Praktika kurrikularrak EHUko Logopediako Graduko derrigorrezko bi irakasgaik osatzen dituzte: bata, 3. mailako lehen lauhilekoan ematen dena, eta bestea, 4. mailako bigarren lauhilekoan ematen dena (12 ECTS bakoitzak).

Bere helburua ikasleen prestakuntza teorikoa osatzea da, eskuratutako ezagutzak eta gaitasunak sendotuz eta praktikan jarriz, logopediaren jarduera-eremuren bat sakonago ezagutuz, lanbidean behar bezala jarduteko beharrezko gaitasun praktikoak eskuratuz eta ikasleak etorkizunean lan-munduan sar daitezen erraztuz.

EHUko ikasleen kanpoko praktika akademikoak 2019ko uztailaren 12ko Gobernu Kontseiluan onartutako eta 2019ko abuztuaren 06ko EHAAn argitaratutako araudiaren arabera arautzen dira.

Kanpoko Praktiken dekanordeak eta Practicum Batzordeak arduratu behar dute kudeaketaz. Administrazio eta zerbitzuetako langileek ere laguntzen dute aipatutakoen kudeaketa egokia izan dadin.

Hirugarren mailako ikasgaiaren kasuan, praktika kurrikularrak irailetik urtarrilera bitartean egiten dira, eta guztira 200 ordu ematen dira praktiketako zentroan. Hirugarren mailako ikasleek astelehenetik asteazkenera bitartean eskolak dituztenez, praktikak arratsaldez edo ostegun eta ostiraletan modu kontzentratuagoan egiten dira.

Laugarren ikasgaiaren kasuan, curriculumeko praktikak otsailetik ekainera bitartean egiten dira, eta, guztira, 200 ordu ematen dira praktiketako zentroan.

Bi kasuetan, irakasgaian matrikulatuta egon behar da. Hirugarren mailako irakasgaiaren kasuan, ikasleak Logopediako Graduko 114 kreditu gutxienez gaindituta izan behar ditu; laugarren mailako irakasgaiaren kasuan, berriz, Logopedia Graduko 150 kreditu gutxienez.

3. MAILAKO IRAKASGAIA:

• Azaroan, bigarren mailako ikasleentzako praktikei buruzko informazio-hitzaldi bat egiten da. Hitzaldi horretan, praktikak egiteko esparru eta lurraldeko lehentasunen galdetegi bat betetzea eskatzen zaie.
• Ekainean praktiketako plazen katalogoa argitaratzen da.
• Uztailean, ikasleak kanpoko praktika kurrikularretan matrikulatu behar dira. Ondoren, aurreinskripzioa egin behar du GAURen katalogoko 15 (plaza edo praktiketako zentroak) hautatuz, lehentasunaren arabera.
• Azkenik, uztailean, ikasleriaren batez besteko notaren arabera esleitzen dira plazak.

4. MAILAKO IRAKASGAIA:

• Martxoan, hirugarren mailako ikasleentzako praktikei buruzko informazio-hitzaldi bat egiten da. Hitzaldi horretan, praktikak egiteko esparru eta lurraldeko lehentasunen galdetegi bat betetzea eskatzen zaie.
• Uztailean, ikasleak kanpoko praktika kurrikularretan matrikulatu behar dira.
• Urrian, ikasleak kanpoko praktika kurrikularretan matrikulatu behar dira. Ondoren, aurreinskripzioa egin behar du GAURen katalogoko 15 (plaza edo praktiketako zentroak) hautatuz, lehentasunaren arabera.
• Azaroan, ikasleriaren batez besteko notaren arabera esleitzen dira plazak.

Bai, izapide horri esleipen zuzena esaten zaio. Zentro berri batekiko hitzarmena baliozkotzat joko da, baldin eta baldintza hauek betetzen badira:

• Zentroa gure katalogoan azken 2 ikasturteetan EGON EZ BADA.
• Euskal Autonomia Erkidegotik kanpoko erakunde publiko bat EZ bada.
• Instruktorea logopeda bada.
• Egin beharreko funtzioak Logopediarekin lotuta badaude.

