Ez deitora gaitz egina: arrosez,

elorri; zilar-iturriak, lohi;

Eki, Ilargi, lainoz zein eklipsez;

pipil gozoena harjoa sarri.

 

Gizon orok du hutsen bat: hala nik

zure hori dut irudiz zuritzen,

ustelkerian jausten, kutsaturik,

zure hobenak hobenez kitatzen;

 

sentsuzko erruok niketz zentzudun,

defentsari nauzu aurkari ordez;

lege-kexuz daukat auzi maitasun-

gorroto halako gerra zibilez,

 

non gaizkian bainaiz kide nabarmen

lapur hain ezti, kalte mingots horren.