Ekainaren 21ean, Arrate Gorrotxategi Justizia Sozialaren aldeko Klinika Juridikoko ikasleak “Intersex pertsonen errealitate isilduak: legediak onartutako eskubide-diskriminazioak eta -urratzeak” izeneko Gradu Amaierako Lana aurkeztu zuen UPV/EHUko IKDGaztek antolatutako ekitaldian. IKDGazte programaren beka lortu zuen Arratek, unibertsitateaz kanpoko erakunde/eragileekin lankidetzan egiten diren eta gizartean eragina sortu eta gizarteari ekarpen positiboa egin nahi dioten proiektuentzat. Justizia Sozialaren aldeko Klinika Juridikoak LGBTI+ / Euskal LGBTI+ Behatokia eta Asmi Ananda Molina intersex ekintzailearen laguntza izan zuen.