Irakasgai honek ematen dituen kurtsoko gaitasunak hurrengoak dira:



1. Irrati-ekoizpenean parte hartzen duten elementu tekniko eta adierazkorrak ezagutu.



2. Irratiko profesionalek erabiltzen dituzten teknika eta ohiturak bereganatu.



3. Irrati-taxuera ezberdinen diseinu, garapena eta errealizazioa antolatu, gainbegiratu eta kudeatu.



4. Irrati-produzkio baten lan-plangintza egin, beharrezko baliabideak zehaztu eta irratsaio bat zuzendu.



Irakasgaiarekin lortzen diren graduko gaitasunak hurrengoak dira:



1. Ikus-entzunezko komunikazioaren inguru eta ohitura profesionalen alorrean ezaguera eta esperientzia lortzea.



2. Ikus-entzunezko komunikazio eta informazioaren eduki eta prozesuen garapenean trebetasunak aplikatzea eta teknikak, teknologiak eta baliabideak erabiltzea.



3. Genero, formatu eta komunikabide desberdinetan lanaren eta ikerkuntzaren proiektu, lorpen eta emaitzak eraginkortasun, hitz-jario eta era argudiatuan komunikatzea eta adieraztea.



4. Parte-hartzearekin, kudeaketarekin eta talde-lanaren optimizazioarekin erlazionaturiko trebetasunak garatzea, erabaki-hartzera eta emaitzen ebaluaziora zuzenduriko irizpideak jarraituz.



5. Helburu-identifikaziora eta akzio plangintzara bideraturiko estrategiak proiektatu eta diseinatzea, edukien eta komunikazio-prozesu eta ikus-entzunezko informazio garapenaren testuinguruan.



6. Ikus-entzunezko komunikazioko arazo erabakirako ikuspegi sortzaile berriak laburbiltzea, garatzea eta ematea.

Irrati Ekoizpen eta Errealizazio ikasgairako aurreikusten diren gai teorikoak hurrengoak dira:



I. Irratia, hedabide ikustezina. Irrati-hizkuntzaren osagaiak. Irrati-idazketa eta gidoi-eraketa.



II. Irrati-ekoizpena esparru digitalean. Soinuaren ezaugarriak. Audioaren edizio digitala.



III Ekoizpenaren errutinak: ekoizpenaren errutinizatzea eta irrati-egitasmo sortzaileak.



IV. Erritmo eta jarraitutasuna irrati-programazioan. Soinu-irudia.



V. Irratia gaur egun eta irratiaren eskenatoki berriak. Irratia esparru multimedian.





Irrati Ekoizpen eta Errealizazio ikasgairako aurreikusten diren gai praktikoak hurrengoak dira:





1. Laborategi eta soinu espazioen erabilera eta tresneria.



2. Nahasketa-mahaiaren funtzioak eta erabilera.



3. Software (semi)profesionalaren erabilera grabaketa, edizio eta barreiapenean.



4. Gidoi-eraketa: idazketa eta lokuzioa.

Lan-metodologia aktibo eta parte-hartzailea da eta praktikotasunean oinarritzen da.



Irakasgaiak, ohikoak diren irrati-taxueretatik harago doazen ideien laborategia izan nahi du. Beraz, bideragarritasuna eta sormena batzen dituzten proiektuen errealizazioa bultzatzen da, beti ere kontuan hartuta, esperimentaziorako lekua izan behar dela unibertsitateak.



Eskolak praktikoak eta teorikoak izango dira bai ikasgelan zein laborategian.



Eskola guztiak presentzialak dira eta klaseetako asistentzia zein partehartzea kontrola daitezke

Banakako lana eta taldekoa konbinatuko dira. Irakasgaia gainditzeko ezinbestekoa da lan indibiduala zein taldekakoak gainditzea.



LAN INDIBIDUALAK azken notaren %40a suposatzen du eta hurrengoko ildo baten ingurukoa izan behar da:



- Ikaslearen lan pertsonala: astero teorian emandako gaien inguruan izango da eta e-GELA plataformaren bidez kudeatuko da.



