Merkataritza Ikerketarako Aplikazioak irakasgaia bigarren lauhilekoan ematen den Marketineko graduko hirugarren mailako irakasgai bat da. Merkataritza Ikerketa: Sarrera irakasgaiarekin batera merkataritza ikerketaren erabilgarritasuna transmititzen saiatzen da, enpresan merkataritza erabakiak hartzen laguntzeko tresna bezala.

Enpresa batean hartzen diren merkataritza erabakiak titulazioaren beste zenbait irakasgaitan aztertu dira:

- Produktu eta Prezio Erabakiak (2. maila)

- Merkataritza Banaketa (2. maila)

- Merkataritza Komunikazioa: Oinarriak eta Plangintza (2. maila)

Ondorioz, komeni da irakasgai hauek gainditurik izatea merkataritza ikerketa teknikek enpresan erabakiak hartzen laguntzeko eskaintzen duten erabilgarritasuna hobeto ulertu ahal izateko.

Modu berean, irakasgai honetan ikasitako teknikak enpresen sorkuntzarekin erlazionatutako erabakietan ziurgabetasuna murrizteko erabilgarriak dira. Erabaki mota hauek Enpresen Sorkuntza eta Berrikuntza (4. maila) irakasgaian ikasten dira.

Merkataritza Ikerketarako Aplikazioak irakasgaiak Merkataritza Ikerketa: Sarrera irakasgaian hasitako informazio bilketa eta analisiaren prozesua osatu eta bukatu egiten du aldagai anitzeko tekniken bidezko datuen analisiarekin eta ondorioen garapenarekin.

Laburbilduz, informazioaren analisirako tresna nagusien ikuspegi ahalik eta zabalena aurkezten da ikasleei tresna horiek erabiltzeko gaitasuna emanez eta marketineko profesionalen jardueran tresna hauek duten garrantzia transmitituz.

IRAKASGAIAREN GAITASUNAK:



• Informazioaren bilketa eta analisirako trebetasun eta gaitasunak eskuratu negozio aukeren iturri bezala.

• Informazioaren balioaz kontzientzia hartu, enpresaren beste baliabide bat bezala.

• Merkatuen ikerketarako teknikei buruzko ezagupenak praktikan aplikatzeko gaitasuna eskuratu.





Gaitasun espezifiko hauek Merkataritza Ikerketa M04 moduluaren ondorengo gaitasunekin loturik daude:



 M04CM01 espezifikoa: Eskuratutako ezagupenak bere lanean aplikatzeko gaitasuna marketinarekin eta merkataritza ikerketarekin erlazionatutako edozein esparrutan.

 M04CM02 zeharkakoa: Lortutako datuetan oinarrituz arrazoitutako iritziak emateko gaitasuna.

 M04CM03 espezifikoa: Marketin eta merkataritza ikerketaren arlorako garrantzitsuak diren datuak bildu, sailkatu eta interpretatzeko gaitasuna, hauek modu etikoan erabiliz.

 M04CM06 espezifikoa: Merkatuen ikerketak eta analisiak egiteko gaitasuna.

 M04CM12 espezifikoa: Lanbidearekin eta lan merkaturekin erlazionatzeko gaitasuna.

1. GAIA: Eremu lana eta datuen prestakuntza.

2. GAIA: Datuen analisirako teknika multibarianteei sarrera.

3. GAIA: Merkataritza esperimentazioa.

4. GAIA: Merkatuen segmentazioa.

5. GAIA: Irudi eta posizionamenduari buruzko erabaki tresnak.

 Ikasgai magistrala: Irakasleak emandako klase presentzialak.

 Taldeko lan osagarria..

 Mintegiak: Jarduera didaktikoak klasean (puzlearen teknika, elkarlaneko foroak, lanen aurkezpena, irakurketak, e.a.).

 Praktikak: Ikasleek garatu beharreko kasu praktikoak klase teorikoetan ikasitako datuen analisirako tekniken bidez.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 50
  • Praktikak egitea (ariketak, kasuak edo buruketak) (%): 20
  • alde lanak (arazoen ebazpenak, proiektuen diseinuak) (%): 30

Ebaluazio jarraitua notaren %50 izango da eta azken azterketa notaren %50 izango da.

Ebaluazio jarraituak Taldeko lan osagarria burutzeko konpromisoaren onarpena eskatzen du eta hau lauhilekoaren bigarren astean zehar entregatuko beharko da. Lauhilekoaren lehenengo bi asteetan zehar adieraziko den epe eta moduan ikasleak proiektu proposamen bat aurkezten ez badu, ezin izango du ebaluazio jarraitua burutu.



Ohiko deialdian ebaluazio mistoari uko egiten dioten ikasleek, uko egitea irakasleari idatziz aurkeztu beharko diote lauhilekoaren bederatzigarren astearen bukaera baino lehen. Ohiko deialdian ebaluazio finala aukeratzen duten ikasleentzat irakasgai osoaren ebaluazioa garapeneko azken proba baten bidez burutuko da. Irakasgaiaren kalifikazioa ez aurkeztua izan dadin nahikoa da azken probara ez aurkeztearekin.

Bigarren deialdian ikasleek bi aukera izango dituzte:

1. Ebaluazio jarraian lortutako nota mantendu eta notaren %50a den azken azterketa burutu.

2. Notaren %100a den azken azterketa burutu.

E-gela Ikaskuntza birtualeko plataforman jasotako dokumentazioa.

Oinarrizko bibliografia

Pérez López, César (2011), Técnicas de análisis de datos con SPSS, Pearson.

Gehiago sakontzeko bibliografia

Hair, Joseph F., Rolph E. Anderson, Barry J. Babin, William C. Black (2018), Multivariate Data Analysis, Cengage.
Kirkpatrick & Feeney (2016), A Simple Guide to IBM SPSS Statistics - version 23.0, Cengage.
Lowe Ben, Hume Winzar, Barry Babin, Steve D'Alessandro, William Zikmund (2020), Marketing Research, Cengage.
Malhotra, Naresh K. (2019), Marketing Research: An Applied Orientation, Global Edition 7th Edition, Pearson.

Aldizkariak

Marketing News: http://www.marketingnews.es/
Foro marketing: http://www.foromarketing.com/
Journal of Marketing Research
Journal of Consumer Research
International Journal of Research in Marketing

Web helbideak

ESOMAR (European Society for Opinion and Marketing Research)
http://www.esomar.org/
AEDEMO (Asociación Española de Estudios de Mercado, Marketing y Opinión)
http://www.aedemo.es/aedemo/
FECEMD (Federación de Comercio Electrónico y Marketing Directo)
http://www.fecemd.org/
Agencia Española de protección de datos
https://www.agpd.es/portalwebAGPD/index-ides-idphp.php
Asociación para la investigación de Medios de Comunicación
http://www.aimc.es/