Gaztenpatia

UPV/EHUk eta Euskal Fondoa Lankidetzan aritzen diren Tokiko Euskal Erakundeen Elkarteak GAZTENPATIA egitasmoan parte hartzera gonbidatzen zaituztete.

Zer da Gaztenpatia?

Gaztenpatia, hain zuzen ere, gazteen artean enpatia eta elkartasuna sustatzen dituen kulturarteko proiektua da. Sormena eta ekintzailetza soziala baliatuz, UPV/EHUko ikasleek hainbat jarduera landuko dituzte Euskal Fondoak diharduen herrialdeetako gazteekin batera: Mendebaldeko Saharakoekin, Guatemalakoekin, El Salvadorkoekin eta Nikaraguakoekin.

Hauxe da proiektuaren helburu nagusia: elkartasuna eta enpatia sustatzea Euskadiko, Nikaraguako, Guatemalako, El Salvadorko eta Mendebaldeko Saharako gazteen artean.