Gure interesaren ardatza izendatzaile komuna duen arazo sorta bat da: hain zuzen, eragin magnetikoak eskala nanometrikoan, truke eta spin-orbitako elkarreraginen ondoriozkoak. Espero dugu etorkizunean gure ikerketaren emaitzak baliagarriak izango direla eskala nanometrikoan gailu magnetikoak garatzeko. Hori izango litzateke aplikazio teknologiko hurbilena; hala ere, gure ikerketa proiektua funtsezko ikerketari dagokio. Bereziki, kontuan hartuko ditugu:

1. aleazioak metal nobleko (Au, Ag) gainazaletan lantanidoekin eta bismutoarekin,
2. metalezko atomo eta/edo molekula organikoekin egindako monogeruza konplexuak, isolatzaile topologikoen eta grafenoaren gainekoak, baita grafeno/metal interfazeetan edo isolatzaile topologikoetan tartekatutakoak ere,
3. propietate elektronikoak eta garraio propietateak erdimetal topologiko berrietan, eta
4. spin-orbita interakzioko akoplamenduaren ondoriozko eraginak elektroi-fonoi interakzioaren garraioan.

Honako hauen ikerlanak zuzendu ditzakegu:

1. Nanozientzia Masterreko ikasleak,
2. Nanoegituren eta Material Aurreratuen Fisikako Doktorego Programako ikasleak, eta
3. doktorego ondoko ikertzaileak.

IT-756-13 ikerketa taldea, Eusko Jaurlaritza eta UPV/EHU, 2015/01/01etik 2018/12/31ra