Brontze, harri, lur, itsaso mugagaitz,

hilbehar itunak menderaturik,

nola egin Ederlorek indar latz

horri aurre, liliño bat izanik?

Nola euts udaren lurrin eztiak

egunen oldar enbatatsu horri,

non erkin diren are haitz larriak,

burdin hesiak Aldiri latorri?

Oi, gogoeton beltz! Non duke, bada,

Aldiren bitxiak hargandik babes?

Zer eskuk geldit haren abiada?

Nork, oi, lot eder-lapur hori katez?

Inork ez, noski; ez bada mirariz

tinta beltz hau pizten maitasun argiz.