Makinetako eta Mantentze-lanetako Gradua

Itsas garraioa izan da, historian zehar, salgaiak eta pertsonak garraiatzeko modurik erabiliena. Gaur egun, alderdi tekniko guztietan gaitutako profesionalak eskatzen dituen ezinbesteko garraiobidea izaten jarraitzen du.

Itsasontzien Makineriako eta Mantentze Lanetako Gradua Merkataritza Ontzidiko Makinetako Ofizialaren lanbidean sartzeko diseinatuta dago. Profesional hauek itsasontzietan edo itsas instalazioetan dauden makinen ekipo mekaniko, elektriko eta energetikoen funtzionamenduaz, mantentzeaz eta konponketaz arduratzen dira.

Graduak Nazioarteko Itsas Erakundearen STCW prestakuntza-kodearen baldintzak betetzen ditu (ingelesezko siglak: "Standards of Training, Certification and Watchkeeping" edo "Itsasoko Jendearentzako Prestakuntza, Titulazio eta Zaintza Arauak"). Gainera, Itsasoaren arloko Espezialitateko Ziurtagiriei lotutako praktikak eskeintzen dira, baita Merkataritza Ontzidiko itsasontzietan praktikak egiteko aukera ere.

Era berean, Graduak prestakuntza zientifiko-teknologiko oso zabala lortzeko aukera emango dizu. Horrela, ingeniaritzaren metodologia eta teknika energiaren, industriaren, bulego teknikoaren, ekipoen ekoizpenaren, kudeaketaren eta administrazio teknikoaren sektoreko jarduera-sorta zabal batean aplikatu ahal izango dituzu.

Kontuan izan behar da Merkataritza Ontzidiko titulu profesionalak lortzeko, Itsasoko Gizarte Institutuaren azterketa medikoa egin behar da. Pausu hau nahitaezko urratsa da merkataritza itsasontzietan praktikak egin eta zerbitzu profesionalak eskaintzeko.

Titulazio honek Itsasketa Masterrera zuzenean sartzeko aukera ematen du, Merkataritza Ontzidiko makinaburuaren lanbidean sartzeko ezinbestekoa dena.

Onartzeko izapidean. Irakaspena 2026/2027 ikasturterako aurreikusten da.