Goretti Soroa Psikologia Fakultateko irakaslea eta Qualiker ikerketa taldeko kidea da. Beasaingo Udalak martxan jarri duen adinekoentzako hezkuntza sozioemozionala lantzeko tailerra egiten ari dira 65-85 urte bitarteko pertsonetan antsietatea, depresioa, edo/eta bakardadea prebenitzeko.

Esku-hartze sozioemozionaleko programa honetan parte hartzen dute Beasaingo Udalak, Cita Alzheimer Fundazioak eta EHUko Psikologia Fakultateak (Qualiker Taldea). Arantxa Gorostiaga arduradun dela, Nekane Balluerkak, Goretti Soroak eta Aitor Aritzetak osatzen dute ikerketa-taldea.