Zer duzu agintzen aro ederrik,

abia nendin soingaineko gabe,

hodei txarrez baituzu hain zakarrik

eki-loria ke putzetan gorde?

 

Alferrik duzu hodei artetik hor

xukatzen aurpegi ekaitzak-jo hau,

ukendua ez baita onurakor

zauripean makurrak gaitz badirau.

 

Ez duzu lotsa sendabide aski;

garbaitu arren zu, galdua nik min:

soleigarri ahul damua noski,

iraina izanik gurutze gordin.

 

Malkooz, ordea, maitasun-perloz,

kito degidazu egin okerroz.