Metodologia

"Banka eta Finantza Kuantitatiboak" masterrak 2 urte irauten du (6 seihileko), eta 120 ECTS kreditutan banatzen da.Lehenengo urtean, 60 kreditu ematen dira nahitaezko irakasgaietan. Bigarren ikasturteko lehen bi hiruhilekoetan, ikasleek hautazko irakasgai eskaintzaren 30 kreditutan matrikulatu behar dute (programan jasotakoen artetik urtero egiten den irakasgai eskaintza). 90 kredituak gainditu ondoren, ikerketa lana egiten da (30 kreditu).Irakaskuntza aurrez aurrekoa da, eta irakasleek ikasleen tutoretza lanak egiten dituzte GAUR plataformaren bidez iragartzen diren ordutegietan.

Ebaluazioa

Nahitaezko eta hautazko irakasgaien ebaluazioa bi elementutan oinarritzen da: eskolaldiaren amaierako azterketa, eta aldian behin ikasleei bakarka ebatz ditzaten ematen zaizkien ariketa edo zereginen balorazioa. Masterraren Batzorde Akademikoak Banka eta Finantza Kuantitatiboen Workshop-a antolatzen du urtero, bigarren ikasturteko ikasleek beren Master Amaierako Lanak aurkez ditzaten. Azken edizioetan, programak lankidetza eta finantzaketa hitzarmen bat sinatu du FUNCAS fundazioarekin, jardunaldi hauek Madrilgo bere egoitzan egiteko. Workshop-ean, lau unibertsitateetatik kanpoko irakasle adituek Master Amaierako Lanak iruzkindu eta eztabaidatzen dituzte. Unibertsitate bakoitzak epaimahai berezi bat izendatzen du masterrean matrikulatutako ikasleen MALak baloratzeko. Epaimahai hori behin betiko kalifikazioaz arduratzen da, kontuan izanik kanpoko iruzkingilearen, MAL zuzendariaren eta aurkezpenean parte hartzen duten Batzorde Akademikoko kideen iritziak.