Metodologia

Gaikuntza Master hau ikasturte akademiko batean egiteko da, eta guztira 60 ECTS kreditu ditu.- 30 ECTS kreditu ikasle bakoitzak arkitekturako proiektu bat garatzeko izango dira. Proiektu horretan Graduan eta Masterrean lortutako gaitasun guztiak sartu beharko dira eta ikasleak arkitekturako egikaritze proiektu bat gauzatzeko gai dela erakutsi beharko du. Proiektu hori ikasturte osoan zehar garatuko da eta, bukaeran, hautatzen duen ibilbideko (Ondarea, Zaintza eta Birgaitzea; Hirigintza, Paisaia eta Lurraldea; eta Berrikuntza eta Ikerketa Sortzaileak) Karrera Amaierako Proiektuaren (aurrerantzean KAP) epaimahaiaren aurrean aurkeztuko da.- 21 ECTS kreditu Master ikasgelako eskoletarako izango dira. Kreditu horiek guztiak tailer modalitatean (tailer industriala, gehienez ere 25 ikasleko taldeekin) eta teoria modalitatean (ikasgela magistrala, gehienez 100 ikasleko taldeekin) garatuko dira, % 50ean. Master ikasgela bakoitzean bi irakasgai emango dira, Proiektu Garapena eta Garapen Teknikoa izenekoak, eta horien eskola orduak, hurrenez hurren, 12 eta 9 ECTS kredituri dagozkionak izango dira.- 9 ECTS kreditu kanpoko praktikak.Titulu hau osorik emango da bi hizkuntza ofizialetan. Etorkizunean, egoerak horretarako aukera ematen duenean, masterraren kreditu batzuk edo guztiak ingelesez ere eskaini ahal izango dira.

Ebaluazioa

Ebaluatzeko prozedura. Proiektu Garapena eta Garapen Teknikoa irakasgaiak jarraian adierazten den moduan ebaluatuko dira: Etengabeko ebaluazioa (% 40-60) Proiektu aurkezpenaren bidezko ebaluazioa (% 40-60) Karrera Amaierako Proiektuan erabiliko den ebaluazio metodoa proiektu aurkezpenaren bidezkoa izango da (% 100)