Aberatsak nola, giltza kutunaz,

sarrailatzen baitu altxor gordea,

joan gabe ordu oroz, arduraz

maiztez ez dakion kamuts plazera;

 

nola ohi den jaia bikainetsi

urte luzean han-hemenkaturik;

bakarki nola zenbait harribitxi,

edo koroan aleka landurik;

 

hala aldian zu, ene jai-kutxa,

soineko bikain gordeen armairu;

une bakanak bira atsegintza,

atxilo zeutzan loriok jostailu.

 

Zorteko, oso, zure aberatsa:

jabean, poz; gabean, esperantza.