Eraikuntzaren Ingeniaritza Masterra

Ekonomiak azken hamarkadan egin duen muturreko birak ezin konta ahala aldaketa eragin ditu eraikuntzaren sektorean, estatuko ardatzetako bat dena, BPGn eta enplegu sorkuntzan duen eraginari erreparatuz gero. Ondorioz, gero eta beharrezkoagoa da eraikuntza teknika berriei buruzko ezagutzak eguneratzea, jasangarritasunaren eta kalitatearen ikuspegietatik.

Eraikuntzaren Ingeniaritza Masterrak eraikuntzaren ikuspegi multidiziplinarra duten profesionalak trebatzen ditu, eraikinaren eta obra zibilaren multzoa bateratzen duen ikuspegia, programak barne hartzen dituen hiru esparruetan: egituren diseinua eta kalkulua, instalazioak, eta proiektuaren eta obraren kudeaketa.

Alde horretatik, prestakuntza programak hiri azpiegiturak eta instalazioak proiektatu, exekutatu eta mantentzeko behar diren gaitasunak sendotzen ditu, hirigintza, ingurumen eta jasangarritasun parametroak integratuz proiektuen garapenean, etika profesionaleko eta giza, gizarte eta ekonomia analisirako irizpideak erabiliz. 

Nabarmentzekoa da eraikuntza sektoreak programa honetan duen presentzia, hainbat enpresatako teknikari profesionalek osatutako talde garrantzitsu baten partaidetzaz, bere esperientzia erabiltzen duena eraikuntzako ingeniaritzaren alorreko arazo errealak ebazteko.

Masterraren bidez zuzenean sar daiteke Ingeniaritza Mekanikoa doktorego programara.