GAITASUNAK

Irakasgaiaren irakaskuntza ikasleak ondoko edukien ezagueraren jabe egiten, neurri batean bederen, ahaleginduko da:

- Gaur egungo planeamenduaren errealitatea abiapuntu izanen duen plangintza egituratzailearen oinarri metodologikoa.

- Hirigintzaren pentsamendu eta teoria klasiko- nahiz gure garaiko-aren ekarpenetan oinarrituko da, nagusiki arkitekturaren ikuspuntua aintzat hartuz. Aldi berean hirigintzan jarduten duten gainerako jakintza arloei buruzko begiradak aberastuko du ikaslearen ezaguera maila.

- Hirigintzaren eta lurzoruaren legedia abiapuntu duen hirigintza-plangintzaren garapen eta gauzatze prozesuetara hurbiltzea

- Gaur egungo hiriak dituen erronken gaineko hausnarketa.

GAI ZERRENDA

Irakasgaiak eskola teorikoen eta ariketa praktikoen bidez garatzen ditu azaldutako helburuak eta gaitasunak

- Programa teorikoa:

1 GAIA – PLANGINZA EGITURATZAILEA. DEFINIZIOA ETA LEGE-KONTZEPTUAK. ESKALA ETA HIERARKIA HIRI- ETA LURRALDE- PLANGINTZAN

2 GAIA: HIRI-HAZKUNDEA ETA BERE IRAUNKORTASUNAREN PROBLEMATIKA.

3 GAIA: LURZORUAREN SAILKAPENA ETA KALIFIKAZIOA. SISTEMA OROKORRAK ETA ESTANDARRAK

4 GAIA: HIRI-LURZORUA ETA LURZORU URBANIZAGARRIA. KALIFIKAZIOA ETA ANTOLAMENDUKO AREA ETA SEKTOREAK. LURZORU URBANIZAEZINA; BERE KALIFIKAZIOA ETA BABESA

5 GAIA: HIRI-FUNTZIOAK: JARDUERA EKONOMIKOA, ETXEBIZITZA, MUGIKORTASUNA ETA EKIPAMENDUAK

6 GAIA: LURZORUAREN ERRENTA ETA BALIOA. JABETZA ETA HIRIGINTZA GAINBALIOAK. EKONOMIA-ANALISIA ETA HIRIGINTZA-BALORAZIOAK.

7 GAIA: PLAN OROKORRA: EDUKIAK, KUDEAKETA, PROZEDURAK ETA IZAPIDETZEA. PLAN OROKORRAREN GARAPENA ETA JARRAIPENA.

Arlo teorikoa ebaluatzeko azterketak eginen dira. Horretaz gainera, klaseetan azalduko diren edukiak oinarri hartuz, ikasleek lan teoriko bat garatuko dute aginduko zaien gai jakin baten gain.

Aldi berean ikasleek bakarkako ariketaren bat eginen dute, iraupen laburrekoa, eskola teorikoetan azalduko diren edukiekin zerikusia izanen duena.



- Programa praktikoa:

Irakaspen teorikoak eta praktikoak harreman estua dute irakasgai honen irakaskuntzan eta heziketa, funtsean, lan praktikoetan eduki teorikoak landuz gauzatzen da. Eginen diren plangintza eta proiektuetako ariketen eremua udalerria izanen da, baita bizpahiru udalerri mugakideetan zehar hedatuak diren egungo eremu urbano jarraituak ere.

Irizpide horren arabera gauzatuko da, kurtsoan zehar, ariketa praktiko bat, ondoko eduki hauek garatzeko:

- Lan eremuari dagozkion informazio-bilketa eta indarrean dauden lurralde antolamenduko tresnen zehaztapenen analisia. Horren ondoren, lan eremuaren lurralde-, ingurumen- eta ondare-ezaugarriak azaltzeko hasierako azterketak.

- Udalerriaren eta/edo eremu urbano jarraituaren oinarrizko egiturazko antolamendu-proposamena gauzatzea, bere baitako eremuren baten antolamendu xehatua ere garatuko duena.

Lan praktiko nagusia egin bitartean ariketa osagarriren bat ere egin daiteke, ikasleak plangintzaren egikaritze prozesuetan trebatzera bideratua.

Arlo teorikoa bakarka eginen da. Arlo praktikoa, berriz, bakarka egitea hobetsiko da, baina bi lanetako bat -edo biak- taldeka egitea planteatu dezake irakasleak.

1. METODOLOGIA: Eskola teorikoak

XX eskola teoriko, zeinetan irakasleak eduki teorikoa azaltzen duen, ikus-entzunezko baliabideen laguntzarekin eta ikasleen parte-hartzearekin.

JARDUERAK: Kasu zehatzen azterketa; arazoen azterketan oinarritutako irakaskuntza; taldean garatutako eztabaidak.

2. METODOLOGIA: Ohiko eskola praktikoak

XX ohiko eskola praktiko, zeinetan ikasleek eskola teorikoetan jasotako irakaspenak aplikatuko dituzten.

JARDUERAK: Tailerrean egiten diren lan-saioak dira. Bertan ariketen bilakaeraren jarraipena, eztabaida eta zuzenketa baita lanen ebazpena ere eginen dira; eta landa-lanen ebazpena.

3. METODOLOGIA: Bisitaldiak eta ikasbidaiak

Tokia behar bezala ulertu eta antzemateko -batez ere lan praktikoetan- interesgarri irizten diren bisitaldi eta ikasbidaiak eginen dituzte ikasleek irakasleekin.

