Psikologia Fakultateak Euskararen Nazioarteko Eguna dela-eta Euskara Batzordeak antolatu duen EUSKARAZ ADIERAZI! lehiaketan parte hartzera animatu nahi zaitu.

"EUSKARAZ ADIERAZI!" lehiaketa (Psikologia Fakultatea)

• Helburua

Euskararen Nazioarteko Eguna ospatzea Psikologia Fakultateko komunitatearen artean sormena eta euskararen erabilera sustatuz.

• Egutegia

Izen-ematea eta lanak entregatzeko epea: azaroaren 19tik 29ra.

Emaitzen iragarpena eta sari banaketa: abenduaren 3an, Euskararen Egunean.

• Kategoriak

1. Esaldi sortzailea

• Gaia: euskara, Psikologia eta Logopedia, euskara eta emozioak, nahiz euskara eta komunikazioa.
• Gehienez 20 hitz.

2. Marrazkia edo ilustrazioa

• Gai bera, interpretazio librean.
• Formatu digitalean edo paperean entregatu.
• Baloratuko da originaltasuna eta euskararen mezua nola irudikatzen den.

3. TikTok edo bideo laburra (gehienez minutu bat)

• Izan daiteke mezua, dantza, abestia nahiz psikologia edo logopediari lotutako hausnarketa labur bat.

• Sariak

Kategoria bakoitzeko irabazle bat.

Parte hartzeko modua

• Lanak:

Bidali zure lana helbide honetara: psikologia.fak.akademi-idaz@ehu.eus