• Hitzarmen berri bat egiteko dokumentu honetan agertzen diren datuak bildu eta bete datu horiekin orri horretan aurkituko duzun formularioa.
• Formularioa bete ondoren, inprimatu edo gorde ezazu sortzen den pdf dokumentua eskaeraren gordekin gisa.
• Bidalitako datuak Kanpoko Praktiken dekanordeak erkatuko ditu. Dena ondo badago, EHUren eta aukeratu duzun zentroaren arteko hitzarmen berria egingo da eta zuzenean esleituko zaizu plaza, eta praktikak hasi arte ez duzu bestelako izapiderik egin beharko.
• Prozedura hau posible izan dadin, eskaera urtero eskaintzen den informazio-hitzaldian ezarritako epemugaren barruan bete behar da. Epe horretatik kanpo, Praktiketako Dekanordetzarekin harremanetan jarri behar duzu eskaera bat egin aurretik.

Bai, praktika horiek autokudeaketa prozedura baten bidez egingo dira, ikasleek proposatuta (hau da, interesa duten ikasleak fakultateko irakasleekin jarriko dira harremanetan), eta onartuko egingo dira baldin eta EHUko ikasleen kanpoko praktika akademikoen arautegiak eskatzen dituen baldintzak betetzen badituzte. Kasu horretan, irakaslea arduratuko da praktiketako plaza izapidetzeaz.

Horretarako, eskaera dokumentua bete eta bidali beharko da:

Praktiketako tutorea fakultateko irakasle bat da, plaza esleitu ondoren esleitzen zaizuna, eta zure praktiken garapena gainbegiratzeaz eta orientatzeaz arduratzen da:

• Lehen harremana egin behar du praktiken zentroarekin (ikasleek ez dute egin behar).
• Praktiken plana azaldu behar dizu.
• Zure lanen jarraipena egin behar du, eta begiratu ea fakultatean jasotako prestakuntzarekiko egokitzapena egokia den.
• Zure praktiken zentroan sor daitekeen edozein arazotan bitartekari lanak egin behar ditu.

Praktika zentroak praktikak zuzenean gainbegira ditzan esleitzen duen pertsona da, betiere zure hezkuntza akordioan adostutakoaren arabera.

Fakultateko zure tutoreari jakinarazi, eta hark baloratuko du zer egin behar den eta praktiken arduradunei jakinarazi behar zaien.

Bai zure tutoreak bai instruktoreak ebaluazio jarraitua egingo dute praktiketan egin duzun lanari buruz. Praktikaldia amaitzean, tutoreak kalifikazio bat jarriko du, honakoak kontuan hartuta:

• Zentroko begiralearen ebaluazioa, dagokion txostenean jasoa eta tutorearengana iristen dena.
• Praktikaldia amaitzean aurkezten duzun memoria.

Irakasgaiaren amaierako nota ezartzeko, praktiketako instruktorearen kalifikazioari % 70 emango zaio, eta barruko tutorearen kalifikazioari % 30.

Dokumentu honetan azaltzen da zelakoa izan behar den fakultateko tutoreari praktikak amaitu eta gehienez hilabetera entregatu beharreko azken memoria.
Era berean, praktiken zentrora zoazenean, asistentzia erregistroa bete beharko duzu. Gero, eranskin gisa aurkeztu beharko duzu praktiken memorian

Hirugarren mailako irakasgaiaren kasuan, curriculum-praktiken akta urtarrilaren hasieran irekitzen da, praktiken notak sartzeko haien ebaluazioak egin ahala; beraz, data horretatik aurrera ikusi ahal izango duzu zure nota.

Laugarren mailako irakasgaiaren kasuan, curriculum-praktiken akta ekainaren hasieran irekitzen da, praktiken notak sartzeko haien ebaluazioak egin ahala; beraz, data horretatik aurrera ikusi ahal izango duzu zure nota.

Bai, praktikak amaitzean, ikasleen praktiken ebaluazioari buruzko inprimaki hau bete beharko duzu zure esperientziaren berri emateko. Zati hau oso garrantzitsua da guk zuen esperientzia nolakoa izan den jakin dezagun.

Informazio gehiago lor dezakezu Fakultateko praktiken webgunean, baita graduko gelan (eGela), eta kontuan hartu oso garrantzitsua dela posta korporatiboaren bidez bidaltzen ditugun mezuei adi egotea zuen @ikasle.ehu.eus posta elektronikora.
Hala ere zalantzak izango bazenitu, jar zaitez gurekin harremanetan:

• Helbide elektronikoa: psikologia.fak.praktikak.dekanordea@ehu.eus
• Telefonoak: 943.015637 / 943.018321