Jokabidearen ekologia eta eboluzioa (JOKABOLUZIO)
| Saila(k) Zoologia eta Animalia Zelulen Biologia |
||
|
Zientziaren esparru Zoologia |
||
| Ikertzaile Nagusia (IN): Zuzendaritza-ardurak elkarbanatu egiten ditugu | IN-laguna: | |
|
Partaideak Joxerra Aihartza, Inazio Garin, Urtzi Goiti |
||
|
Hitz gakoak Ugaztunak, harrapakinak, habitataren erabilera, izurriak, monitorizazioa |
||
|
Deskribapena Lantaldearen ibilbidea 90 hamarkadako saguzarren azterketa faunistiko eta ugaztun karniboroen habitat erabilerari buruzko ikerketarekin abiatu zen. Hurrengo hamarkadan egonkortu zen lantaldearen ibilbide akademikoa eta zientifikoa, Zoologia eta Animalia Zelulen Biologia sailean irakasle gisa lanpostuak erdietsiz eta hainbat doktoretza zuzenduz. Mehatxatutako saguzar espezieen ohitura trofiko eta espazialen berri ematen duten argitalpen zientifikoak garai horretan ekoiztutakoak dira. Orduko ikerketetan ohikoak ez ziren landa-laneko estandard berriak ezarri genituela esan daiteke, bai lagin kopuruari dagokiola eta bai irratitelemetriako datuak jasotzeko moduari dagokiola. Ordutik, saguzarren arrantzarako moldapen morfologiko eta akustikoak aztertu ditugu argi gutxirekin grabatzeko gai diren abiadura handiko bideo-kamerak eta denbora errealeko ultrasoinuen grabaketak saguzarren ehizalekuetan bertan erabiliz. Era berean, saguzarren banaketa geografikoa glaziazio eta interglaziazio artean modelizatu da egungo banaketa interpretatu eta etorkizuneko banaketa aurrikusteko. Azken urtetan bitarteko molekularrak erabiliz ugaztun intsektiboroen dieta aztertu dugu, dela kodetze anizkoitzaren bidez (metabarcoding ingelesez) harrapakinen zerrenda osoak lortu asmoz, dela izurriak detektatzeko helburuz qPCR eta MLAP deritzen teknikak erabiliz. Gainera, Euskal Elkarte Autonomoko lurrazpiko saguzarren monitorizazioan parte hartzen dugu, kolonia berriak bilatuz eta zenbaketak eginez, guzti horretarako erakunde publiko, natur elkarte, bolondres, basazain eta bestelako herritarren partaidetza eta elkarlana bilatzen dugun bitartean. |
||
|
Ikerketa-Lerroak
|
||
|
Ekipamendua
|
||
|
Web orrirako esteka
|
Harremanetarako |
|