Metodologia

Masterra egiteko eredua duala da; hortaz, helburu komun bat lortzeko, lana batera egin behar dute hiru eragile nagusiek; hau da, unibertsitateak, enpresak eta ikasleak. Unibertsitateaz gainera, gaitasunak ikasteko eta garatzeko ingurune bihurtzen da enpresa bera, ikaskuntza prozesuan txertatzen baita modu koordinatu eta planifikatu batean. DUAL ereduak suposatzen du ikaslea enpresarekin lotuta egongo dela masterrak irauten duen 2 ikasturteetan (eguneko % 50 gutxienez eta konpentsazio ekonomikoa jasoz). Horrez gainera, ikasturte osoan, enpresa tutorea eta unibertsitate tutorea tandemaren laguntza jasoko du ikasleak, eta aldizka jarraipen bilerak egingo ditu haiekin batera. Masterra inguruko enpresen lankidetza estuaz diseinatu da, eta haiek parte hartzen dute bai edukien zehaztapenean bai horien irakaskuntzan. Zenbait egoitzatan egingo da: IMHko Ingeniaritza Dualaren Ingeniaritza Eskola (Elgoibar); Tecnaliako instalazioak, Miramongo Parke Teknologikoan (Donostia) eta Zamudion, IK4-Ideko Teknologia Zentroan (Elgoibar), eta Vicomtech (Donostia).Ikasleen estantziak enpresetan hitzarmenen bidez formalizatuko dira gurekin sistematikoki lankidetzan ari den Ingeniaritza Dualako Unibertsitate Eskolarekin.Irakasgaietan erabilitako irakaskuntza metodologiak eskola magistralak konbinatzen ditu ikasgelako praktikekin eta ordenagailuko praktikekin. Prestakuntza programan, edukiak Proiektuetan Oinarritutako Ikaskuntza metodologiaren bidez ematen dira.

Ebaluazioa

Master honetan eskuratutako gaitasunak ebaluatzeko askotariko sistema bat erabiltzen da. Hala, oinarrizko ezagutzak kontrastatzeko ebaluazioak, egoera problematikoetan oinarritutako ebaluazioak eta ikasleei planteatutako praktikak konbinatuko dira. Ebaluazioak banakakoak (aldez aurretik finkatutako une jakinetan egin beharrekoak) edo taldekoak izan daitezke (denboraldi batez egin beharrekoak, emaitzak batera aurkeztuta). Irakasgai bakoitzari aplikatutako ebaluazio sistemaren zehaztasunak irakasgaiaren dokumentazio espezifikoan ematen dira.