4. METODOLOGIA: Ikasgelaz kanpoko irakaskuntza

Ikasleek beren kabuz sakontzen dute irakasgaiaren edukietan.

JARDUERAK: Irakaskuntza autonomoa; artikulu aukeratuen irakurketa.

5. METODOLOGIA: Tutoretzak

Ikasgelaz kanpoko irakaskuntzaren osagarria, non ikasleen lana, banaka zein taldeka, modu pertsonalizatuan bideratzen den, ohiko gelan edo irakaslearen bulegoan.

JARDUERA: Lanen ikuskapen pertsonalizatua.

IRAKASKUNTZA EZ PRESENTZIALA

Irakaskuntza presentziala eten behar bada, osasun larritasuna dela kausa edo antzeko arrazoien ondorioz, eGelaren bitarteko BlackBoard Collaborate plataformaren bidez, modu ez presentzialean, eginen da.

Holakorik gertatzen bada irakasleak jakinaraziko die ikasleei gertatutakoa eta egin beharrekoa, eGelaren foroaren bidez, emailez, edo beste jakinarazpen baten bitartez.

IRAKASGAIAREN EBALUAZIOA

Ikasleek eginen dituzten lan praktikoak ebaluazio jarraia izanen dute eta entregaz entrega edo zatiz zati gauzatuko da. Horren ondorioa kurtso amaierako lan praktikoen ebaluazio-nota izanen da.

Horretaz gainera azterketa eta lan teorikoak ere eginen dira eta kurtsoaren ebaluazioa arlo praktikoaren eta arlo teorikoaren artean erdibana eginez zehaztuko da.

IRAKASKUNTZA EZ PRESENTZIALA

Irakaskuntza presentziala eten behar bada -osasun larritasuna dela kausa edo antzeko arrazoien ondorioz- ebaluazioa egokituko da "ebaluazio-sistemak" atalean zehatzen den moduan.

EBALUAKETA JARRAITUARI UKO EGITEKO AUKERA ADIERAZTEKO EREDUA

Justikatutako arrazoi batengatik ebaluaketa jarraitua izaterik ez duen ikasleak azken ebaluaketa batetarako eskubidea izango du, non kurtsoan zehar eskatu diren lanak aurkezteaz gain, azken froga idatzi bat egingo duen. Horrelako egoerak kurtsoko lehenengo 9 asteetan zehar jakinarazi beharko zaizkie irakasleei idatziz.



EBALUAKETARI UKO EGITEKO AUKERA ADIERAZTEKO EREDUA (EZ AURKEZTUA):

Lanen bat egin arren "ez aurkeztu" gisa agertu nahi duen ikasleak idatziz jakinaraziko dio irakasleari, gutxienez azterketaren data ofiziala baino astebete lehenago.

Eskuz eta ordenagailuz marrazteko oinarrizko tresnak.

Oinarrizko bibliografia

ESTEBAN I NOGUERA, Juli: "Hirigintza-antolamendua: kontzeptuak, tresnak eta jardunbideak", Bilbo/EHUko Argitalpen Zerbitzua/2016

LEWIS, David (Ed.): "La ciudad-problemas de diseño y estructura", Barcelona/Gustavo Gili/1972

TANDY, Cliff: "El paisaje urbano", Madrid /Ed. Blume/1976

LYNCH, Kevin: "La buena forma de la ciudad", Barcelona/Gustavo Gili/1985

MARTINEZ CARO, C. & DE LAS RIVAS, J. L.: "Arquitectura urbana", Madrid/Ed. Bellisco/1990

ASCHER, François: "Los nuevos principios del urbanismo", Madrid/Alianza Editorial/2004

Gehiago sakontzeko bibliografia

MARTIN, Leslie & MARCH, Lionel: "Urban Space and Structures", Cambridge/Univ.Press/1975
DAVIES, Ernest (Ed.): "Traffic engineering practice", London/E&F.N. Spon Ltd/1968
TERAN, Fernando: "Planeamiento Urbano en la España contemporánea", Barcelona /Gustavo Gili/1979
ZARATE MARTIN, Antonio: "El espacio interior de la ciudad", Madrid/Ed.Síntesis/1991
AGREST, Diana: “Architecture from without”, CAMBRIDGE Mass./M.I.T. Press/1991
HOUGH, Michael: "Naturaleza y ciudad", Barcelona/Gustavo Gili/1998
BERRY, Brian J.L. & KASARDA John D.: “Contemporary urban Ecology”, New York/Mc.Millan/1977
ARNHEIM, Rudolf: "Arte y percepción visual", Madrid/Alianza Editorial/2004
GLAESER, Edward: "El triunfo de las ciudades", Madrid/Taurus/2011
SOLÀ-MORALES, Manuel: "Hiri-hazkunde motak", Bilbo/EHUko Argitalpen Zerbitzua/2008
HIGUERAS, Ester: “Urbanismo Bioclimático”, Barcelona/Gustavo Gili/2010
HERCE, Manuel: "El negocio del territorio - Evolución y perspectivas de la ciudad moderna", Madrid/Alianza Editorial/2013
LEAL MALDONADO, Jesús: "La política de vivienda en España", Madrid/Editorial Pablo Iglesias/2010
MOZAS, J. (Ed.): "Density projects", Vitoria/Editorial a+t/2010,2012

Aldizkariak

Ciudad y Territorio
Town Planning Review
Urban (revista de la ETSAM)
Quaderns d’Arquitectura i Urbanisme
Journal of Urban Design