- Ikasleak berak aukeraturiko irratsaio baten azkerketa.



- Taldeka egindako ekoizpenaren norbanakoaren azterketa.





TALDEKO LANAK azken notaren %60a suposatzen du eta hurrengo lanak batuko ditu:



- Irrati-pieza bat/batzuen gidoia, idazketa, ekoizpena eta errealizazioa (dramatikoa, elkarrizketak, erreportajea, saio musikalak...).



- Aukeran, ikasleek ikasturtean zehar parte hartu ahalko dute zenbait irrati-deialdietan (esaterako, Azaroan Casares Irratiak antolatzen duen lehiaketan edo Fakultateak antolaturiko Irrati Maratoian).



Ikasleen Ebaluaziorako Arautegiaren 8.3 artikuluari jarraiki ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta horretarako, bederatzi asteko epea izango du lauhilekoa hasita.



Azken ebaluazioak honako probak jasoko ditu eta ezinbestekoa izango da biak gainditzea irakasgaia aprobatzeko:



1. Garatu beharreko proba idatzia. Honek azken notaren %30a suposatuko du.



2. Banakako lanak. Hauek azken notaren %70a suposatuko dute. Material hau ebaluaketa proben egutegian ezartzen den data ofizialean eta lekuan entregatu beharko da eta irakasleak eta ikasleak aurretiaz adostutako hurrengo gaiak jorratuko eta ezaugarriak izango ditu:



- Irrati-pieza baten gidoi eta idazketa



- Gidoi eta eskaleta baten araberako irrati-pieza baten errealizaio eta grabaketa



- Irratsaio baten azterketa



- Irrati proiektu baten eraketa



- Irratia oinarria duen ikerketa-lana





Ikasleen Ebaluaziorako Arautegiaren 12.2 artikuluari jarraiki deialdiari uko egin nahi dioten ikasleek irakaskuntza aldia bukatu baino hilabete lehenago egin beharko dute eskaria.



Azken ebaluazioaren kasuan, ebaluaketa egun ofizialean egin beharreko probara ez aurkezte hutsak ekarriko du automatikoki deialdiari uko egitea.

Ikaslegoak derrigorrez erabili beharko ditu bai fakultateko instalazioak (audiolab eta/edo irakasleak planteatutako guneak) bai material ezberdinak (grabagailuak, mikroak, etab.) bai beharrezkoa(k) izan daite(z)keen software-a(k) ere (Zara Radio, GDS, Audacity, Pro-tools eta/edo beste gatzuk).

Oinarrizko bibliografia

Gutierrez, A., (2.001), Ekoizpena eta Errealizazioa Irratian, Bilbo, UEU.



Gutierrez. A., (2.002), Euskal Irratigintzaren Historia, Bilbo, UEU.



Gutierrez, A. et Fernandez, I., (2.005), Irratsaio bat egiteko tailer praktikoa, Bilbo, UEU.

Gehiago sakontzeko bibliografia

Hausman, C; Benoit, P. et O´Donnell. C., (2.001), Producción de la Radio moderna, Madril, Paraninfo.

Keith, M., (1.992), Técnicas de producción en radio, Madril, IORTV.

López Vidales, N. et Peñafiel Saiz, C., (2.000), La Tecnología en Radio, Bilbo, EHU.

Malvar, L., (2.005), La radio deportiva en España, Madril, Pearson.

Ortiz, M. A. et Marchamalo, J., (1.994), Técnicas de comunicación en radio. La realización radiofónica, Bartzelona, Paidós.

Ortiz Sobrino, M.A. et López Vidales, N., (2.011), Radio 3.0 Una nueva radio para una nueva era, Madril, Fragua.

Pedrero, L.M. (2.000), La radio musical en España, Madril, IORTV.

Rodero Antón, E., (2.003), Locución Radiofónica, Madril, IORTV.

Stanley R. A., (1.994), Manual del Audio en los Medios de Comunicación, Andoain, Zine eta Bideo Eskola.

Aldizkariak

www.uztaro.eus

www.argia.eus