterketen kalifikazioa 0tik 10era bitartekoa izango da.



Aukeran, azken azterketa praktikoa baliozkotu daiteke, ebaluazio jarraituaren modalitatean proposatutako laborategiko praktikak gainditzearekin.



Ikasgaia gainditzeko, nahitaezkoa izango da idatzizko azken azterketa eta azken azterketa praktikoa gainditzea. Bi azterketak gaindituz gero, irakasgaiaren azken kalifikazioa lortzeko, azken azterketa idatziaren kalifikazioaren (% 50) eta azken azterketa praktikoaren (% 50) arteko batez besteko ponderatua kalkultatuz lortuko da. Bestela, azken kalifikazioa ez da 4 puntu baino gehiagokoa izango.



== Aurkeztua vs Ez-Aurkeztua ==



- Lortutako kalifikazioa "Aurkeztua" izango da, baldin eta hirugarren azterketa partziala egiten bada ebaluazio jarraituaren modalitatean edo ebaluazio finalaren modalitateko edozein azterketa egiten bada.



- "Ez aurkeztuta" kalifikazioa lortuko da, baldin eta ez bada egiten hirugarren azterketa partzialik ebaluazio jarraituaren modalitatean, eta ebaluzioa finalako edozein azterketa ezta ere.



== Kopia ==

Kopia kasua identifikatuz gero, Graduko Titulazio Ofizialetako Ikasleen Ebaluazioa Arautzen duen Araudiaren 11.3 artikuluan ezarritako irizpideak jarraituko dira.

Erabili behar den material guztia eGela (UPV/EHU) plataforma birtualean utziko da.

Oinarrizko bibliografia

* Datu-base oinarriak (4. edizioa). R.A. Elmasri eta S.B. Navathe. EHU, 2009.

Gazteleraz: Fundamentos de Sistemas de Bases de Datos (5a edición). R.A. Elmasri y S.B. Navathe. Addison-Wesley, 2007.

Ingelesez: Fundamentals of Database Systems (7th edition). R.A. Elmasri and S.B. Navathe. Addison-Wesley, 2015.

* Gazteleraz: Sistemas de Bases de Datos. Un enfoque práctico para diseño, implementación y gestión (4a edición). T. Connolly y C. Begg. Addison-Wesley, 2005.

Ingelesez: Database Systems: A Practical Approach to Design, Implementation, and Management (5th edition). T. Connolly and C. Begg. Addison-Wesley, 2009.

* Gazteleraz: Sistemas de Bases de Datos (9a edición). Diseño, implementación y administración. P. Rob y C. Coronel. Cengage Learning, 2014.

Ingelesez: Database Systems: Design Implementation and Management (9th edition). P. Rob and C. Coronel. Cengage Learning, 2009.

Gehiago sakontzeko bibliografia

* Database system concepts (6th edition). A. Silberschatz, H.F. Korth and S. Sudarshan. McGraw-Hill, 2011.
* Database: Principles, Programming, and Performance (2nd edition). P. O'Neil and E. O'Neil. Elsevier Science, 2001.
* Principles of Distributed Database Systems (3rd edition). M.T. Ozsu and P Valduriez. Springer, 2011.
* Distributed Database Systems. D. Bell and J. Grimson. Addison-Wesley, 1992.
* Managing Distributed Databases. Building bridges between database islands. D.K. Burleson. J. Wiley & sons, 199.
* Database Administration. The Complete Guide to Practices and Procedures. C.S. Mullins. Addison-Wesley, 2002.
* Database Tuning. Principles, Experiments and Troubleshooting Techniques. D. Shasha and P. Bonnet. Morgan-Kaufmann, 2002.